Breaking News

‘மீன் பிடிக்க’வும் கற்றுக் கொடுங்கள் முதல்வரே!

‘மீன் பிடிக்க’க் கற்றுக் கொடுங்கள் முதல்வரே!

jj-cm

ன்றைய நிலவரப்படி சென்னையில் வசிக்க ஒரு சிறு அறையும், நாளொன்றுக்கு 30 ரூபாயும் இருந்தால் போதும். காலையில் 5 ரூபாய்க்கு சிற்றுண்டி, பிற்பகல் 8 ரூபாயில் பிரமாதமான மதியச் சாப்பாடு, இரவு ஏதாவது சமாளித்துக் கொள்ளலாம் என்ற நிலை. காரணம், அம்மா உணவகங்கள். சும்மா சொல்லக் கூடாது, தரமான – சுவையான உணவு வகைகள், சுத்தமான தயாரிப்பு.

கூலித் தொழிலாளர்கள் முதல் ஐடி பணியாளர்கள் வரை பேதமின்றி அம்மா உணவகங்களில் குவிந்து கிடக்கின்றனர். ஆனால் வெளியில்…ஒரு சாப்பாடு விலை சராசரியாக ரூ 100-ஐத் தாண்டிவிட்டது.

ரேஷன் கடைகளில் இலவச அரிசி கிடைக்கிறது. ஆனால் ஓரளவு தரமான அரசிக்குக் கூட கிலோ ரூ 40 வரை விலை கொடுக்க வேண்டியுள்ளது. காய்கறிகள் விலையோ கற்பனைக்கெட்டாத தூரத்துக்குப் போய்விட்டது. விளைவிக்கும் விவசாயிகள் நஷ்டம் நஷ்டம் என்று கூறி விவசாயத்தைக் கைவிட்டு, நிலத்தை ப்ளாட் போடக் கொடுத்துக் கொண்டிருக்கிறார்கள்.

ஒரு பக்கம் இலவசங்கள், மலிவு விலை உணவுகள்.. காய்கறிகள்… இன்னொரு பக்கம் அசாதாரண வெளிச்சந்தை விலையேற்றம்… அருகி வரும் விவசாயம்!

எத்தனை முரண்பாடுகள்? இதற்குக் காரணம் என்ன?

நமது சமூகக் கட்டமைப்பு சிதைந்து வருவதுதான். படித்தவர்கள் யாரும் கிராமத்திலேயே இருக்கக் கூடாது என்ற சிந்தனை வளர்ந்துவிட்டது. படித்தால் என்ன.. கிராமங்களிலிருந்தபடி விவசாயம் செய்யலாமே என்றால், அதனை பிற்போக்குத்தனம் என்று கூப்பாடு போட கோஷ்டி கோஷ்டியாய் அலைகிறார்கள்.

எல்லாவற்றுக்குமே அரசை / அரசியலைக் காரணம் காட்டி தப்பித்துக் கொள்ளும் மனநிலைக்கு பழகிவிட்டார்கள் தமிழக மக்கள். தன் பங்கு என்ன, தான் செய்ய வேண்டியது என்ன என்பதை யோசிக்கவும் மறுக்கிறார்கள்.

இந்த சூழலில் ஜெயலலிதாவின் தமிழக அரசு அளிக்கும் சலுகைகளும் இலவசங்களும், மேலும் மேலும் புதிய இலவசங்களுக்கு அவர்களை ஏங்க வைத்துள்ளன.

இலவச ரேஷன் அரிசி… அடுத்து அம்மா உணவகம் வந்துடுச்சி… இப்போ அம்மா மலிவு விலை காய்கறியும் வந்துடுச்சி… மலிவு விலை மினரல் வாட்டரும் கொடுத்துட்டாங்க…. அப்படியே மலிவு விலை டாஸ்மாக், மலிவு விலை பெட்ரோல் பங்க்கையும் ஆரம்பிச்சிட்டா வாழ்க்கை தொல்லையில்லாம ஓடிடும் என சீரியஸாகவே கேட்க ஆரம்பித்துவிட்டார்கள்.

malivu-vilai-unavagam

எடுக்கிற முடிவில் உறுதியாக இருப்பவர் என்ற பெயரைச் சம்பாதித்துள்ள முதல்வர், இந்த மாதிரி குறுகிய கால பலன்கள் தரும் திட்டங்களை முதலில் விட்டொழிக்க வேண்டும்.

தமிழகத்துக்கு இப்போதைய இன்றியமையாத தேவை, விவசாயத்துக்குப் பாதுகாப்பும், தண்ணீர் மேலாண்மையும்தான்.

ஆண்டில் 9 மாதங்கள் மழையில்லை என்பது கிட்டத்தட்ட உறுதியாகிவிட்டது. இந்த மூன்று மாதங்களில் கிடைக்கும் மழை நீர் மற்ற 9 மாதங்களுக்கும் பலன் தரும் அளவுக்கு திட்டமிடல் அவசியமாகிறது.

கருணாநிதி முதல்வராக இருந்த 1996-2001 ல் காவிரிப் பாசன மாவட்டங்களில் முழுமையாக ஆறு, கால்வாய் மற்றும் ஏரிகளை மராமத்து செய்தார். அதன் பலன் இன்றும் தொடர்கிறது. ஏனோ மற்ற மாவட்டங்களில் அதைச் செய்யவில்லை.

முதல்வர் ஜெயலலிதா தன் ஆட்சிக் காலத்திலாவது, தமிழகம் முழுக்க உள்ள நீர்நிலைகளை முழுவதுமாக மராமத்து செய்ய திட்டங்களை வகுக்க வேண்டும். ஆக்கிரமிப்பிலுள்ள நீர்நிலைகள், தூர்ந்து அல்லது அழிக்கப்பட்டுவிட்ட நீர்வழித் தடங்களை சீரமைக்க வேண்டும். பெருந்தலைவர் காமராஜர் காலத்துக்குப் பிறகு இந்தப் பணி அப்படியே முடங்கிக் கிடக்கிறது. அதனை முழுவீச்சில் ஜெயலலிதா செய்வாரேயானால்…. அம்மா உணவகங்களுக்கோ, மலிவு விலை காய்கறி கடைகளுக்கோ கூட அவசியமிருக்காதே.

இன்னொரு பக்கம், விவசாயத்தை லாபகரமான தொழிலாக மக்கள் முன்னெடுக்க, அதன் பலன்கள் விவசாயிகளுக்கு முழுமையாகக் கிடைக்க வழி செய்ய வேண்டும். கோவையில் கிலோ 4 ரூபாய்க்கு வாங்கும் தக்காளியை கோயம்பேட்டில் ரூ 60 க்கு விற்கிறார்கள் என்றால் இடையில் எத்தனை சதவீதம் கொள்ளை லாபம் அடிக்கப்படுகிறது என்பதைக் கவனிக்க வேண்டும்.

மன்னார்குடியில் ரூ 22-க்குக் கிடைக்கும் நல்ல பொன்னி அரசி, சென்னையில் ரூ 48-க்கு விற்கப்படுகிறதென்றால்…  இடையில் புகுந்து இவ்வளவு விலையை உயர்த்தும் காரணிகள் எவை என்பதைக் கண்டுபிடித்து களைவதுதானே அரசின் பொறுப்பு?

அந்த தலையாய பணியை விட்டுவிட்டு, தயிர் சாதம் விற்றுக் கொண்டிருப்பது,  விவசாயத்தை மியூசியத்தில்  கொண்டுபோய் வைத்துவிடாதா?

அம்மா உணவகங்களும், மலிவு விலை காய்கறிக் கடைகளும் குறுகிய கால நோக்கில் நல்ல விஷயங்கள்தான். தேர்தல் ஆதாயங்களுக்கு வண்ணமிகு பிரச்சாரமாக அமையக் கூடியவைதான். அவை ஒரு பக்கம் தொடரட்டும். அதே நேரம் ஒழுங்கற்றுக் கிடக்கும் இந்த சமூகத்தின் அடிப்படைக் கட்டமைப்பை சீரமைப்பதுதான் அரசின் பிரதான பொறுப்பு. அது.. தேர்தல் லாபங்களைத் தாண்டி, சரித்திரமாய் நிற்கும் சாதனை.

முதல்வர் கவனம், இந்த சாதனையை நோக்கித் திரும்பினால் தமிழகம் பேறு பெறும்!

விதுரன்
-என்வழி

எனக்கு தெரியாமலேயே ஆங்கிலத்தில் கல்லூரி தேர்வு எழுத உத்தரவு போட்டிருக்கிறார்கள்! – ஜெயலலிதா

May 28, 2013 by  
Filed under election, election 2011, General, Nation, Politics

கல்லூரிகளில் ஆங்கிலத்தில் தேர்வுகள் என பிறப்பிக்கப்பட்ட உத்தரவு வாபஸ் – ஜெ

banner-1-6708
சென்னை: கலை மற்றும் அறிவியல் கல்லூரிகளில் மாணவர்கள் உள்தேர்வுகளை பயிற்சிகள் மற்றும் தேர்வுகளை ஆங்கில மொழியில் எழுத வேண்டும் என்று பிறப்பிக்கப்பட்ட உத்தரவு தமக்குத் தெரியாமலேயே, தன் கவனத்துக்கு கொண்டு வராமலேயே வெளியிடப்பட்டது என்றும், இந்த உத்தரவை திரும்பப் பெற உத்தரவிட்டுள்ளதாகவும் தமிழக முதல்வர் ஜெயலலிதா அறிவித்துள்ளார்.

தமிழக அரசு அறிக்கை

இது தொடர்பாக அவர் வெளியிட்டுள்ள அறிக்கை:

தமிழ்நாட்டில் கலை மற்றும் அறிவியல் கல்லூரிகளில் பயிலும் மாணவ மாணவியர் தங்களுக்கான உள் தேர்வுகளை ஆங்கில மொழியில் எழுத வேண்டும் என்று தமிழ்நாடு அரசு உத்தரவிட்டதாக பத்திரிகைகளில் செய்திகள் வந்துள்ளன. இதுகுறித்து இன்று தலைமைச் செயலகத்தில் உயர் கல்வித் துறை அமைச்சர், தலைமைச் செயலாளர் மற்றும் உயர்கல்வித் துறை செயலாளர் ஆகியோருடன் விரிவாக விவாதித்தேன்.

இந்த விவாதத்தின் போது, ஆங்கில வழியில் பயிலும் மாணவ மாணவியர் ஆங்கில மொழி திறனை வளர்த்துக் கொள்ள தங்களது உள் தேர்வுகளை ஆங்கிலத்தில் எழுத வேண்டும் என்று தமிழ்நாடு மாநில உயர்கல்வி மன்றம் உத்தரவிட்டு இருப்பதாகவும், தமிழ் வழியில் பயிலும் மாணவ மாணவியருக்கு இது பொருந்தாது என்றும் தெரிவிக்கப்பட்டது.

என் கவனத்துக்கு வராமலேயே பிறப்பிக்கப்பட்ட உத்தரவு

இந்த உத்தரவு என்னுடைய கவனத்திற்குக் கொண்டு வரப்படாமல் தமிழ்நாடு மாநில உயர்கல்வி மன்றத்தால் வெளியிடப்பட்டுள்ளது. ஆங்கில மொழி வழியில் அல்லது தமிழ் மொழி வழியில் பயின்றாலும், மாணவ மாணவியர் தமிழில் உள்தேர்வு எழுத அனுமதிக்கப்பட வேண்டும் என்பதுதான் எனது எண்ணம் ஆகும்.

எனவே, ஆங்கில மொழி வழியில் பயிலும் மாணவ மாணவியரும் தங்களது உள் தேர்வுகளை தமிழ் மொழியில் எழுத அனுமதிக்குமாறு நான் அரசு உயர் அதிகாரிகளுக்கு உத்தரவிட்டுள்ளேன். இதன் அடிப்படையில், தற்போது தமிழ்நாடு உயர்கல்வி மன்றத்தால் வெளியிடப்பட்டுள்ள இந்த உத்தரவை திரும்பப் பெற நான் ஆணையிட்டுள்ளேன்.

எனவே, அனைத்து மாணவ மாணவியரும் தங்களது உள் தேர்வுகளை அவரவர் விருப்பப்படி, தமிழிலோ அல்லது ஆங்கிலத்திலோ எழுதலாம் என்பதைத் தெரிவித்துக் கொள்கிறேன்,” என்று முதல்வர் கூறியுள்ளார்.

-என்வழி செய்திகள்

வழக்குகள் ஓய்ந்தன… பிப் 7-ம் தேதி விஸ்வரூபம்.. கமல் அறிவிப்பு

February 4, 2013 by  
Filed under Celebrities, Entertainment, General

வழக்குகள் ஓய்ந்தன… பிப் 7-ம் தேதி விஸ்வரூபம்.. கமல் அறிவிப்பு

Kamal Haasan Press Meet (11)சென்னை: கமல்ஹாஸனின் விஸ்வரூபம் படம் வரும் பிப்ரவரி 7-ம் தேதி வெளியாகும் என்று தகவல் வெளியாகியுள்ளது.

இஸ்லாமிய அமைப்புகளிடம் உறுதியளித்தபடி, 7 காட்சிகள் மற்றும் சில வசனங்களை நீக்கினார் கமல். இன்று இந்தப் படம் தொடர்பான அனைத்து வழக்குகளும் முடித்து வைக்கப்படட்டன. நீதிமன்ற நடவடிக்கைகள் முடிவடைந்த நிலையில், இந்த வெளியீட்டுத் தேதியை அறிவித்துள்ளார் கமல்.

இதுகுறித்து கமல் வெளியிட்டுள்ள அறிக்கை:

தடை பல கடந்து உங்கள் விஸ்வரூபம் வரும் பிப்ரவரி 7-ம் தேதி வெளியாகிறது.

நீதி சற்று நின்று வந்தாலும், அன்றே எனக்கு ஆவணவெல்லாம் செய்து, எனக்கு உடன் உதவி செய்த மாண்புமிகு தமிழக முதலமைச்சருக்கு முதற்கண் நன்றி.

