கொரோனா அச்சுறுத்தலுக்கு மத்தியிலும் 14 மணி நேரம் படப்பிடிப்பில் கலந்து கொள்ளும் ‘அண்ணாத்த’!

கொரோனா அச்சுறுத்தலுக்கு மத்தியிலும் 14 மணி நேரம் படப்பிடிப்பில் கலந்து கொள்ளும் ‘அண்ணாத்த’!

ண்ணாத்த படப்பிடிப்பு படுவேகமாக நடந்து வருகிறது. வரும் 28-ம் தேதிக்குள் தனக்கான பகுதிகளை முடித்துவிட வேண்டும் என்பதால், ஒரு நாளைக்கு 14 மணி நேரம் படப்பிடிப்பில் பங்கேற்கிறார் சூப்பர் ஸ்டார் ரஜினிகாந்த்.

சிவா இயக்கத்தில் ரஜினிகாந்த் நடிக்கும் ‘அண்ணாத்த’ படப்பிடிப்பை கொரோனா பரவலுக்கு முன்பே தொடங்கி 40 சதவீதம் முடித்து விட்டனர்.

அடுத்த மாதம் தனி கட்சி தொடங்கி அரசியலில் ஈடுபட இருப்பதால் அதற்கு முன்பாக தனது காட்சிகளை படமாக்கி முடித்து விடும்படி படக்குழுவினரை ரஜினிகாந்த் அறிவுறுத்தினார். இதையடுத்து 9 மாதங்களுக்கு பிறகு ஹைதராபாத் ராமோஜிராவ் படப்பிடிப்பு தளத்தில் அண்ணாத்த படப்பிடிப்பு மீண்டும் தொடங்கி நடந்து வருகிறது.

ரஜினிகாந்த் தினமும் காலை 7 மணி முதல் இரவு 9 மணி வரை 14 மணி நேரம் தொடர்ச்சியாக படப்பிடிப்பில் பங்கேற்று வருவதாகவும், இதனால் ஏற்கனவே திட்டமிட்டதை விட வேகமாக காட்சிகள் படமாக்கப்படுவதாகவும் படக்குழுவினர் தெரிவித்தனர்.

இதற்கிடையில் வருகிற 30-ந் தேதி சென்னை திரும்பும் அவர் 31-ந் தேதி தனிகட்சி தொடங்கும் தேதியை அறிவிப்பார் என்று தெரிகிறது. அதன்பிறகு மீண்டும் ஹைதராபாத் சென்று ஓரிரு தினங்கள் அண்ணாத்த படப்பிடிப்பில் பங்கேற்கிறார்.

பொங்கலுக்குப் பிறகு முழுநேர அரசியலில் ரஜினிகாந்த் ஈடுபடுகிறார். அதன் பிறகு படப்பிடிப்புகளில் பங்கேற்க மாட்டார்.

– என்வழி

Leave a Reply

Your email address will not be published.