BREAKING NEWS
Search

திருப்பூர் சுப்பிரமணியம் உதவியுடன் தீர்ந்தது லிங்கா பிரச்சினை!

லிங்கா பிரச்சினை தீர்ந்தது: ராக்லைன் வெங்கடேஷுக்கு உதவிய திருப்பூர் சுப்பிரமணியன்!

lingaa-HQ-Pic-7

லிங்கா தயாரிப்பாளர் ராக்லைன் வெங்கடேஷ் தரவேண்டிய தொகையில் ஒரு பகுதியை திருப்பூர் சுப்பிரமணியன் ஏற்றதால் லிங்கா பிரச்சினை முடிவுக்கு வந்துள்ளது.

லிங்கா படத்துக்கு நஷ்ட ஈடாக ரூ 12.5 கோடியை சூப்பர் ஸ்டார் ரஜினியும் ராக்லைன் வெங்கடேஷும் தர சில மாதங்களுக்கு முன் சம்மதித்திருந்தனர்.

அதில் ரஜினிகாந்த் மட்டும் தனது பங்காக ரூ 6.50 கோடியை தயாரிப்பாளர் சங்கத் தலைவர் தாணு மற்றும் விநியோகஸ்தர் திருப்பூர் சுப்பிரமணியத்திடம் கொடுத்து உரிய முறையில் பிரித்துக் கொடுக்கச் சொல்லிவிட்டார்.

அடுத்து ராக்லைன் வெங்கடேஷ் தனது பங்காக ரூ 6 கோடியை பின்னர் தருவதாகக் கூறியிருந்தார். ஆனால் தனிப்பட்ட சில காரணங்களால் அவர் பணம் தர தாமதமானது.

இந்த நிலையில் லிங்கா பிரச்சினைக்கு தீர்வு காணும் கூட்டம் சமீபத்தில் கூடியது. இதில் ராக்லைன் 31Cp-tirupur_jpg_2422284gவெங்கடேஷ், தயாரிப்பாளர் சங்கத் தலைவர் கலைப்புலி தாணு, துணைத் தலைவர் கதிரேசன், செயலாளர்கள் டி சிவா, ராதாகிருஷ்ணன், வேந்தர் மூவீஸ் எஸ் மதன், விநியோகஸ்தர் திருப்பூர் சுப்பிரமணியன், பிலிம்சேம்பர் நிர்வாகி காட்ரகட்ட பிரசாத், விநியோகஸ்தர் சங்கத்தைச் சேர்ந்த அருள்பதி உள்ளிட்டோர் கலந்து கொண்டனர்.

இந்தக் கூட்டத்தில் தயாரிப்பாளர் ராக்லைன் வெங்கடேஷ் ரூ 4.75 கோடியைக் கொடுத்தார். மீதிப் பணத்தை தன்னால் தர முடியாத நிலையில் இருப்பதாகக் கூறினார்.

இதைத் தொடர்ந்து மீதிப் பணமான ரூ 1.25 கோடியை தானே தர முன்வந்தார் விநியோகஸ்தர் திருப்பூர் சுப்பிரமணியன்.

“ரஜினியை வைத்து பல கோடியைச் சம்பாதித்தவன் நான். இன்று அவருக்கு ஒரு பிரச்சினை வந்து முடியாமல் இழுத்துக் கொண்டிருப்பதைப் பார்க்க விரும்பவில்லை. ரஜினி சாருக்காக அந்த 1.25 கோடி ரூபாயை நானே தருகிறேன்,” என்று அவர் அறிவித்தபோது, அரங்கிலிருந்த மொத்தப் பேரும் கைத் தட்டினர். திருப்பூர் சுப்பிரமணியத்தின் இந்த அறிவிப்பு ராக்லைன் வெங்கடேஷை நெகிழ வைத்தது.

இத்தனைக்கும் லிங்கா படத்தின் விநியோக உரிமையை திருப்பூர் சுப்பிரமணியம் வாங்கவில்லை என்பது குறிப்பிடத்தக்கது.

-என்வழி




9 thoughts on “திருப்பூர் சுப்பிரமணியம் உதவியுடன் தீர்ந்தது லிங்கா பிரச்சினை!

  1. Rajagopalan

    DONT KNOW WHAT TO SAY ON THIS…
    EVERYBODY SHOULD THINK ABOUT THIS…ரஜினியை வைத்து பல கோடியைச் சம்பாதித்தவன் நான். இன்று அவருக்கு ஒரு பிரச்சினை வந்து முடியாமல் இழுத்துக் கொண்டிருப்பதைப் பார்க்க விரும்பவில்லை. ரஜினி சாருக்காக அந்த 1.25 கோடி ரூபாயை நானே தருகிறேன்,” என்று அவர் அறிவித்தபோது,

  2. arulnithyaj

    கிரேட் நன்றி திருப்பூர் சுப்பிரமணியன் சார் மற்றும் ராக்லயன் வெங்கடேஷ் சார்

  3. jegan N

    Intha prrachanaya samugamaga mudichu vachathuku thirupur subramani avargaluku thalaivar rasigargal sarbaga நன்றி
    Aana onnu thalaivarai pazhithavargaluku tirupi kuduka vendi neram nerungikondu irukrathu ……..waiting for kabali .@enthuran 2

  4. chenthil UK

    நியாயமான மனுஷங்க இன்னும் இருக்காங்க …

  5. Sargunaraj

    திருப்பூர் சுப்பிரமணியத்துக்கு மிகப்பெரிய நன்றிகள்…!!

    Sargunaraj

  6. Sargunaraj

    ஒரு தயாரிப்பளருக்கு இருக்கிற விசுவாசம் கூட , .
    ஒரு சில நடிகர்களுக்கு இருக்கிறது இல்லை..

    திருப்பூர் சுப்பிரமணியத்துக்கு மிகப்பெரிய நன்றிகள்

  7. Ketta paya sir intha Kaali

    அவரு மூத்திரத்தை கொஞ்சம் புடிச்சி அந்த சிங்கரவேலனுக்கு குடுங்கப்ப…

  8. குமரன்

    இந்த மாதிரி நல்ல எண்ணம் கொண்டவர்கள் இன்னமும் இருப்பது மகிழ்ச்சி.இதைப் பார்த்துக் கூட புத்தி வராத அசிங்க வேலன்களை என்ன செய்வது?

  9. ரேவதி ரவி

    நன்றி உள்ள இந்த மாதிரி மனிதர்களால் தான் நாட்டில் இன்னும் மழை பொழிகிறது.
    வாழ்க வளமுடன்

Leave a Reply

Your email address will not be published. Required fields are marked *