எல்லாவற்றுக்கும் மேலாக, தமிழக இந்திய மக்களுக்கும், தாமாகவே என்னைத் தேடி வந்து ஆறுதல் கூறிய தமிழ் திரையுலக நடிகர்கள் மற்றும் தொழில் நுட்பக் கலைஞர்களுக்கும், எனக்குத் தெரியாமலே எனக்காகப் போராடிய அகில இந்திய திரையுலகிற்கும் நன்றி.

என் உரிமையை தமதெனக் கருதி பெரும் போர்க்குரல் எழுப்பிய செய்தி ஊடகங்கள் அனைத்துக்கும் ஒரு இந்தியனாக என் ஆழ்மனதிலிருந்து நன்றி.

எதற்கும் கலங்காது புன்னகையுடன் இன்னல்களை எதிர்கொண்ட நான், ஒரு நிகழ்வினால் நெகிழ்ந்து காதலாகி கண்ணீர் மல்க நிற்கிறேன்.

என் தமிழக மக்கள் காசோலைகளையும் பணத்தையும் தபால் மூலம் அனுப்பி வைத்து, ‘யாமிருக்க பயமேன்” என்ற அர்த்தத்துடன் கடிதங்களை இணைத்து அனுப்பி வைத்தனர். நெஞ்சம் விம்மி கண்ணீர் காட்சியை மறைக்க மனது ‘இங்கிவனை யான் பெறவே என்ன தவம் செய்துவிட்டேன்,’ என கேவிக் கேவி பாடியது.

என் கலையையும், அன்பையும் மக்கள் நலன் பயக்கும் சிறு தொண்டுகளையும் தவிர வேறொன்றும் செய்வதறியேன்.

காசோலைகளையும் பணத்தையும் அன்புடன் திருப்பியனுப்புகிறேன். உங்கள் விலாசங்கள் என் வசம். நாளை மதமும் அரசியலும் என்னை வறியவனாக்கினாலும், உண்பதற்கும் ஒதுங்குவதற்கும் பல அரிய விலாசங்கள் என் கைவசம் உள்ளன என்ற தைரியத்தில் இதைச் செய்கிறேன்.

நான் எங்கு சென்றாலும் எங்கு வாழ்ந்தாலும் என் நிரந்தர விலாசம் உங்கள் இனிய மனங்களே.

பொறுமை காத்த என் இனிய நற்பணியாளர்களுக்கு பெரு வணக்கம். நற்பணி மன்றம் என்ற பெயர்க் காரணத்தை செயலாக்கிக் காட்டி ரௌத்திரம் பழகாமல், அகிம்சை பழகிய உங்கள் வீரம் சரித்திரத்தில் இடம்பெறும்.

வீரத்தின் உச்சகட்டம் அகிம்சை என்பதை ஊருக்கு எடுத்துக் காட்டிய, என் ரசிக சகோதரர்களின் விஸ்வரூபத்தை வணங்கி, யாம் தயாரித்த விஸ்வரூபத்தை காணிக்கையாக்குகிறேன்.

வாழிய செந்தமிழ்.. வாழிய நற்றமிழர்… வாழிய பாரத மணித்திருநாடு!

-இவ்வாறு அவர் கூறியுள்ளார்.

-என்வழி செய்திகள்

நிர்வாகக் கோளாறுகள், மோசமான முடிவுகள்… ஜெயலலிதாவுக்கே முதலிடம்!

நிர்வாகக் கோளாறுகள், மோசமான முடிவுகள்… ஜெயலலிதாவுக்கே முதலிடம்!

ஜெயலலிதாவைப் பற்றி பொதுவாக பலரும் கூறுவது, ‘அந்தம்மா ரொம்ப ஸ்ட்ரிக்டு… நிர்வாகத் திறமை மிக்கவர்.. போல்டானவர்!” என்பதுதான்.

இன்னொன்றும் சொல்வார்கள்… ‘ஜெயலலிதாவுக்கு வேறு எதிரி தேவையே இல்லை. அவருக்கு அவரேதான் எதிரி’!

இந்த முறையும் முதல் கூற்றைப் பொய்யாக்கி, இரண்டாவதை வெற்றிகரமாக மெய்யாக்கியிருக்கிறார், அதுவும் ஆட்சிக்கு வந்து ஒன்றரை ஆண்டுகளில்!

கருணாநிதி குடும்ப அரசியல், மக்கள் மத்தியில் திமுக மீது ஏற்பட்ட கோபம்தான் ஜெயலலிதாவை மீண்டும் முதல்வராக்கியது என்பது கடந்த தேர்தல் குறித்து பொதுவாகக் கூறப்படும் கருத்து.

இந்த சந்தர்ப்பத்தை மிகச் சரியாகப் பயன்படுத்தி, தன்னை அசைக்க முடியாத சக்தியாக மாற்றிக் கொள்வார் ஜெயலலிதா என்றுதான் கட்சி சார்பற்ற பலரும் எதிர்ப்பார்த்தனர். கணித்தனர்.

ஆனால் அது ரொம்ப தப்பான கணிப்பு என்பதை பதவியேற்ற முதல் மாதத்திலேயே நிரூபித்தார் ஜெயலலிதா.

‘இந்தப் பதவியைப் பயன்படுத்தி மக்களுக்கு நான் நல்லது செய்யப் போவதில்லை. கருணாநிதி காலத்து திட்டங்களை ஒழிப்பேன்… திமுகவினரை உள்ளே தள்ளுவேன்… வேறு எது எக்கேடு கெட்டுப் போனாலும் அக்கறையில்லை’, என்கிற ரீதியில்தான் அவரது செயல்கள் அமைந்தன.

சமச்சீர் கல்வி, தலைமைச் செயலக மாற்றம், உயிர்காக்கும் அவசர ஊர்தி 108ஐ முடக்கியது, காப்பீட்டைக் காலி செய்தது, அண்ணா நூலகத்தை இடமாற்றம் செய்ய உத்தரவிட்ட அபத்தம், 10000 சாலைப் பணியாளர்கள் வயிற்றிலடித்தது, டாஸ்மாக்தான் பணம் காய்க்கும் மரம் என்று முடிவு கட்டி ஏழைகளை மொத்தமாக உறிஞ்சும் வகையில் ஒன்றரை ஆண்டில் 8 முறை விலைகளைக் கூட்டியது, தாறுமாறான வரி உயர்வு, அதையெல்லாம் தூக்கிச் சாப்பிடும் அளவுக்கு கொடுமையான மின் கட்டண உயர்வு, பால் – பஸ் கட்டணங்களில் உயர்வு, நிலப் பதிவுக்கான கட்டண உயர்வு….ஒன்றா இரண்டா எடுத்துச் சொல்ல…

சரி இவ்வளவு வரிகள், கட்டணங்கள் உயர்த்தப்பட்ட பிறகு, அரசிடமிருந்து நல்ல சேவையாவது கிடைத்ததா என்றால், முன்னிலும் பல மடங்கு மோசமாகப் போனது நிலைமை!

அதே குப்பைத் தொட்டி பேருந்துகள், செத்துப் போன மின்சாரம், மாசடைந்த பால், உழுதுப் போட்ட சாலைகள்… இதையெல்லாம் எடுத்துச் சொல்லும் பத்திரிகைகள் அல்லது செய்தியாளர்கள் மீது அடுத்தடுத்து வழக்குகள்… (வாரத்துக்கு ஒரு முறை பத்திரிகையாளர்களைச் சந்தித்து வளர்ச்சித் திட்டங்கள், அரசின் செயல்கள் குறித்து விளக்கிப் பேசுவதாகச் சொல்லியிருந்தார் ஜெயலலிதா.. அதை நினைவுபடுத்தினாலும் கேஸ் போடுவார்கள் போலிருக்கிறது!!)

உற்பத்தித் துறையில் ஏகப்பட்ட பின்னடைவு. மின்சாரம் என்பதே அரிதான விஷயமாகிவிட்டது. அரசு தன் மெத்தனப் போக்கால் கிட்டத்தட்ட 2000 மெ வா மின்சாரம் வரை உற்பத்தி இழப்பைச் சந்திக்கிறது. 1900 மெ வா அளவுக்கு உற்பத்தி செய்யப்படாமலே உள்ளது. புதிய மின் திட்டங்கள் எதையும் இந்த அரசு போடவுமில்லை, அதில் அக்கறை காட்டவும் இல்லை. உடன்குடி மின்சாரத் திட்டம் கூட திமுக காலத்தில் போடப்பட்டு, செயல்படுத்தப்படாமல் இருந்ததுதான்.

தனது ஆட்சியின் 5வது ஆண்டில்கூட ஜெயலலிதா அரசால் தடையில்லாத மின்சாரத்தை வழங்க முடியுமா என்பது சந்தேகமே. இதுதான் இன்றைய யதார்த்த நிலை. உடனே அந்த அளவு கடந்த ஆட்சியில் நிலைமை மோசம் என சிலர் ஓங்கி ஜால்ரா அடிக்கக் கூடும். அதுவல்ல நிலைமை. மின்சார குளறுபடியை சீர்செய்ய இன்றுவரை ஒரு அடிகூட இந்த அரசு எடுத்து வைக்கவில்லை என்ற பேருண்மையை மக்கள் புரிந்து கொள்ள வேண்டும்.

மின்சார வாரியத்தின் கல்லாவை நிரப்புவதில் காட்டிய அக்கறையை, அந்த நிதியை வைத்து பல்வேறு ஆதாரங்கள் மூலம் மின்சக்தியைப் பெற்றுத் தருவதில் காட்டவே இல்லை. பெருந்தொழில்களுக்கு மட்டும் தடையற்ற மின்சாரம், அதுவும் குறைந்த விலையில் பாய்ந்து கொண்டிருக்கிறது.

இப்போதுதான்  மின்சாரம் வேண்டி பிரதமருக்கு கடிதம் எழுதியுள்ளார் ஜெயலலிதா. கவனிக்க… கடிதம். இதே கடிதத்தை கருணாநிதி எழுதினால் பாய்ந்து பிடுங்கியிருப்பார்கள் வெறும் காற்றில் சுழலும் அட்டைக் கத்திகள்!

அடுத்து சூரிய சக்தி மின்சாரம் பற்றி அறிக்கை வெளியிட்டுள்ளனர். இதுவும் அறிக்கை நிலையிலேயே இருக்குமா… அல்லது ஆட்சி முடியும் வரை பேப்பராக இருந்து குப்பைக்கு போகுமா தெரியவில்லை!

குறு மற்றும் சிறு தொழில்கள் 90 சதவீதம் முடங்கிவிட்டன. ஈரோடு, திருப்பூர், கோவை போன்ற நகரங்களில் இந்தத் தொழில்களுக்கு ஏற்பட்டுள்ள பாதிப்பு, சொல்லில் விளங்க வைக்க முடியாதது.

இந்த ஒரு சம்பவம் நடக்காமலே இருந்திருக்கக் கூடாதா!

விவசாயத்தின் நிலையும் அதுதான். தமிழகத்தின் பெருமளவு விவசாயம் குழாய்ப் பாசனத்தை நம்பியுள்ள நிலையில், நள்ளிரவில் மூன்று மணி நேரத்துக்கும் குறைவாகவே மும்முனை மின்சாரம் கிடைப்பதால், அடியோடு விவசாயத்தை மறந்துவிட வேண்டிய நிலைக்கு தள்ளப்பட்டுள்ளனர்.

கொள்ளைகள், கொலைகள், வழிப்பறிகள், பாலியல் கொடூரங்கள், சாதிக்கொரு நீதி காட்டும் போலீஸ், ஒடுக்கப்பட்டவர்களை குருவிகளாய் நினைத்து சுட்டுத் தள்ளும் ஆதிக்க மனோபாவம்… அனைத்தும் முன்னிலும் பல மடங்கு அதிகரித்துள்ளது. மக்களோ சுரணை மழுங்கிப் போய் எல்லாவற்றையும் அரசியல் விளையாட்டாய் வேடிக்கை மட்டுமே பார்த்துக் கொண்டுள்ளனர்.

நான், எனது அரசு, எனது உத்தரவு, நான் கொடுத்த நிதி, எனது சாதனை, என்னால்தான் இது முடிந்தது.. என்று வார்த்தைக்கு வார்த்தை சொல்லிக் கொள்வது முதல்வரின் வழக்கம். மேலே நீங்கள் படித்த அத்தனை ‘சாதனைகளுக்கும்’ ஜெயலலிதா இதேபோல தாராள உரிமை கொண்டாடலாம்..!

-என்வழி

ஆயிரம் சங்கடங்களை அனுபவித்தாலும்…. வருக மழையே வருக!

October 20, 2012 by  
Filed under Nation, Politics, கட்டுரைகள்

ஆயிரம் சங்கடங்களை அனுபவித்தாலும்…. வருக மழையே வருக!

பாளம் பாளமாய் பிளந்து கிடக்கும் சாலைகள், நடுச்சாலையில் நம்மை விழுங்கக் காத்திருக்கும் திடீர் பள்ளங்கள், தாரே காணாமல் உழுத நிலம் போல மாறிவிட்ட தெருக்கள், கொசுக்களின் உற்பத்திக் கூடமாக மாறப் போகும் குழிகள் என எத்தனையோ சங்கடங்கள் இருந்தாலும்…. கிடைப்பருமையாகிவிட்ட மாமழையே வருக வருக!

ஆட்சியாளர்கள் நிஜமாகவே மக்களைப் பற்றி கொஞ்சமேனும் கவலைப்பட்ட ஒரு காலத்தில் மாதத்துக்கு ஒரு மாரியாவது பெய்து வந்தது.

ஆனால் என்றைக்கு ஆட்சி என்பதே தின்று கொழுத்து திமிர்ப் பிடித்து மக்களின் அவஸ்தைகளை ரசிப்பதற்கு மட்டுமே என தலைவர்கள் தலைவிகள் நினைக்க ஆரம்பித்தார்களோ… அன்றே எல்லாம் மாறிப் போனது.

