BREAKING NEWS
Search

இன்று தலைவர் ரஜினி பிறந்த நாள், லிங்கா ரிலீஸ்… தமிழகமெங்கும் திருவிழா கோலம்!

இன்று தலைவர் ரஜினி பிறந்த நாள், லிங்கா ரிலீஸ்… தமிழகமெங்கும் திருவிழா கோலம்!

10734090_10152858507504754_2182018499668226598_n

சென்னை: இன்று டிசம்பர் 12-ம் தேதி ‘உலக சூப்பர் ஸ்டார்’ ரஜினியின் பிறந்த நாள். அவர் நடித்த மெகா படமான லிங்காவின் வெளியீட்டு நாளும் அதுவே.

எனவே ரஜினி ரசிகர்கள் மிகுந்த கொண்டாட்ட மனநிலையில் உள்ளனர். இரட்டை சந்தோஷமல்லவா!

அவர்களின் இந்த சந்தோஷம் பல்வேறு வடிவங்களில் வெளிப்பட்டு வருகிறது, கடந்த சில வாரங்களாக.

ரஜினி நீண்ட ஆயுளுடன் வாழ வேண்டும், லிங்கா பெரும் வெற்றிப்படமாக அமைய வேண்டும் எனப் பிரார்த்தித்து ரசிகர்கள் பல்வேறு பிரார்த்தனைகள், தங்கத் தேர் இழுத்தல் போன்ற நேர்த்திக் கடன்களைச் செலுத்தி வருகின்றனர்.

தமிழகத்தின் அத்தகனை பெரிய கோயில்களிலும் நேற்று மாலையும் இன்றும் தங்கத் தேர் இழுப்பு வைபவம் ரஜினி ரசிகர்களால் நடத்தப்பட்டு வருகிறது.

கடந்த ஒரு வார காலமாக ரஜினி ரசிகர்களால் உதவிகள் பெற்றோர் எண்ணிக்கை லட்சத்தைத் தாண்டும். அன்னதானம், இலவச உடைகள், இலவச கல்வி உபகரணங்கள், இலவச மருத்துவ உதவிகள், ரத்த தானம், கண் தானம், உடல் உறுப்பு தாணம், நிதியுதவி… என தொடர்ந்து செய்து வருகின்றனர். ரஜினியின் அனைத்து மன்றங்களும் உலகெங்கும் இதனைச் செய்து வருகின்றனர்.

lingaa4

வெறுமனே கேக் வெட்டுவது, பட்டாசு வெடிப்பது என்றில்லாமல், முழுக்க முழுக்க மக்களுக்கு உதவியாக இருக்க வேண்டும் என்ற நோக்கில் அவர்களின் செயல்பாடுகள் அமைந்துள்ளன.

லிங்கா

லிங்கா ரிலீஸைப் பொறுத்தவரை, அதனை ஒரு திருவிழாவாகவே கொண்டாடி வருகின்றனர் ரஜினி ரசிகர்கள். படம் வெளியாகும் அத்தனை அரங்குகளும் மக்கள் வெள்ளத்தில் மிதக்கின்றன என்றால் மிகையல்ல. நேற்று நள்ளிரவிலிருந்து லிங்கா சிறப்புக் காட்சிகள் நடை பெறுகின்றன.

சென்னைக்கு கொஞ்சமும் சளைக்காத வகையில் தமிழகத்தின் பிற பகுதிகளிலும், உலகின் மற்ற நாடுகளிலும் லிங்கா வெளியீட்டை விமரிசையாகக் கொண்டாடி வருகின்றனர் ரசிகர்கள்.

-என்வழி




2 thoughts on “இன்று தலைவர் ரஜினி பிறந்த நாள், லிங்கா ரிலீஸ்… தமிழகமெங்கும் திருவிழா கோலம்!

  1. srikanth1974

    பிறந்தநாள் வாழ்த்துக்கள் தலைவா உங்கள் பிறந்தநாள் பரிசாக எங்களுக்கு லிங்கா படத்தை வழங்கியுள்ளீர்கள்.
    படம் சூப்பர் .

Leave a Reply

Your email address will not be published. Required fields are marked *