BREAKING NEWS
Search

எனக்கும் ரஜினிக்கும் சம்பளம் கொடுத்துட்டா படத்தை எப்படி எடுப்பீங்க? – கமல் கேள்வி

எனக்கும் ரஜினிக்கும் சம்பளம் கொடுத்துட்டா படத்தை எப்படி எடுப்பீங்க? – கமல் கேள்வி

rajini-kamal

ஜினியுடன் சேர்ந்து நடிப்பேன்… ஆனால் கெஸ்ட் ரோலில் மட்டுமே என்று கூறியுள்ளார் கமல் ஹாஸன்.

சமீப காலமாக சூப்பர்ஸ்டார் ரஜினி படத்தில் கமல் வில்லனாக நடிக்கிறார் என்ற பேச்சு உலா வருகிறது. ஆனால் அதில் எந்த உண்மையும் இல்லை என்பதை கமல் அழுத்தம் திருத்தமாகக் கூறியுள்ளார் விகடன் பேட்டியில்.

அந்த பேட்டியில் கமலிடம் கேட்கப்பட்ட கேள்வியும், அவரது பதிலும்:

’ரஜினியும் நீங்களும் சேர்ந்து நடிக்கலாமே… ஏன் இன்னும் திட்டமிட்டுத் தவிர்க்கிறீங்க?’

‘’என்னத்துக்கு? எங்க ரெண்டு பேருக்கும் சம்பளம் கொடுத்துட்டா, படத்தை எதை வெச்சு எடுக்கிறது? படத்தோட விலையை ஏன் அவ்வளவு ஏத்தணும்?

யோசிங்க..! வருமானத்துக்கு ஆசைப்படுபவர்கள் மட்டும்தான் இந்தக் கூட்டு முயற்சியில ஆர்வம் காட்டுவார்கள்.

வேணும்னா, ரெண்டு பேரும் கெஸ்ட் ரோல்ல ஒரு படத்துல நடிக்கலாம். இதுக்காக ஏன் வர்த்தக ரீதியா குழப்பத்தை உண்டாக்கணும்? எங்க சம்பளத்தை நாங்க ஏன் குறைச்சுக்கணும்? அந்தத் தியாகத்தை நாங்க யாருக்காக பண்ணணும்?

ரசிகர்களுக்காக பண்ணுங்கன்னா, அதான் சின்னதா ஒரு கெஸ்ட் ரோல் பண்றோம்னு சொல்றேனே! எங்களை ஒரு படத்துல சேர்ந்து பார்த்த சந்தோஷம் அவங்களுக்குக் கிடைச்சுருமே.

படம் பூரா நாங்க சேர்ந்து நடிச்சு எந்தத் தியாகமும் பண்ண வேண்டியது இல்லை. இது எல்லாத்தையும்விட, நல்ல கதை வேணும். தேவை இல்லாம ரசிகர்கள் தியேட்டர்ல அடிச்சுக்கக் கூடாது. இது பத்திலாம் நாங்க ரெண்டு பேரும் பலமுறை பேசியிருக்கோம்.

’கமல் ‘மருதநாயகம்’ல நான் நடிச்சுக்கட்டுமா?’னு அவர் கேட்டார். என்ன வேஷம் எனக்குக் கொடுப்பீங்க?’ன்னும் கேட்டிருக்கார். அவர் படத்துல நான் நடிக்கக் கேட்டப்போ, ‘படத்துல ஒரே ஒரு நல்ல வேஷம். அதை நானே செய்றேனே. போயிடுங்க…. நீங்க வராதீங்க கமல்’னு சிரிச்சுட்டே சொன்னார்.

இதெல்லாம் நாங்க தமாஷா பேசிக்கிற விஷயங்கள். ஆனா, படமா பண்றப்ப தமாஷ் ஆகிடக் கூடாதுல்ல!”

-என்வழி




Leave a Reply

Your email address will not be published. Required fields are marked *