இப்போது மழையைக் காண தவம் கிடக்க வேண்டிய நிலை. தார்மீகம், தர்மம், நல்ல சிந்தனை, யோக்கியம் எல்லாம் வறண்டு போன ஒரு கேவலமான சமூகத்துக்கு மழை ஒரு கேடா? என இயற்கையே தன் கருணையை பின்னுக்கிழுத்துக் கொண்டதோ என்னமோ!

ஆறுகளிருந்தும் அடிமணலைத் தோண்டினால் கூட நீரில்லை… ஏரிகள் எல்லாம் தூர்ந்து கருவேலமரக் காடுகளாகிவிட்டன. பாழ்பட்ட மொட்டைக் கிணறுகள்.. வானம் பார்த்த பயிர்களுக்கு மாறிவிட்ட வயல்கள்…

-தமிழகத்தின் ஒரு பகுதியில் பூமிக்கு மேற்பரப்பில் தண்ணீர் என்பதையே பார்க்க முடியாத நிலை. அதிரவைக்கும் இந்த பேருண்மையை யாராவது உணர்ந்திருக்கிறார்களா என்றே தெரியவில்லை.

ஏலகிரி என்றொரு மலை வாழிடம் இருக்கிறது. இதன் 19வது வளைவில் நின்று சுத்துவட்டாரத்தைப் பார்ப்பது அத்தனை ரம்மியமாக இருக்கும், முன்பெல்லாம். இதோ இங்கே வெளியாகியிருக்கும் படம் மிக சமீபத்தில் எடுத்ததுதான். எங்காவது பச்சைப் பயிர்களோ, நீர் நிலைகளோ உங்கள் கண்ணுக்குத் தெரிகின்றனவா… கிட்டத்தட்ட 50 கிமீ சுற்றளவுள்ள நிலப்பரப்பைத்தான் நீங்கள் பார்க்கிறீர்கள். இதற்குள் நான்கு ஆறுகள், நாற்பது ஏரிகள் இருந்தன. இன்று தண்ணீரின் சுவடு கூட இல்லாத ஊர்கள் இவை.

புக் ஆப் எலி நாயகனைப் போல தண்ணீரைத் தேடி வடதிசை நோக்கிப் பயணிக்க ஆரம்பித்துவிடும் நிலை ரொம்ப தூரத்தில் இல்லை போலிருக்கிறது!

-வினோ

வட மாவட்டங்கள் தவிர, பிற பகுதிகளில் கனமழை… 16 பேர் பலி!

October 19, 2012 by  
Filed under General, Nation, Politics

வட மாவட்டங்கள் தவிர, பிற பகுதிகளில் கனமழை… 16 பேர் பலி!

சென்னை: தமிழகம் முழுவதும் கடந்த இரு தினங்களாகக் கொட்டித் தீர்த்த கன மழைக்கு இதுவரை 16 பேர் பலியாகியுள்ளனர்.

ஆனால் வட மாவட்டங்களான வேலூர், தர்மபுரியில் மட்டும் மழை இல்லை.

வடகிழக்கு பருவமழை நேற்று தொடங்கியது. இது தமிழக மக்களுக்கு குறிப்பாக விவசாயிகளுக்கு மகிழ்ச்சி அளிக்கும் வகையில் உள்ளது. அதே நேரம் மழைக்கு பலியானோர் எண்ணிக்கையும் அதிகரித்து வருவதை சோகத்தை ஏற்படுத்தியுள்ளது.

நேற்று காலை 8-30 மணியுடன் முடிவடைந்த 24 மணி நேரத்தில் மாநிலம் முழுவதும் சராசரியாக 5 செமீ வரை மழை பெய்துள்ளது.

நேற்று முன்தினம் மழை காரணமாக சுவர் இடிந்து 4 பெண்களும், மின்னல் தாக்கி 2 பேரும் பலியானார்கள்.

நேற்று பெய்த மழையில் ரோட்டில் தேங்கிய தண்ணீரில் மின்சாரம் பாய்ந்து சென்னை அயனாவரத்தில் ரமேஷ் என்பவரும், தண்டையார்பேட்டையில் மணி என்பவரும் பலியானார்கள். நெல்லை மாவட்டம் ராதாபுரத்தில் மின்னல் தாக்கி அலெக்ஸ் என்பவர் இறந்தார். சிவகாசி அருகே உள்ள பாரைப்பட்டியில் தங்கமுனீஸ்வரி (32), அவருடைய தம்பி கண்ணன் ஆகியோரும், ஏ.ராமலிங்காபுரத்தில் காளீஸ்வரன் (33) என்பவரும் மின்னல் தாக்கி இறந்தனர்.

வட மாவட்டங்களில்…

வேலூர், தர்மபுரி, கிருஷ்ணகிரி போன்ற வட மாவட்டங்களில் மட்டும் சில இடங்களில் லேசான தூரல் மட்டுமே காணப்பட்டது. குடிநீர் பற்றாக்குறை, விவசாயம் பாதிப்பு போன்றவற்றால் கடுமையாக பாதிக்கப்பட்டுள்ள இந்த மாவட்டங்களில் இந்த சீஸனிலும் மழை பொய்த்தது அப்பகுதி மக்களை ஏமாற்றத்துக்குள்ளாக்கியுள்ளது.

இதுவரை 16 பேர் பலி

திருத்துறைப்பூண்டியில் வயலில் களை எடுத்துக் கொண்டிருந்த அய்யாக்கண்ணு (58), அவரது மருமகன் மகாலிங்கம் (40) ஆகியோர் மின்னல் தாக்கி பலியானார்கள். இதுவரை தமிழ்நாட்டில் மழைக்கு 16 பேர் பலியாகி விட்டனர்.

நீர்மட்டம் உயர்வு

இந்த மழை காரணமாக மாநிலத்தில் உள்ள பல அணைகளுக்கு நீர்வரத்து அதிகரித்து, நீர்மட்டம் உயர்ந்து வருகிறது. தேனி மாவட்டத்தில் பெய்து வரும் மழை காரணமாக சோத்துப்பாறை அணை கடந்த 12 நாட்களில் 44 அடியும், வைகை அணை 8 அடியும் உயர்ந்துள்ளது. முல்லைப் பெரியாறு அணை நீர்மட்டமும் படிப்படியாக உயர்ந்து நேற்று 120.30 அடியை எட்டியது.

காவிரி டெல்டா மாவட்டங்களான தஞ்சை, திருவாரூரிலும் பரவலாக மழை பெய்து வருகிறது.

-என்வழி செய்திகள்

23 மணிநேர மின்சாரம்… சென்னை தமிழ்நாட்டில் இல்லை போலிருக்கிறது!

இருண்ட தமிழகம்… இப்போ எப்படி இருக்கிறது?

பொதுவாக நவம்பர், டிசம்பரில் சென்னையை மழை உலுக்கியெடுக்கும். சாலைகள் உழுதுபோட்ட மாதிரி வாய்பிளந்து நிற்கும்… எங்கும் சேறும் சகதியுமாகக் காட்சி தரும்… ஆனால் இந்த முறை அப்படிச் செய்தால், குறைந்தபட்சம் அதைப் பற்றிக் கவலைப்படும் அளவுக்குக் கூட ஆட்சி இல்லை என்ற பேருண்மை மழைக்கும் தெரிந்துவிட்டதோ என்னமோ… கோடை காலத்துக்கு இணையாக வெயில் கொளுத்தி தீய்க்கிறது!

ஆனால் பாருங்கள்.. மழையோ வெயிலோ.. சென்னை சமாளித்துக் கொள்கிறது. காரணம் ஒரு மணிநேரம் மட்டுமே மின்வெட்டு என்ற சேனத்தைப் பூட்டி கண்களை மறைத்து வைத்திருக்கிறது அரசு. பெரிதாக நடுநிலை பீற்றிக் கொள்ளும் முட்டாள் மீடியாக்காரர்களும், விளம்பரங்களுக்காக ஆட்சியாளர் கால்களை நக்கிப் பிழைக்கும் ‘ஜர்னலிஸ்ட்’ புரோக்கர்களும் சென்னையிலேயே குடிகொண்டிருப்பதால், கிராமங்களின் நிஜ நிலை ஒருவருக்கும் புரிய வாய்ப்பில்லை.

இன்றைக்கும் சென்னையில் உள்ளவர்களால் 23 மணிநேரம் மின்சாரத்தை அனுபவிக்க முடிகிறது. இரவு 8 மணிநேரம் நிம்மதியாக ஏஸி அல்லது மின்விசிறிகளின் குளுமையில் உறங்க முடிகிறது.

ஆனால் கிராமங்களுக்கு பனை ஓலை விசிறிதான் வாய்க்கிறது. அதற்காக மின்வெட்டு நீடிக்கும் 16 மணி நேரமும் விசிறிக் கொண்டே இருக்க முடியாதல்லவா!

கிராமத்தில் எங்கள் வீட்டிக்கு மின் இணைப்பு கிடைக்காத 80களில் கூட, இரவு முழுக்க தெரு விளக்குகள் எரிந்து பார்த்திருக்கிறேன். ஆனால் இப்போது இரவில் 3 மணி நேரம் மட்டும்தான் மின்சாரம். மீதி நேரம்… எங்கே படுப்பதென்று புரியாமல் மொட்டை மாடி… அது இல்லாதவர்கள் வீட்டு வாசல்… அல்லது ஊர் நடுவில் உள்ள திண்ணை என பாயும் கையுமாக அலைந்து கொண்டிருக்கிறார்கள்.

ஊரில் நிறைய பெரிய பெரிய சமதளமான பாறைகள் உண்டு. மின்வசதியில்லாத காலங்களில் அந்தப் பாறைகள் மீது கயிற்றுக் கட்டில் போட்டு படுத்துக் கொள்வது வழக்கம். இன்னும் சிலர் வைக்கோல் பரப்பி, அதன் மீது பாய்போட்டு படுப்பார்கள்.

மின்சாரமயமான பிறகு, இந்தப் பாறைகளை கண்டுகொள்ள ஆளில்லை. இடுக்குகளில் செடிகள் முளைத்து, விறகுகள் அடுக்கப்பட்டு ஆளரவமற்ற இடங்களாகிவிட்டன. இப்போது மீண்டும் இருண்ட காலம் திரும்பிவிட்டதால், கிராமத்து இளைஞர்கள் சிலர் அந்தப் பாறைகளைச் சுத்தப்படுத்திக் கொண்டிருந்ததை சமீபத்தில் பார்க்க முடிந்தது.

காரணம் கேட்டதில், இரவில் வெட்ட வெளியில் படுத்துக் கொள்ள இந்த இடம் நன்றாக இருக்கும்.. காத்து நல்லா வரும்… என ‘அனுபவசாலிகள்’ சொன்னார்களாம்!

இதைவிட நண்பர் ஒருவர் சொன்னது, நமது மக்கள் சோகத்தை எப்படி எதிர்கொள்கிறார்கள் என்பதற்கு சிறந்த உதாரணம்: இரவில் எப்போது வருகிறது எப்போது போகிறது என்று தெரியாத அளவுக்கு பலே திருடனாக மாறிவிட்டதாம் மின்சாரம். அதனால் இரவுநேரங்களில் படுக்கும்போதே மின்விசிறி, விளக்குகளுக்கான சுவிட்ச்களை ஆப் பண்ணிவிட்டுத்தான் படுக்கிறார்களாம்… கொஞ்ச நேரம் மின்விசிறி ஓடி, அது நின்ற பின் படும் அவஸ்தைக்கு, முற்றாக மின்விசிறியே போடாமல் படுத்துக் கொள்வது பரவாயில்லை என்று தோன்றுவதால் அப்படிச் செய்கிறார்களாம்!

இந்த வாரம் சனிக்கிழமை கந்திலி சந்தையில் அம்மிக் கல்லுக்கும் உரலுக்கும்  ஏக கிராக்கி. முன்பு போல பெரிது பெரிதாக செய்யாமல், ஒரு ஆள் தூக்கிச் செல்லும் அளவுக்கு சின்னதாகவே செய்திருந்தார்கள். ரூ 250லிருந்து 400 வரை விலை சொன்னார்கள்.

‘அஞ்சு ரூபா கொடுத்து இந்தக் கல்லைக் கொத்தி வாங்கினேன்… இப்ப என்னடான்னா.. ரூ 500 சொல்றானே..’, என அங்கலாய்த்தார் அப்பா, பழைய உரல் மற்றும் அம்மியைப் பார்த்தபடி!

லாந்தர் விளக்குகள் பல வீடுகளில் மீண்டும் தங்கள் ஆஸ்தான இடத்தைப் பிடித்துவிட்டன. வெகு சிலர் மட்டும் சோலார் விளக்குகளுக்கு மாறியுள்ளனர்.

மின்சாரத்துக்கு தற்காலிகமாக மாற்றப்பட்ட பெரும்பாலான வேலைகளை இப்போது மீண்டும் கையாலேயே செய்து கொள்ள ஆரம்பித்துவிட்டிருக்கின்றனர் கிராமங்களில். இன்னும் நெல் குத்தும் ஓசையைத்தான் கேட்க முடியவில்லை..

ஆனால் எங்கள் ஊர்ப் பக்கம் இன்னும் சாத்தியமாகாத விஷயம்… நிலத்துக்கு மின்சாரமில்லாமல் தண்ணீர் பாய்ச்சும் வசதிதான். கிணறுகள் என்ற பேச்சுக்கே இடமில்லை. எல்லாமே மொட்டை கிணறுகளாகிவிட்டன. அந்த கிணற்றுக்குள் 500 அடி வரை துளைபோட்டு மோட்டார் மூலம் இறைத்து இருக்கிற நிலத்தை காப்பாற்றிக் கொண்டிருந்தார்கள்.

இப்போது மின்சாரம் என்பதே கிட்டத்தட்ட இல்லாத நிலை. வருண பகவானோ, கடந்த 12 ஆண்டுகளாக இந்தப் பகுதிகளில் மனமிரங்காமலே இருக்கிறான். இதில் எங்கே எப்படி நீர் இறைப்பது… மாடு கட்டி கவலை (கபிலை) அடிப்பதோ.. ஏற்றம் இறைப்பதோ… அம்மாடி.. இனி நினைத்தாலும் நடக்கிற காரியமா!!

-வினோ
என்வழி ஸ்பெஷல்

சிறுநீரை குடிக்க வைத்து மாணவர் சித்ரவதை – தனியார் பள்ளி ஆசிரியர்கள் 3 பேர் கைது

July 22, 2012 by  
Filed under General, Nation, Politics

சிறுநீரை குடிக்க வைத்து மாணவர் சித்ரவதை – தனியார் பள்ளி ஆசிரியர்கள் 3 பேர் கைது

பெரம்பலூர்: சிறுநீரை குடிக்க வைத்து வற்புறுத்தி மாணவரை சித்ரவதை செய்த பள்ளி ஆசிரியர்கள் 3 பேரும் கைது செய்யப்பட்டனர்.

பெரம்பலூர் மாவட்டம் வேப்பூர் அருகே உள்ள அகரம்சிகூரில் ஒரு தனியார் மேல்நிலைப்பள்ளி உள்ளது. இந்த பள்ளியில் பரத்ராஜ் (வயது 16) என்ற மாணவன் ஒன்பதாம் வகுப்பு படித்து வருகிறான். தஞ்சை மாவட்டம் கும்பகோணம் அருகே உள்ள சோழன்மாளிகையை சேர்ந்த தேசிங்குராஜன் மகனான பரத்ராஜ் பள்ளி அருகில் உள்ள விடுதியில் தங்கி படித்து வந்தான்.

கடந்த 19-ந் தேதி இரவு விடுதியில் மாணவர்கள் மாதாந்திர தேர்வுக்காக படித்துக் கொண்டிருந்தனர். அப்போது பரத்ராஜ் சிறுநீர் கழிக்க வெளியில் செல்ல அனுமதிக்குமாறு அங்கு இருந்த ஆசிரியர்களிடம் கேட்டான். அதற்கு அவர்கள் படிக்காமல் அடிக்கடி வெளியில் செல்கிறாயா என கேட்டு பரத்ராஜை சிறுநீரை இங்கேயே குடி என்று வற்புறுத்தி பிரம்பால் அடித்ததாகவும் புகார் செய்யப்பட்டது.

அடுத்த நாள் மாணவன் பரத்ராஜ் விடுதியில் இருந்து வெளியேறி சொந்த ஊரான கும்பகோணம் சென்று விட்டான். இந்த சம்பவம் குறித்து மாணவனின் தந்தை தேசிங்குராஜன் கும்பகோணம் மருத்துவமனை போலீஸ் நிலையத்தில் புகார் செய்தார். உடனே கும்பகோணம் போலீசார் பெரம்பலூர் மாவட்டம் மங்களமேடு போலீசுக்கும், சம்பந்தப்பட்ட பள்ளி மற்றும் விடுதிக்கும் தகவல் தெரிவித்தனர்.

பரத்ராஜ் கும்பகோணம் அரசு மருத்துவமனையில் அனுமதிக்கப்பட்டு சிகிச்சை பெற்று வருகிறான். இந்த சம்பவம் தொடர்பாக பெரம்பலூர் மாவட்ட முதன்மை கல்வி அதிகாரி மல்லிகா, மங்களமேடு போலீஸ் இன்ஸ்பெக்டர் செல்வம் ஆகியோர் நேற்று காலை சம்பந்தப்பட்ட பள்ளிக்கு நேரில் சென்று ஆசிரியர்கள், மாணவர்களிடம் விசாரணை நடத்தினார்கள்.

அப்போது அந்த பள்ளியில் பணியாற்றும் ஆசிரியர்கள் கருப்பையா, சக்திவேல், இளையராஜா ஆகிய 3 பேரும் மாணவன் பரத்ராஜை அடித்தது தெரியவந்தது. இதனைத் தொடர்ந்து ஆசிரியர்கள் 3 பேரையும் சஸ்பெண்டு செய்து மாவட்ட முதன்மை கல்வி அதிகாரி மல்லிகா உத்தரவிட்டார்.

தலைமை ஆசிரியர் மறுப்பு

இதற்கிடையே கும்பகோணம் அரசு மருத்துவமனையில் சிகிச்சை பெற்று வரும் மாணவன் பரத்ராஜை பள்ளியின் தலைமை ஆசிரியர் தங்கவேலு நேற்று காலை பார்வையிட்டு விசாரணை நடத்தினார்.

பின்னர் அவர் நிருபர்களிடம் கூறுகையில், “மாணவன் பரத்ராஜ்க்கு ஏற்கனவே புகையிலை போடும் பழக்கம் இருந்து உள்ளது. ஹேன்ஸ் எனப்படும் புகையிலை பாக்கெட்டை மாணவன் பரத்ராஜ் பையில் வைத்து இருந்ததை மற்ற மாணவர்கள் பார்த்து ஆசிரியர்களிடம் சொல்லி உள்ளனர். இததைத்தொடர்ந்து அந்த மாணவனை அழைத்து ஆசிரியர்கள் கண்டித்தனர். இனிமேல் புகையிலை போடக்கூடாது என்று அறிவுறுத்தினர். ஆசிரியர்கள் கண்டித்த பின்னரும் அந்த புகையிலை பாக்கெட்டை அவன் தூக்கிப்போடாமல் மறைத்து வைத்து இருந்ததால் மாணவனை மீண்டும் கண்டித்த ஆசிரியர்கள் புகையிலை பாக்கெட்டை பறித்துக்கொண்டதுடன் மாணவனையும் அடித்தனர். ஆனால் சிறுநீரை குடிக்க சொல்லி சித்ரவதை செய்யதாக சொல்வதில் சிறிதளவும் உண்மை இல்லை,” என்றார்.

ஆனால் ஆசிரியர்கள் கடுமையாக அடித்ததில், அந்த மாணவனின் விரல்கள், தொடைகள் கடுமையாக வீங்கியிருந்தது குறித்து அவர் எதுவும் பேசவில்லை!

மாணவனை சிறுநீர் குடிக்க வைத்து அடித்த தனியார் பள்ளி ஆசிரியர்கள்

இந்த நிலையில் நேற்று மதியம் ஆசிரியர்கள் கருப்பையா, சக்திவேல், இளையராஜா ஆகிய 3 பேரையும் மங்களமேடு போலீசார் கைது செய்தனர். மாணவன் பரத்ராஜை அடித்து துன்புறுத்திய வழக்கில் இவர்கள் 3 பேரும் கைது செய்யப்பட்டுள்ளதாக போலீசார் தெரிவித்தனர்.

பள்ளிகள் என்பவை மாணவர்களை பண்புள்ளவர்களாக மாற்றத்தான். ஆனால் இன்றைய சூழலில் பெரும்பாலான ஆசிரியர்கள் வக்கிர புத்தி கொண்டவர்களாகவும்,  வெறும் பணத்தில் மட்டுமே கவனமாகவும் உள்ளதன் விளைவுதான் இந்த மாதிரி சம்பவங்கள்.

கடந்த சில தினங்களுக்கு முன்புதான் மேற்கு வங்கத்தில் ஒரு 6 வயதி சிறுமியை துன்புறுத்தி சிறுநீர் குடிக்க வைத்த சம்பவம் வெளியாகி பரபரப்பைக் கிளப்பியிருந்தது. அடுத்து தமிழகத்திலும் இப்படியொரு அவலம் அரங்கேறியுள்ளது.

இன்னும் வெளியில் சொல்லாமல் மறைக்கப்பட்ட பள்ளிகள், அவலங்கள் எவ்வளவோ!

இப்படி ஒரு கேவலமான சம்பவம் நடந்தும் அதை வெளிப்படுத்தி, கொடுமைக்குக் காரணமானவர்களைத் தண்டிப்பதில் காட்டும் அக்கறையைவிட, குற்றவாளிகளை மறைக்கவும் காப்பாற்றவுமே தலைமை ஆசிரியர் முனைப்பு காட்டுவதுதான் கொடுமையின் உச்சம்!

இந்த அவலம் வெளியில் தெரிந்தால் அதை கவுரவப் பிரச்சினையாகக் கருதும் மாநில அரசும் போலீசும், வழக்கை நீர்த்துப்போக வைப்பதில் குறியாக இருப்பதாகக் கூறப்படுகிறது.

-என்வழி செய்திகள்

மின்வெட்டு குறைகிறது?

காற்றாலைகள் தயவில் சிறு தொழிற்சாலைகள் இயங்கத் தொடங்கின… மின்வெட்டு குறையத் தொடங்கியது!

ல நாள் பட்டினி கிடந்து பழகியவனுக்கு திடீரென்று கஞ்சியை ஊற்றினாலும் அது பெரும் விருந்தாகத்தான் தெரியும். நடுவில் ஒருநாள் பிரியாணியே கிடைத்தால்?

தமிழகத்தின் ஆட்சியாளர்கள் கடைப்பிடிப்பது இந்த பலே டெக்னிக்கைத்தான். பல விஷயங்களை இதன் மூலம் சாதித்துக் கொள்ள முடியும். இத்தனை நாள் சந்துக்கு சந்து அடி வாங்கி சந்தி சிரித்த கதையையெல்லாம் சுலபத்தில் மாற்றி, ஆஹா வந்தது பார் அம்மா ஆட்சியில் அபாரமாய் மின்சாரம் என்று மார்த்தட்டிக் கொள்ளலாம்.

எதிர்ப்பாளர்களை கொஞ்ச நாளைக்கு பார்த்தீர்களா எங்கள் சாதனைகளை என்று திருப்பிக் கேட்கலாம். மீண்டும் மின்வெட்டு வரும்போது, கடந்த முறை சமாளித்தது போல மீண்டும் சமாளிக்க மாட்டோமா? என திருப்பிக் கேட்கலாம்.

பல நாள் பட்டினி, ஒரு நாள் விருந்தில் காணாமல் போவது போலத்தான் இப்போது ஜெயலலிதா ஆதரவாளர்களின் மனநிலையும்!

ஆனால் உண்மை என்ன?

இயற்கையின் தயவில் உரிய காலத்துக்கு முன்பே காற்றின் வேகம் அதிகரித்திருப்பதால் காற்றாலை மின் உற்பத்தி அதிகரிக்க, மின் தட்டுப்பாடு பெருமளவு குறைய ஆரம்பித்துள்ளது கடந்த இரு தினங்களாக.

வட மாவட்டங்கள், மேற்கு மாவட்டங்களில் ஓரளவு மின்வெட்டு குறைந்துள்ளது. சென்னையில் பத்து நிமிடம், இருபது நிமிடம் என்று அவ்வப்போது தடங்கல் வருவதோடு சரி.

காற்றாலைகளின் மின்னுற்பத்தி இதே அளவுக்கு தொடரும் வரை இந்த நிலை நீடிக்கும். காற்று ஓய்ந்தால், மீண்டும் இருட்டுக்குப் பழகிக் கொள்ள வேண்டும்.

காரணம், நிரந்தர மின்சார உற்பத்திக்கு இந்த அரசு எதுவும் செய்வதில்லை என்பதில் உறுதியாகவே உள்ளது. மாற்றுவழிகளில் மின்சாரம் பெறவும் இதுவரை எந்தத் திட்டமும் ஜெயலலிதா அரசிடம் இல்லை. அதாவது பதவிக்கு வந்து ஓராண்டு காலம் கடந்த பின்பும்!

சில போலி தேசியவாதிகளும், ஜெ ஆதரவாளர்களும் முழங்குவது போல கூடங்குளம் திட்டத்தால் எந்த நன்மையும் இந்த தமிழகத்துக்குக் கிடைக்கப் போவதில்லை. மிஞ்சிப் போனால் சென்னையின் ஒரு நாள் தேவையைச் சமாளிக்கும் அளவுக்குத்தான் அதிலிருந்து மின்சாரம் கிடைக்கப் போகிறது. ஆனால் அதிலிருந்து வரும் நச்சு, பல தலைமுறைகளை தென் தமிழகத்தில் அழிக்கப் போகிறது.

ஜெயலலிதா எதுவுமே செய்யப் போவதில்லை. அவர் பாட்டுக்கு வழக்கம்போல வீராவேச அறிக்கைகள் விட்டபடி சும்மாதான் இருப்பார். கோடை, மழைக்காலம் என பருவங்கள் மாறுவது போல, இனி வரும் நாட்களிலும் மின்வெட்டுக்காலம், மின் வெட்டு சரியாகும் குறுகிய காலம் என மாறி மாறி வரப் போகின்றன. அதற்கேற்ப மக்களும் தயாராகிக் கொள்ள வேண்டியதுதான்.

அடுத்த இரு ஆண்டுகளில் மின்வெட்டு ஓரளவு சீராகலாம். அது கூட ஜெயலலிதாவால் அல்ல. கூடங்குளம் என்ற அரைவேக்காட்டு திட்டத்தாலும் அல்ல.

கருணாநிதி அரசு ஆரம்பித்து வைத்த மூன்று அனல் மின் நிலையங்களும் உற்பத்தியைத் தொடங்கப் போவதால்.

மின்வெட்டு என்பது ஜெயலலிதா இந்த மாநிலத்துக்கு தந்திருக்கும் ஒரு நோய். அது அவ்வப்போது சரியாவது போல தெரியும். ஜெயலலிதா என்ற நோய்க் காரணி நீங்கினால், மின்வெட்டும் நீங்கலாம்.

இப்போது மின்வெட்டு இல்லை என்று சந்தோஷப்பட முடியவில்லை. காரணம் இந்த மின்சாரம் எப்போது வேண்டுமானாலும் நின்றுபோகலாம், இருட்டு நிரந்தரம் என்பதால்!

-இமானுவேல்

என்வழி செய்திகள்

அம்(மம்)மா ஆட்சியும் ஆட்டு மந்தைக் கூட்டமும்!

அம்(மம்)மா ஆட்சியும் ஆட்டு மந்தைக் கூட்டமும்!

ரு ஆண்டு முடியப் போகிறது, ஆட்சி மாற்றம் நடந்து. திருடனுக்கு தேள்கொட்டிய மாதிரி சமாளிக்கும் அதிமுக விசுவாசிகள் என்ன சொல்கிறார்கள்…

மாநிலத்தில் கல்வி குட்டிச்சுவராகிவிட்டதே..?

‘அதனால் என்ன பரவாயில்லை. அம்மா சொன்னா ஒண்ணும் ஒண்ணும் அஞ்சுதான்!’

முழுசா தனியார் கைக்குப் போய்விட்டதே உயர் கல்வி… இதுவாவது புரியுதா?

‘தனியார்னா உபிச குடும்பம்தானே… நல்லாருக்கட்டும்!’

ஆட்சியோ, மனிதாபிமானமோ, அரசியல் நாகரீகமோ தெரியாத ஒரு பெண்ணின் காலில் விழுந்துகிடக்கிறார்களே மந்திரிகள்?

‘அதனால் என்ன பரவாயில்லை. அம்மா காலடியில்தான் ஆதாயம் அதிகம்’

அனைத்து விலைகளும் விஷமாய் ஏறி கழுத்தை நெரிக்கின்றதே..

‘அடமானம் வச்சின்னாலும் ஆத்தா வச்ச விலைக்கு வாங்கிக்குவோம்’

‘வெட்டிச் செலவு, தண்ட அறிவிப்புகள் என ஒப்புக்கு ஒரு அரசு நடக்கிறதே…’

‘அஞ்சு வருசமும் அம்மாவுக்கு நேந்துவிட்ட மந்தையாடுங்க நாங்க’

இருந்த கொஞ்சநஞ்ச வெளிச்சமும் போய் மாநிலமே இருட்டாகிவிட்டதே….

‘அம்மா சிம்னி விளக்கு தருவாங்க. இருட்டு இப்போ பிடிக்குது.’

மூலைக்கு மூல கப்பம் கட்ட வேண்டியிருக்கேடா?

‘அம்மா போலீஸ்தானே சாப்பிடட்டும்…’

அப்ப எதுக்கு உங்களுக்கு வீடு வாசல்.. ஏதாவது ஜூல போய் இருக்க வேண்டயதுதானே..

‘அம்மா இன்னும் உத்தரவு போடலியே!!’

-விதுரன்

மின்சார வெட்டில் மட்டுமல்ல… ‘சம்சார வெட்டி’லும் தமிழகம்தான் நம்பர் ஒன்!

April 5, 2012 by  
Filed under General

விவாகரத்தில் இந்தியாவிலேயே நம்பர் 1 தமிழகம்!

டெல்லி:  இந்தியாவில் கணவன் அல்லது மனைவியை இழந்தவர்கள், விவாகரத்தானவர்கள், பிரிந்து வாழ்பவர்கள் பட்டியலில் தமிழகம் முதலிடத்தில் உள்ளது. இந்த பட்டியலில் டெல்லி கடைசி இடத்தில் உள்ளது.

திருமண பதிவாளர் அலுவலகம் மத்திய சுகாதாரத் துறையிடம் அறிக்கை ஒன்றை சமர்ப்பித்துள்ளது.

இந்த அறிக்கையின்படி, கடந்த 2010ம் ஆண்டில் இந்தியாவில் கணவன் அல்லது மனைவியை இழந்தவர்கள், விவாகரத்தானவர்கள், பிரிந்து வாழ்பவர்கள் பட்டியலில் 8.8 சதவீதத்துடன் தமிழகம் முதலிடத்திலும், 4.1 சதவீதத்தோடு டெல்லி கடைசி இடத்திலும் உள்ளன.

8.2 சதவீதத்துடன் ஆந்திரா, கேரளா மற்றும் கர்நாடகா ஆகிய மாநிலங்கள் இரண்டாவது இடத்தில் உள்ளன. ஒடிஷா (7.2), இமாச்சலப் பிரதேசம்(7.1) மற்றும் மகாராஷ்டிரா(7) ஆகியவை அடுத்தடுத்த இடங்களில் உள்ளன.

இதில் மகாராஷ்டிராவில் 10 சதவீதம் பெண்கள் விதவைகளாகவோ, விவாகரத்தானவர்களாகவோ, கணவரைப் பிரிந்து வாழ்பவர்களாகவோ உள்ளனர். 2.9 ஆண்கள் மனைவியை இழந்தவர்களாகவோ, விவாகரத்தானவர்களாகவோ, மனைவியைப் பிரிந்து வாழ்பவர்களாகவோ உள்ளனர்.

திருமணமே ஆகாதவர்கள்…

2010ம் ஆண்டில் இந்தியாவில் உள்ள மக்களில் 57.7 சதவீதம் பேர் திருமணமானவர்கள்.

35.9 சதவீதம் பேர் திருமணமே செய்து கொள்ளாதவர்கள். நாட்டிலேயே அதிகபட்சமாக ஜம்மு காஷ்மீரில் 45.4 சதவீதம் பேர் திருமணமே செய்துகொள்ளாமல் வாழ்கின்றனர்.

மற்ற மாநிலங்களில் திருமணமாகாதவர்கள் நிலை:

அஸ்ஸாம் – 42.3
உத்தரபிரதேசம் – 41.6
ஜார்கண்ட் – 38.5
மகாராஷ்ட்ரா-35.5
கர்நாடகா – 34.5
ஆந்திரா – 30.4

அதிகபட்சமாக திருமணம் நடக்கும் மாநிலங்கள் குஜராத் (61.4), ஆந்திரா (61), கேரளா (60.1), ராஜஸ்தான்  மற்றும் சத்தீஸ்கர் (59.8).

-என்வழி செய்திகள்

டி.வி. பார்ப்பதில் முதலிடம் டெல்லி… நம்பர் 2 தமிழகம்!

பத்தாண்டுகளில் தமிழகத்தில் திருப்திகரமான முன்னேற்றங்கள்…

சென்னை: நாட்டிலேய டிவி பார்ப்பதில் முதலிடத்தில் டெல்லி மக்களும், இரண்டாம் இடத்தில் தமிழர்களும் உள்ளனர்.

பத்தாண்டுகளுக்கு ஒரு முறை நடக்கும் இந்தியாவின் மக்கள் தொகை மற்றும் வீடுகள் பட்டியல் கணக்கெடுக்கும் பணி கடந்த 2010ம் ஆண்டு தொடங்கியது. தமிழகத்தில் இந்தப் பணியில் சுமார் 1.20 லட்சம் பேர் ஈடுபட்டனர். இந்தக் கணக்கெடுப்பு முடிவடைந்ததையடுத்து அது தொடர்பான அறிக்கை வெளியிட்டப்பட்டது.

அந்த அறிக்கையில் கூறப்பட்டுள்ள முக்கிய அம்சங்கள்:

தமிழகத்தில் இப்போது 1 கோடியே 85 லட்சம் குடும்பங்கள் உள்ளன. 10 ஆண்டுகளுக்கு முன் 1.42 கோடி குடும்பங்கள் இருந்தன.

தற்போது, கூட்டுக் குடும்ப எண்ணிக்கை குறைந்து தனிக் குடித்தனம் அதிகரித்துள்ளது. 75 சதவீதம் பேர் தனிக் குடித்தனம் நடத்தி வருகின்றனர்.

மாநிலத்தில் மொத்தமுள்ள வீடுகளில் 44 சதவீதம் கான்கிரீட் வீடுகளாக உள்ளன. மண் சுவர் வீடுகளின் எண்ணிக்கை கடந்த 10 ஆண்டுகளில் 33 சதவீதத்தில் இருந்து 21 சதவீதமாகக் குறைந்துள்ளது. 2001ம் ஆண்டில் 26 சதவீதம் பேர் கூரை வீடுகளில் இருந்தனர். தற்போது அது 15 சதவீதமாக குறைந்துள்ளது. சிமென்ட் தரையுடன் கூடிய வீடுகளின் எண்ணிக்கை, 55 சதவீதத்தில் இருந்து 63 சதவீதமாக உயர்ந்துள்ளன.

நீராதாரத்தைப் பொறுத்தவரை 79.8 சதவீத குடும்பங்கள் ஆழ்துழை கிணறுகள், குழாய் இணைப்புகள் ஆகியவற்றின் மூலமே குடிநீரை பெறுகிறார்கள். இதில் 35 சதவீதம் பேருக்கு வீட்டுக்குள்ளேயே குடிநீர் கிடைக்கிறது. 7 சதவீதம் பேர் குடிநீருக்காக அரை கி.மீ. தூரம் வரை செல்ல வேண்டியுள்ளது. இந்த எண்ணிக்கை 10 ஆண்டுகளுக்கு முன் 12 சதவீதமாக இருந்தது.

64 சதவீதம் பேர், வீட்டு வளாகத்துக்குள் குளிக்கும் வசதியை கொண்டுள்ளனர். 50 சதவீத குடும்பத்தினர் கழிவு நீர் கால்வாய் இணைப்பு பெற்றுள்ளனர்.

தமிழகத்தில் 52 சதவீத குடும்பங்கள் திறந்தவெளி கழிப்பிடங்களையே பயன்படுத்துகிறார்கள். 10 ஆண்டுகளுக்கு முன் இது 64 சதவீதமாக இருந்து, இப்போது 52 சதவீதமாகக் குறைந்துள்ளது. இப்போதும் 48.3 சதவீத குடும்பத்தினருக்கே வீட்டுக்குள் கழிப்பிட வசதி உள்ளது (தேசிய அளவில் இது 46.9 சதவீதமாகவே உள்ளது. அந்த வகையில் தமிழ்நாடு பெட்டர்).

சென்னை 95 சதவீத வீடுகளிலும், கன்னியாகுமரியில் 87 சதவீத வீடுகளிலும் கழிப்பிடம் உள்ளது. ஆனால், தர்மபுரி மாவட்டத்தில் வெறும் 19 சதவீத வீடுகளிலும், அரியலூர் மாவட்டத்தில் வெறும் 18.1 சதவீத வீடுகளிலும் மட்டுமே கழிப்பிட வசதி உள்ளது. மற்றவர்கள் திறந்த வெளியையே கழிப்பிடமாக பயன்படுத்துகின்றனர்.

93.4 சதவீத குடும்பங்களுக்கு மின்சார வசதி உள்ளது. 7 சதவீத வீடுகளில் மின் இணைப்பே இல்லை. 2001ம் ஆண்டு 78.2 சதவீத குடும்பங்களுக்கு மின் இணைப்பு இருந்தது. இப்போது அது 93 சதவீதமாக அதிகரித்துள்ளது.

2001ம் ஆண்டு கணக்கெடுப்பின்படி தமிழ்நாட்டில் 44 சதவீத வீடுகளில் டி.வி. இருந்தது. தற்போது அது கிட்டத்தட்ட இரண்டு மடங்காகி, 87 சதவீதமாக அதிகரித்துள்ளது. இந்தியாவில் டெல்லியில் தான் 92 சதவீத குடும்பங்களில் டிவி உள்ளது. இந்த விஷயத்தில் தமிழ்நாடு 2வது இடத்தைப் பிடித்துள்ளது.

11 சதவீத வீடுகளில் கம்ப்யூட்டர் வசதி உள்ளது. 48 சதவீத வீடுகளில் சமையல் கியாஸ் பயன்படுத்துகிறார்கள். 32 சதவீதம் பேர் இரண்டு சக்கர வாகனங்களையும், 4 சதவீதம் பேர் 4 சக்கர வாகனங்களையும் பயன்படுத்துகிறார்கள்.

அதே நேரத்தில் தமிழகத்தில் 45 சதவீதம் பேர் சைக்கிள்களை பயன்படுத்துகிறார்கள்.

75 சதவீத வீடுகளில் தொலைபேசி இணைப்பு உள்ளது. இதில் 69 சதவீத இணைப்புகள் செல்போன்கள் என்பது குறிப்பிடத்தக்கது.

-என்வழி செய்திகள்

அறிவிப்புக்குப் பின் இன்னும் அதிகமான மின்வெட்டு – மக்களைத் தொடரும் துன்பம்!

February 28, 2012 by  
Filed under General, Nation, Politics

அறிவிப்புக்குப் பின் இன்னும் அதிகமான மின்வெட்டு – மக்களைத் தொடரும் துன்பம்!

சென்னை: சென்னையிலும் புறநகர்களிலும் 2 மணி நேர மின்வெட்டு, மாநிலத்தின் பிற பகுதிகளில் 4 மணி நேரம் மின்வெட்டு என்று மின்வாரியம் அறிவித்து அது நேற்று முதல் நடைமுறைக்கு வந்ததாக கூறப்பட்டாலும் தமிழகத்தின் பல பகுதிகளில் தொடர்ந்து பல மணி நேரம் மின்தடை நீடித்ததால் மக்கள் கடும் அதிருப்திக்குள்ளாகியுள்ளனர்.

குறிப்பாக மாணவர்களும் முதியோரும் பெரும் அவதிக்குள்ளாகிவிட்டனர்.

புதிய மின்தடை திட்டத்தை நேற்று முதல் மின்வாரியம் தமிழகத்தின் அனைத்துப் பகுதிகளிலும் அமல்படுத்தியதாக அறிவித்தது. அதன்படி இதுவரை ஒரு மணி நேர மின்வெட்டை சந்தித்து வந்த சென்னை மற்றும் புறநகர்ப் பகுதிகளில் 2 மணி நேரமாக மின்வெட்டு உயர்த்தப்பட்டது. மேலும் பல பகுதிகளில் அறிவிக்கப்படாமல் 1 மணி முதல் 2 மணி வரை பழுதுபார்ப்பு என்ற பெயரில் மின்சாரத்தை துண்டித்தனர்.

ஆக சென்னை மாநகரின் பல பகுதிகள், குறிப்பாக புறநகர்களில் 4 மணிநேரம் மின் வெட்டப்பட்டது.

மாநிலத்தின் பிற பகுதிகளில் இதுவரை அதிகாரப்பூர்வமாக அறிவிக்கப்பட்டிருந்த 10 மணி நேர மின்வெட்டு என்பது 4 மணி நேரமாக குறைக்கப்படுவதாக அறிவிக்கப்பட்டது. இங்குதான் குழப்பம் ஏற்பட்டுள்ளது.

தமிழகத்தின் பெரும்பாலான பகுதிகளில் மின்வெட்டின் அளவு தொடர்ந்து அப்படியேதான் இருப்பதாக மக்கள் கொந்தளிப்புடன் கூறியுள்ளனர்.

உதாரணத்திற்கு நெல்லை, தூத்துக்குடி, கன்னியாகுமரி உள்ளிட்ட தென் கோடி மாவட்டங்களின் நகரப் பகுதிகளில் தொடர்நது 8 மணி நேரத்துக்கும் அதிகமாக மின்வெட்டு அமல்படுத்தப்படுகிறது. அதேசமயம் கிராமப்புறங்களில் இதை விட கூடுதலான மின்வெட்டை அமல்படுத்துவதாக அங்கிருந்து வரும் தகவல்கள் தெரிவிக்கின்றன.

இதே நிலைதான் மாநிலத்தின் பெரும்பாலான பகுதிகளில் காணப்படுகிறது. சில இடங்களில் மட்டுமே நான்கு மணி நேர மின்வெட்டு அமலாகியுள்ளதாம். பெரும்பாலான இடங்களில் 5 மணி நேரம், 6 மணி நேரம் என்றுதான் உள்ளதாம். பெரும்பாலான இடங்களில் 8 மணி நேரமே தொடர்கிறதாம்.

மதுரையில் மட்டும் இதுவரை 8 மணி நேரமாக இருந்த மின்வெட்டு 5 மணி நேரமாக குறைந்துள்ளதாம். அதாவது மின்வாரியம் சொன்ன 4 மணி நேர மின்வெட்டாக அது இன்னும் குறைக்கப்படவில்லை.

ஏன் இந்தக் குழப்பம் என்று மின்வாரியத் தரப்பி்ல விசாரித்தபோது, பல ஊர்களில் லோக்கல் ஆளுங்கட்சிப் பிரமுகர்களின் தலையீடு காரணமாக, முறையாக மின் விநியோகத்தை வழங்க முடியவில்லை. மின்வெட்டையும் சரியாக அமல்படுத்தவில்லை என்றனர் அதிகாரிகள்.

பல மின் அலுவலகங்களுக்கு உத்தரவும் முறைப்படி சென்று சேரவில்லையாம். நெல்லை, தூத்துக்குடி, கன்னியாகுமரி மாவட்ட மின்விநியோக அலுவலகங்களுக்கு இதுதொடர்பான உத்தரவு கயத்தாரிலிருந்து வர வேண்டுமாம். ஆனால் இன்னும் இந்த உத்தரவு அங்கிருந்து போகவில்லையாம். இனால் தொடர்ந்து பழைய மின்வெட்டே நீடிக்கிறதாம்.

இதற்கிடையே, மின்வெட்டை முறையாக சரியாக அமல்படுத்துகின்றனரா, விதிமீறல் நடக்கிறதா என்பதைக் கண்காணிக்க 32 மாவட்டங்களுக்கும் தனிப்படைகள் அமைக்கப்பட்டுள்ளனவாம். இதில், மின் மண்டல தலைமை பொறியாளர்கள் தலைமையில், செயற்பொறியாளர், உதவி செயற்பொறியாளர்கள் ஆகியோர் இடம் பெற்றுள்ளதாக தெரியவிந்துள்ளது.

முதல்வரே நேரடியாக ஆலோசனை நடத்தி பல கட்ட ஆய்வுக்குப் பின்னர்தான் திருத்தப்பட்ட மின்வெட்டை மின்வாரியம் அறிவித்தது. அதை உடனடியாக அமல்படுத்தாமல் இப்படியா குழப்புவது. இது வெந்த புண்ணில் வேலைப் பாய்ச்சுவது போல உள்ளது என்று தமிழக மக்கள் குமுறுகிறார்கள்.

-என்வழி செய்திகள்

இதானா சார் உங்க ‘டக்கு’!

இதானா சார் உங்க ‘டக்கு’!



டா
ஸ்மாக்ல சரக்கு பத்திரமா இருக்கு… கல்லாவும் பத்திரமாத்தான் இருக்கு. ஆனா பேங்க்ல, நகைக் கடைல, வீடுகள்ல மட்டும் கொள்ளை போகுது.  கொள்ளையனை டக்குனு புடிச்சிருவோம்னு சவால் விடறீங்க. நாட்கள் ஓடினதுதான் மிச்சம்… இதானா சார் உங்க ‘டக்கு’!

-என்வழி

‘இலவசப் பொருள்களை திரும்பக் கொடுத்து விடுகிறோம்… மின்சாரம் மட்டும் கொடுங்கள் போதும்!’

February 15, 2012 by  
Filed under Business, Economy, General, Nation, Politics

‘இலவசப் பொருள்களை திரும்பக் கொடுத்து விடுகிறோம்… மின்சாரம் மட்டும் கொடுங்கள் போதும்!’

மின்சாரம் என்பது கிடைப்பருமைப் பொருளாகிவிட்டது இன்றைக்கு. கிராமங்கள், நகரங்கள் என்ற பேதமின்றி எல்லோரும் அம்மி அரைக்கிறார்கள், அரிசி குத்துகிறார்கள், உரலில் மாவாட்டுகிறார்கள், பனை ஓலையில் காற்று வாங்குகிறார்கள்.. லாந்தர், சிம்னி விளக்குகளுக்கு கண்களைப் பழக்கிக் கொள்ள ஆரம்பித்துள்ளனர்.

பெட்ரோமேக்ஸ் லைட்டே வேணுமா என கமெண்ட் அடித்தவர்கள், பெட்ரோமேக்ஸ் லைட் கிடைத்தால் சந்தோஷம் என்று கூற ஆரம்பித்திருக்கிறார்கள்.

கொஞ்சம் இருக்கப்பட்டவர்கள் இன்வர்ட்டர்கள் மற்றும் சூரிய மின் சக்திக்கு தாவிக் கொண்டிருக்கிறார்கள். ஆகாயத்திலிருந்து நேரடியாக குதித்துவிட்ட சென்னைவாசிகள் மட்டும் ஒன்று அல்லது இரண்டு மணி நேர மின்வெட்டு என்பதால் இவற்றையெல்லாம் நக்கலாகப் பார்த்துக் கொண்டும் பேஸ்புக்கில் கமெண்ட் எழுதிக் கொண்டும் காலம் தள்ளுகிறார்கள்!

தமிழகம் முழுவதும் – சென்னை தவிர்த்து- பல மணி நேர மின்வெட்டு அமல்படுத்தப்பட்டுள்ளது. 8 மணி நேரம் என்று அதிகாரப்பூர்வமாக சொல்லப்பட்டாலும் பெரும்பாலான பகுதிகளில் அதையும் தாண்டி 12 மணி நேரம் வரை மின்தடை அமலில் உள்ளது. அட சென்னைக்குப் பக்கத்தில் உள்ள பூந்தமல்லியைத் தாண்டினால் 8 மணிநேரம் மின்வெட்டு!

சில மாவட்டங்களில் வாரத்தில் இரண்டு நாட்கள் தொடர்ச்சியாக 12 மணிநேரம் மின்தடை அமல்படுத்தப்படுகிறது.

மாநிலம் முழுவதும் தொழில்கள் முடங்கிப் போயுள்ளன. மக்களும், தொழிலாளர்களும் வீதிக்கு வந்து போராடுவது அன்றாடக் காட்சியாகிவிட்டது. கிட்டத்தட்ட அனைத்து மாவட்டங்களிலும் போராட்டங்கள். ‘என்ன… இன்னிக்கு திருப்பூர்ல போராட்டமா?’ என்று சாவதானமாகக் கேட்டுவிட்டு கடந்து போகும் நிலை.

திருப்பூர் மாவட்டத்தில், 300 பாத்திர உற்பத்தி பட்டறைகள் உள்ளன. எவர்சில்வர், பித்தளை, செம்பு ஆகிய உலோகங்களில், பாத்திரங்கள் உற்பத்தி செய்து, விற்பனைக்காக, தமிழகம் தவிர வெளிமாநிலங்களுக்கு அனுப்பி வைக்கின்றனர். இத்தொழிலை நம்பி, 7,000 தொழிலாளர்கள் உள்ளனர். நாளொன்றுக்கு, 50 லட்சம் ரூபாய்க்கு, பாத்திரங்கள் உற்பத்தியாகின்றன.

பாத்திரங்களை இணைப்பதற்கான வெல்டிங், பாத்திரங்களை வடிவமைக்க, பாலிஷ் செய்ய, உற்பத்தி செய்த பாத்திரத்தில் டிசைன் செய்ய, என, அனைத்து பணிகளுக்கும், மின்சாரம் அவசியம்.

தற்போதைய தொடர் மின்வெட்டால் இவை அனைத்தும் பாதிக்கப்பட்டுள்ளன. பாத்திர உற்பத்தி 10 சதவீதம் மட்டுமே நடக்கிறது. தொழில் நடத்த முடியாமல் பலர், பட்டறையை மூடும் நிலைக்கு தள்ளப்பட்டுள்ளனர். தொழிலாளர்களுக்கு வேலையில்லா நிலை ஏற்பட்டுள்ளது.

மின்வெட்டை கண்டித்தும், தடையில்லா மின்சாரம் வழங்கக் கோரியும், பாத்திர உற்பத்தியாளர்கள், வியாபாரிகள், தொழிற்சங்கத்தினர் அடங்கிய கூட்டமைப்பினர், நேற்று, பாத்திர உற்பத்தி நிறுத்தம், கடையடைப்பு மற்றும் ஆர்ப்பாட்டம் செய்தனர். திடீரென சாலை மறியலிலும் ஈடுபட்டனர்.

ராமேஸ்வரம், மண்டபம், பாம்பன் பகுதியில் இருந்து 1,000க்கும் மேற்பட்ட விசைப்படகுகள் மூலம் கடலுக்கு மீன் பிடிக்க செல்கின்றனர். இங்கு பிடிக்கப்படும், நண்டு, கனவாய், இறால், வாவல் போன்ற மீன்கள் வெளிநாடுகளுக்கு ஏற்றுமதி செய்யப்படுகின்றன. மற்ற வகை மீன்கள் வெளிமாநிலங்களுக்கு அனுப்பப்படுகின்றன.

வெளிமாநிலங்களுக்கு அனுப்பப்படும் மீன்கள், ஐஸ் மூலம் பதப்படுத்தப்பட்டு கொண்டு செல்லப்படுகின்றன. தொடர் மின்தடையால், முழுமையாக ஐஸ் தயாரிக்க முடிவதில்லை. ஜெனரேட்டர் இயக்கினால் அதிக செலவாவதால், ஐஸ் கம்பெனிகள் உற்பத்தியை நிறுத்தியுள்ளன.

ஐஸ் இல்லாததால், மீன்கள் பதப்படுத்த முடியாமல் அழுகி வீணாகின்றன. தினமும் 70 முதல் 80 டன் மீன்கள் அனுப்பப்பட்ட நிலை போய், தற்போது 40 டன் அனுப்பினாலே பெரிய சாதனைதான் என்று சொல்லுமளவுக்கு ஆகிவிட்டது.

இந்த மின்வெட்டால், சரக்கு லாரி போக்குவரத்து தொழிலும் பாதிக்கப்பட்டுள்ளதாக, மதுரை லாரிஉரிமையாளர் சங்கத்தினர் குமுறுகின்றனர். மின்வெட்டால் தொழிற்சாலைகள், தொழிற்பேட்டைகளில் உற்பத்தி திறன் பாதிக்கப்பட்டுள்ளது. இதனால், தொழிற்சாலைகளுக்கு தேவையான மூலப்பொருட்கள், லாரி மூலம் கொண்டு வரப்படவில்லை.

இந்த காரணங்களால் அனைத்து தொழிற்சாலைகளும் மூடும் அபாயம். சரக்கு போக்குவரத்தில் 50 சதவீதம், தொழிற்சாலைகளை நம்பி உள்ளது. பொருட்களின் உற்பத்தி குறைவால், லாரி போக்குவரத்தும் பாதிக்கப்பட்டுள்ளது. லாரிகள் மீதான கடனுக்கு, முறையான தவணை தொகைகளை கட்ட இயலவில்லை. என்ன செய்வதென்றே தெரியவில்லை என குமுறுகிறார்கள் லாரிக்காரர்கள். இந்த நிலையைக் கண்டித்து மதுரை கப்பலூர் சாலையில் ஆர்ப்பாட்டமும் நடத்தினர்.

ராஜபாளையம், சத்திரப்பட்டி பகுதிகளில் பேண்டேஜ் துணி தொழிலில் பல நிறுவனங்கள் ஈடுபட்டு உள்ளன. ஏற்றுமதியும் செய்யப்படுகின்றன. கடந்த ஒரு வாரமாக, சத்திரப்பட்டியில் தினம் எட்டு முதல் பத்து மணி நேரம் மின்தடை ஏற்படுகிறது. தொழிலாளர்கள் வேலை இல்லாமலும், குறிப்பிட்ட நேரத்தில் டெலிவரி செய்ய முடியாமலும் உற்பத்தியாளர்கள் திணறி நிற்கின்றனர்.

நேற்று ஓசூர் பகுதியில் அனைத்துத் தொழிற்சாலைகளையும் மூடி தொழிலாளர்கள், உற்பத்தியாளர்கள் ஸ்டிரைக் செய்தனர்.

கேட்க நாதியற்ற நிலை. எதுவும் தங்களுக்குத் தெரியாது என கைவிரிக்கிறார்கள் மின்வாரிய ஊழியர்கள்.

இப்போது மக்கள் சொல்வதெல்லாம், ‘எங்களுக்கு எந்த இலவசமும் வேண்டாம். இதுவரை நீங்கள் கொடுத்த இலவசங்களைக் கூடத் திருப்பிக் கொடுத்து விடுகிறோம். தடையற்ற மின்சாரம் தாருங்கள்’, என்பதே. கன்னியாகுமரி மாவட்டத்தில் இந்த கோஷத்தை முன் வைத்து புதன்கிழமை காலையிலிருந்து போராட்டம் நடந்து வருகிறது!

மாணவர்கள், உற்பத்தியாளர்கள், வியாபாரிகள், தொழிலாளர்கள், பொதுமக்கள் மக்கள் என அனைத்துத் தரப்பினரும் திட்டக்கூட திராணியின்றி நிற்கின்றனர். முதல்வர் ஜெயலலிதாவுக்கு இது பற்றி கவலை எதுவும் இல்லை… மூன்றே மாதங்களில் மின்வெட்டை படிப்படியாகக் குறைத்துவிடுவேன் என முழங்கிய அவரது கவலையெல்லாம், இப்போது சங்கரன் கோயிலில் திராணியை நிரூபிப்பதில் மட்டும்தான்தான்!

-என்வழி செய்திகள்

தமிழகம் முழுவதும் வரலாறு காணாத மின்வெட்டு… இன்று முதல் 8 மணிநேரம்!!

February 8, 2012 by  
Filed under General, Nation, Politics

தமிழகம் முழுவதும் வரலாறு காணாத மின்வெட்டு… வெறுப்பின் உச்சத்தில் மக்கள்!

சென்னை: தலைநகர் சென்னை தவிர்த்து தமிழகத்தின் பிற பகுதிகளில் வரலாறு காணாத மின்வெட்டு நிலவுகிறது.

கோவை, ஈரோடு, காஞ்சிபுரம் போன்ற தொழில்வளம் மிக்க மாவட்டங்கள் இந்த மின்வெட்டு காரணமாக கடும்பாதிப்புக்குள்ளாகியுள்ளன.

திமுக ஆட்சியின் இறுதிக் கட்டத்தில் சென்னையில் 1 மணி நேரமும், ஊரகப் பகுதிகளில் 3 மணி நேரமும் மின்வெட்டு நிலவியது. ஆட்சி மாற்றத்துக்கு பிரதான காரணமாக அமைந்ததே இந்த மின்வெட்டுதான்.

ஆட்சிக்கு வந்தால் அடுத்த 6 மாதங்களுக்குள் மின்வெட்டை சீராக்கிவிடுவோம் என அதிமுக உறுதியளித்தது. ஆட்சியில் அமர்ந்த பிறகு, மின்வெட்டுக்கான காரணங்களை மட்டுமே அடுக்கினார்களே தவிர, அதைத் தீர்ப்பதற்கு உருப்படியான எந்த நடவடிக்கையும் மேற்கொள்ளப்படவில்லை. அதிமுக ஆட்சி அமைந்து 8 மாதங்களாகியுள்ள நிலையில் மாநிலம் முழுவதும் மின்வெட்டு தாறுமாறாக உள்ளது.

சென்னையில் 1 மணி நேரம் மின்வெட்டு என்று சொன்னாலும், அறிவிக்கப்படாமல் கூடுதலாக அரை மணி அல்லது 1 மணிநேரத்துக்கு மின் வெட்டு நிலவுகிறது. எப்போது கேட்டாலும் பராமரிப்பு என காரணம் கூறுகிறார்கள் மின்வாரிய ஊழியர்கள்.

8 மணி நேரம் முதல் 12 மணி நேரம் வரை…

கிராமப் புறங்களின் நிலைமைதான் சொல்லத் தரமற்றுப் போயுள்ளது. சில பகுதிகளில் 6 மணி நேரம், சில மாவடங்களில் 8 மணி நேரம், வேலூர் போன்ற வட மாவட்டங்களில் சில நாட்களில் 12 மணி நேரம் கூட மின்வெட்டு நிலவுகிறது.

பொங்கல் பண்டிகை சமயத்தில் வேலூர், கிருஷ்ணகிரி, தர்மபுரி மாவட்டங்களில் 8 மணி நேரம் மின்சாரமின்றி மக்கள் அவதிப்பட்டதை நேரில் பார்க்க முடிந்தது.

முன்பெல்லாம் என்னதான் மின் தட்டுப்பாடு இருந்தாலும், மழைக்காலத்தில் மின்வெட்டு என்பதே இருக்காது. கடந்த திமுக ஆட்சி முழுவதுமே, மழைக் காலங்களில் மின்வெட்டு இல்லாமல் இருந்தது குறிப்பிடத்தக்கது.

ஆனால் இந்த ஆண்டோ, ‘மழையாவது வெயிலாவது… கட் பண்ணு கரண்டை’ என்கிற ரீதியில் நிலைமை உள்ளது.

குறிப்பாக மாணவர்களின் ஆண்டு இறுதித் தேர்வுகள் நடக்கும் இந்தத் தருணத்தில் மின்சாரம் அடியோடு இல்லாமல், மக்கள் லாந்தர்கள், மெழுகுவர்த்திகள், சிம்னி விளக்குகளுக்கு மாறும் நிலை ஏற்பட்டுள்ளது.

இதற்கிடையே, இன்றிலிருந்து அதிகாரப்பூர்வமாகவே 8 மணி நேர மின்வெட்டை சென்னை தவிர்த்த பிற பகுதிகளில் அமல்படுத்த மின்வாரியம் முடிவு செய்யப்பட்டுள்ளதாகக் கூறப்படுகிறது. நகரம், கிராமம் என்ற பேதமின்றி இந்த 8 மணி நேர மின்வெட்டு இருக்கும்.

மின்வெட்டு நேரங்கள்:

காலை, 6 முதல், 9 மணி வரை, 3 மணி நேரமும்; பகல், 12 முதல், மாலை, 3 மணி வரை, 3 மணி நேரமும்; மாலை, 6 முதல், இரவு, 7 மணி வரை மற்றும் 8 முதல், 9 வரை, தலா 1 மணி நேரம் என, மொத்தம், 8 மணி நேரமும் மின்வெட்டு இருக்கும்.

சில பகுதிகளில் காலை, 9 மணி முதல், 12; மாலை, 3 முதல் 6; இரவு, 7 முதல், 8 மற்றும் 9 முதல், 10 என, 8 மணி நேரம்.

சென்னையில் மட்டும் 2 மணி நேரம் கூடுதலாக மின்வெட்டு நீடிக்கும் எனத் தெரிகிறது.

தொழில்துறை முடங்கும் நிலை

இந்த மின் வெட்டு காரணமாக தொழில்துறை அடியோடு முடங்கும் சூழல் உருவாகியுள்ளது. ஏற்கெனவே கோவையில் 40000 தொழிற்சாலைகளில் 80 சதவீத உற்பத்தி பாதிக்கப்பட்டுள்ளது. காஞ்சிபுரம், திருவண்ணாமலை, திருவள்ளூர் மாவட்டங்களில் சிறு தொழில்கள், விசைத் தறிகள் இயக்கம் முடங்கியுள்ளது. ஈரோட்டிலும் நிலைமை மோசமாகியுள்ளது.

அதேநேரம் பெரும் தொழில் நிறுவனங்கள் தடையின்றி மின்சாரத்தை தனி வழியில் பெற்று வருவது குறிப்பிடத்தக்கது!

திமுக ஆட்சிக் காலத்தில் போடப்பட்டுள்ள 4 புதிய மின் திட்டங்களும் செயல்பாட்டுக்கு வர 2013 அல்லது 2014 ஆகலாம். அந்தத் திட்டங்கள் வந்தால் மட்டுமே தமிழக மக்களின் இருட்டுக்கு ஓரளவு விடிவு பிறக்கும். அதுவரை?

இலங்கை தயாரிப்புகளை தமிழக கூட்டுறவுக் கடைகளில் விற்க தடை!

இலங்கை தயாரிப்புகளை கடைகளிலிருந்து அகற்றுங்கள்… தமிழக கூட்டுறவு சங்க அதிகாரி உத்தரவு!

லங்கையில் உற்பத்தி செய்யப்படும் பொருள்களை தமிழகக் கடைகளில் விற்க வேண்டாம் என்றும், விற்பனைக்கு வைத்துள்ள இலங்கைப் பொருள்களை அகற்றிவிடுமாறும் டியுசிஎஸ் கடைகளுக்கு  உத்தரவு பிறப்பிக்கப்பட்டுள்ளது.

தமிழ்நாடு அரசு நகர கூட்டுறவுச் சங்கங்களின் மூத்த அலுவலர் இந்த உத்தரவைப் பிறப்பித்துள்ளார்.

“இலங்கைப் பொருள்களைப் புறக்கணிப்போம் (Boycott Sri Lankan Products)” என்ற அமைப்பு அளித்த புகார் மனுவைத் தொடர்ந்து சக்தி சரவணன் என்ற மூத்த அதிகாரி இந்த உத்தரவைப் பிறப்பித்துள்ளார்.

“தமிழக அரசு ஏற்கனவே இலங்கைக்கு எதிராக பொருளாதார தடை விதிக்க சட்ட சபையில் தீர்மானம் நிறைவேற்றியுள்ளது. ஆனால் சில கடைகளில், அதுவும் அரசின் டியுசிஎஸ் சார்பில் நடத்தப்படும் கூட்டுறவுக் கடைகளில் இலங்கை தயாரிப்புகள் விற்பனையில் இருப்பது அதிர்ச்சியளிக்கிறது,”  என ‘இலங்கைப் பொருள்களைப் புறக்கணிப்போம்’ அமைப்பு புகாரில் குறிப்பிட்டிருந்தது.

இதைத் தொடர்ந்து தமிழகத்தில் உள்ள அரசு நகர கூட்டுறவுச் சங்கங்களின் கடைகளில் அடுக்கி வைக்கப்பட்டிருந்த இலங்கைப் பொருள்களை அகற்றிவிடுமாறு கடை விற்பனையாளர்களுக்கு உத்தரவிடப்பட்டுள்ளது.

இலங்கையில் உற்பத்தியாகும் பிஸ்கட், சாக்கலேட், மருந்துப் பொருள்கள் போன்றவை கடந்த இரு ஆண்டுகளாகவே தமிழகத்தில் பெரிதாக விற்பனையாகாமல் இருந்து வந்தது.  சட்டசபை தீர்மானத்துக்குப் பிறகு பெரும்பாலான கடைகளில் இலங்கைப் பொருள்கள் வைக்கப்படாமல் இருந்தன.

இந்த உத்தரவு குறித்து டியுசிஎஸ் மூத்த அலுவலர் சரவணன் கூறுகையில், “இலங்கைப் பொருள்கள் விற்பனை குறித்து எங்கள் கவனத்துக்கு கொண்டுவரப்பட்டதும், உடனே அவற்றை அகற்கிவிட்டோம். இந்தப் பொருள்களை உள்ளூர் ஏஜென்ட் மூலம் வாங்கியுள்ளனர். அதில்தான் தவறு நடந்துள்ளது. இதில் எங்களுக்கு ரூ 12000 மட்டும்தான் நஷ்டம். இருந்தாலும் அவற்றை அப்புறப்படுத்திவிட்டோம்,” என்றார்.

வெளிநாடுகளில் இலங்கையின் தயாரிப்புகளைப் புறக்கணிக்கக் கோரி தமிழ் உணர்வாளர்கள் போராட்டம் மேற்கொண்டுள்ளனர். மேலும் இனப்படுகொலை செய்த நாடு இலங்கை என்பதால், அந்நாட்டின் தயாரிப்புகளுக்கு ஐரோப்பிய யூனியன் ஜிபிஎஸ் வரி விதித்து வருகிறது. இதனால் ஐரோப்பிய நாடுகளில் இலங்கையின் தயாரிப்புகள் விற்பனை சரிந்துள்ளது.

அமெரிக்காவின் முன்னணி விற்பனை நிறுவனங்கள் இலங்கைப் பொருட்களை விற்பதையும் நிறுத்தியுள்ளது குறிப்பிடத்தக்கது.

-என்வழி செய்திகள்

‘புயல் கடந்த பூமி’… – சிறப்புப் படங்கள்!

தானே… சில காட்சிகள்!

ன்னதான் பக்கம் பக்கமாக எழுதினாலும், ஒரு படம் தருகிற நேரடி உணர்வை எழுத்தில் தருவது மகா கஷ்டம். தானே புயல் தமிழகம் மற்றும் புதுவையில் ஆடிய கோரத் தாண்டவத்தின் சில புகைப்படப் பதிவுகள இவை…

சென்னை மெரீனா... தானே புயல் கரைகடந்த டிசம்பர் 30!

கொந்தளித்த கடல்...

நதியோடும் சாலைகள்!

வாழ்க்கையை கேள்விக்குறியாக்கிய மழை!

பொங்கும் கடலோரம்...மெரினா.

இயற்கையின் சீற்றம் என்ன செய்யும்... - மெரினாவில் இன்னொரு காட்சி!

புயலுக்கு தாக்குப் பிடிக்காமல் தரை தட்டி நிற்கும் கப்பல் - சென்னை மெரினா!

எப்போதும் நேர்த்தியாக காட்சி தரும் புதுவை கடற்கரை சாலை - புயலுக்குப் பின்!

புதுவை - கடலூர் - கிழக்கு கடற்கரை சாலை சந்திப்பில்....

புதுவை கடற்கரை.. புயலின் சுவடுகள்

புயல் கடந்த பூமி...

'தானேக்'களைப் பொருட்படுத்தாமல் தானே இறங்கினால்தான் வாழ்க்கை வெள்ளத்தைக் கடக்க முடியும்!

-என்வழி ஸ்பெஷல்

எம்ஜிஆர்… ஒரு நிகரில்லா மனிதரின் நினைவு நாள்!

எம்ஜிஆர்… ஒரு நிகரில்லா மனிதரின் நினைவு நாள்!

-எஸ்எஸ்

‘உன்னை நம்பி எம்புள்ளைய படிக்க வச்சேன்… நீ வேலை தருவியா மாட்டியா?’ – ஏதோ ஒரு குக்கிராமத்திலிருந்து கோபத்துடன் ராமாவரம் தோட்டத்துக்கு வந்து, எந்தக் கட்டுக்காவலுமில்லாமல் வீட்டுக்குள் நுழைந்து எம்ஜிஆரிடம் நேருக்கு நேர் சண்டை பிடிக்கிறார் ஒரு தந்தை. அதைப் புன்னகையுடன் கேட்டுக் கொண்ட எம்ஜிஆர், ‘போங்க… முதல்ல சாப்பிட்டுவிட்டு வாங்க… பேசலாம்’ என்கிறார். ஆனால் அந்த தந்தை கோபம் தணியாமல், ‘இல்ல, நீ எனக்கு பதில் சொல்லு. எம்புள்ளைக்கு வேலை தருவியா மாட்டியா?’

‘போய் சாப்பிட்டுவிட்டு வாங்க. அடுத்த மாசம் உங்க கையில அரசாங்க சம்பளம் இருக்கும்’ என மீண்டும் அதே மாறாத புன்னகையுடன் தலைவர் சொல்ல, அதன் பிறகு சமாதானமாகி சாப்பிட்டுவிட்டு வருகிறார் அந்த பெரியவர்.

உடனே, அவரிடம் விவரங்களை வாங்கிக் கொண்ட எம்ஜிஆர், கையில் ஐந்நூறு ரூபாய்  கொடுத்து, பத்திரமாக அவரை பஸ் ஏற்றி அனுப்புமாறு உதவியாளருக்கு கட்டளை இடுகிறார். அன்று அவர் தமிழகத்தின் முதல்வர்… அதுவும் இரண்டாவது முறையாகப் பதவியேற்றிருக்கிறார்!

அடுத்த மாதம் மீண்டும் அதே தந்தை ராமாவரம் தோட்டத்துக்கு வந்தார். இந்த முறை அவர் கையில் மாலை, தேங்காய், பழங்கள்… கூடவே அரசாங்க சம்பள கவர். புன்னகையுடன் அவரை வரவேற்ற எம்ஜிஆர், இப்போதும் அவரை சாப்பிட வைக்கிறார். தாம் கொண்டு வந்ததை எம்ஜிஆர் என்ற கடவுளின் முன் வைத்து கும்பிட்டுவிட்டுப் போகிறார் அந்த தந்தை.

அந்தக் குடும்பம் முதல் முதலாகப் பெற்ற அரசு சம்பளம் அது. இன்றும் அந்தப் பெரியவர் இருக்கிறார். அவர் மனசுக்குள், அந்த குடும்பத்துக்குள், அவர்கள் பூஜையறையில் அதே ஈரத்துடன் வாழ்ந்து கொண்டிருக்கிறார் எம்ஜிஆர். இப்படி நிறைய தந்தைகள், குடும்பங்கள் தமிழ்நாட்டில் உள்ளன!

இன்றைக்கு ஒரு மாநில முதல்வரை யாராவது இப்படிச் சந்தித்துவிட முடியுமா… உரிமையாக சண்டை போட்டு தனக்கு வேண்டியதைப் பெற முடியுமா… அல்லது இதையெல்லாம் அனுமதிக்கும் பெரிய மனசுதான் யாருக்காவது வருமா?

னிதருள் புனிதர் என்ற பெயர் யாருக்குப் பொருந்துகிறதோ இல்லையோ…. சமகால சரித்திர நாயகரான புரட்சித் தலைவர், பொன் மனச் செம்மல், மக்கள் திலகம் எம்ஜிஆருக்கு மிகப் பொருந்தும்… அவர் கருணைப் பார்வையில் நல்ல கல்வியும் வளமான வாழ்க்கையும் பெற்றவர்கள் எண்ணிக்கை கொஞ்சமல்ல.

ஒரு மனிதன் கடவுளை வேண்டுவது பெரும்பாலும் இந்த இரண்டிற்காகவும்தான். அந்த வகையில் வாழ்ந்தபோதே பலருக்கும் கடவுளாகத் திகழ்ந்தவர் பொன்மனச் செம்மல். தமிழை வைத்து பிழைப்பு நடத்தியவர்கள் மத்தியில் தமிழனுக்கு தனி நாடு அமையவே பாடுபட்ட புரட்சியாளர் இந்த பெருமகன்!


அவரைப் பற்றி ஏதாவது சொல்லத் தொடங்கினால்… அல்லது எழுத ஆரம்பித்தால் கண்களை நீர் மறைக்கிறது. இந்த வாழ்நாளில் இன்னொரு முறை இப்படியொரு மனிதரின் அருள் பார்வை கிடைக்குமா? மக்களை மட்டுமே நினைத்த ஒரு தலைவர் கிடைப்பாரா என்ற ஏக்கத்தின் விளைவு அது!

‘என் மனதை நானறிவேன்.. என் உறவை நான் மறவேன்… எதுவான போதிலும் ஆகட்டுமே’ என நெஞ்சில் உரமும் நேர்மைத் துணிவும் கொண்டு தமிழருக்காக பாடுபட்ட தலைவர் அவர்.

பெருந்தலைவர் காமராஜருக்குப் பின் கல்வியின் அருமையை உணர்ந்த ஒரே தலைவர் எம்ஜிஆர்தான். இன்றைய முதல்வர்கள் தனியார் கல்வி கொள்ளையர்களை மட்டுமே ஊக்கப்படுத்துகிறார்கள். ஆனால் எம்ஜிஆர் காலத்தில் மட்டும் திறக்கப்பட்ட அரசுப் பள்ளிகள் 47000!

புதிய அரசுக் கல்லூரிகள், அரசுப் பல்கலைக்கழகங்கள், தமிழுக்கென்று தனிப் பல்கலைக் கழகம், பெண்களுக்கு தனி பல்கலைக்கழகம் என அவர் செய்த கல்விப் புரட்சிக்கு நிகரில்லை.

எம்ஜிஆர் என்றவுடன், தமிழகத்தில் உள்ள படித்தவர், பாமரர், விமர்சகர், பத்திரிகையாளர் என அத்தனை பேருமே ஏதோ ஒரு நெகிழ்ச்சியான சம்பவத்தை- நினைவைப் பகிர்ந்து கொள்வதைப் பார்க்கலாம்.

எம்ஜிஆர் எனும் பெருமழை தந்த ஈரம் இன்னும் கூட வற்றாமல் இருப்பதற்கு சான்று அது!

எம்ஜிஆர் என்ற அரசியல்வாதியை விமர்சித்தவர்கள் கூட, எம்ஜிஆர் என்ற ஈகைப் பெருந்தகையாளரை மனமார வாழ்த்திக் கொண்டேதான் இருக்கிறார்கள். இன்று அவரை விமர்சிக்கும் துணிச்சல் எந்த அரசியல்வாதிக்கும் கிடையாது. காரணம், மக்கள் தங்கள் மனங்களில் அவருக்குக் கொடுத்திருக்கும் சிம்மாசனம் அத்தகையது!

வாழ்ந்த போதும், வாழ்ந்து மறைந்து பின்னும் வாழ்வு தரும் வள்ளல் என்றால், அவர் எம்ஜிஆர் மட்டுமே!

(இன்று டிசம்பர் 24 புரட்சித் தலைவர் எம்ஜிஆர் நினைவு நாள்)

எங்கே இருக்கிறது இறையாண்மை?

எங்கே இருக்கிறது இறையாண்மை?


ரு எதிரி நாட்டு மக்கள் மோதிக் கொள்வதைப் போல் உள்ளது தமிழக – கேரள எல்லைப் பகுதியின் இப்போதைய நிலைமை.

முல்லைப்பெரியாறு அணை தொடர்பாக கேரள அரசியல்வாதிகளின் முட்டாள்தனமான வாதம் மற்றும் விஷமத்தனமான பிரச்சாரம் அந்த மாநில மக்கள் மனதிலும் ஆழ வேரூன்றத் தொடங்கியிருப்பது கவலையைத் தருகிறது.

குறிப்பாக நேற்று தேனி மாவட்டத்தில் உள்ள கேரள எல்லையான குமுளியில் நடந்துள்ள சம்பவங்கள், மலையாளிகளின் விஷமத்தனத்தையும், ஏதோ அவர்கள் தனி நாட்டில் வசிப்பதைப் போன்ற நிலைமையையும் ஏற்படுத்தியுள்ளது.

முல்லைப் பெரியாறு அணை என்பது சட்டப்படி முழுக்க முழுக்க தமிழர்களுக்கு சொந்தமானது என்பதை வலியுறுத்த சனிக்கிழமை சுமார் 50 ஆயிரத்துக்கும் அதிகமான தமிழர்கள் முல்லைப் பெரியாறு அணை நோக்கிப் பேரணியாகச் சென்றனர். இவர்கள் யாரும் சண்டைப் போட போனவர்கள் அல்ல. ஆனாலும் கேரளாவுக்குள் நுழைய அவர்களுக்கு தடை.

அதையும் தாண்டி அமைதியான வழியில் தங்கள் எதிர்ப்பையும் உணர்வையும் காட்ட தமிழர் அனைவரும் எல்லைப் பகுதியில் திரண்டு நின்றபோது, வேண்டுமென்றே அவர்கள் மீது கல்வீசி தாக்குதலும் நடத்தியுள்ளனர்  மலையாளிகள். இந்தத் தாக்குதலுக்கு விஷமிகள் காரணம் என்று யாரும் கூறி தப்பித்துக் கொள்ள முடியாது. காரணம், தமிழர்களை எதிர்க்க எல்லைப்புறத்தில் குடியிருக்கும் கேரளத்தினர் ஆயுதங்களோடு புறப்பட்டு வந்துள்ளனர். கேரள அரசியல்வாதிகளின் விஷமத்தனத்துக்கு கொஞ்சமும் குறையாத துர்மதியுடையவர்களாக மலையாளிகள் இருப்பதற்கு இது ஒரு பெரிய உதாரணம்.

அணையை உடைக்க நேரம் பார்த்துக் காத்திருக்கும் விஷமக் கூட்டமான கேரளத்தவர்களை அணைப் பகுதியில் அனுமதிக்கும் சட்டம், அணையைக் காக்கப் போராடும் தமிழர்களை விரட்டியடிப்பது என்ன நியாயம்?

கேரளா என்ன அந்நிய நாடா? இறையாண்மை, தேசப்பற்று, ஒருமைப்பாடு என்பதெல்லாம் தமிழ்நாட்டுக்கு மட்டும்தானா என்ற கேள்விகளை ஏற்படுத்தியுள்ளது இந்த சம்பவம்.


நியாயம், உண்மை, சட்டத்தின் மாட்சிமை, தேசத்தின் இறையாண்மை, அண்டை மாநிலங்கள் புவியியல் ரீதியாக சார்ந்தே இயங்க வேண்டிய சூழல் என அனைத்து தர்மங்களையும் அப்பட்டமாக, தெரிந்தே மீறுகிறது கேரளா. இதில் ‘கேரள மக்கள் நல்லவர்கள், அவர்கள் ஒன்றும் தெரியாத அப்பாவிகள்’ என்று தமிழ் ஊடகங்கள் சில சொல்வதை நாம் ஏற்க முடியாது.

இன்னொன்று, தமிழகத்தின் நீர்வளத்தை, பொருளாதாரத்தை உறிஞ்சிக் கொண்டிருப்பவர்களில் கணிசமானோர் கேரளத்தினர்தான். இவர்கள் தமிழகத்தில் வசிக்க தேவைப்படும் மொத்த நீரில் 10 சதவீதத்தைக் கூட தமிழகம் கேட்கவில்லை. அதுவும் அவர்களுக்குச் சொந்தமான அணையிலிருந்தல்ல. தமிழகத்துக்கு 1000 ஆண்டு பாத்தியதை உள்ள முல்லைப் பெரியாறு அணையிலிருந்துதான்.

தண்ணீர் வரத்தே இல்லாத பகுதியில் ஒரு பெரிய அணையைக் கட்டி வைத்துவிட்டு, அதற்கு முல்லைப் பெரியாறு தண்ணீரைத் திருட ஏதுவாக பொய்களைப் புனைந்து கூறும் கேரளாவை இயற்கையே கூட மன்னிக்காது.

கேரள மக்கள் நியாயம் தெரிந்தவர்கள், 100 சதவீதம் படிப்பாளிகள் என்பதெல்லாம் உண்மையென்றால், அங்கே இன உணர்வைத் தூண்டிவிட்டு குளிர்காயும் ஓட்டுப் பொறுக்கி அரசியல்வாதிகளுக்கு பாடம் கற்பிக்கும் வகையில், தமிழகத்துக்கு ஆதரவாகக் களமிறங்க வேண்டும்.

இத்தனை காலமும் இந்த எல்லைக்குள் ஒரு காலும் அந்த எல்லைக்குள் ஒரு காலுமாக ஓடித் திரிந்த இரு இன மக்களும் இன்று எதிரி நாட்டின் போர்வீரர்களைப் போல சண்டைக்கு நிற்க 100 சதவீதக் காரணம் கேரள அரசியல்வாதிகளே என்பதை மலையகத் தமிழராய் இருந்து பின்னர் மலையாளிகளாகிப் போன மக்கள் புரிந்து கொள்ள வேண்டும்.

பொருளாதார முற்றுகை என்பதை ஒரு அடையாளப் போராட்டமாக அறிவித்துள்ளார் தமிழினப் போராளியான வைகோ. இந்தப் போராட்டம் நிரந்தரப் போராட்டமாக மாறுவதும் மாறாமல் இருப்பதும் மலையாளிகளின் கையிலேயே உள்ளது.

தமிழ் அரசியல் தலைவர்கள் இந்த நேரத்தில் அரசியல் தாண்டி கைகோர்த்து போராடுவது அவசியமாகிறது. கருணாநிதி, ஜெயலலிதா போன்றோர் தங்கள் ஈகோவை கட்டிக் கொண்டு அழட்டும். ஆனால் அடுத்த கட்டத் தலைவர்களுக்கு என்ன வந்தது… அனைவரும் தனித்தனியாகப் போராடிக் கொண்டிருக்காமல், வைகோ போன்ற நேர்மையான தலைவருடன் இணைந்து போராடுவது தமிழருக்கு பெரும் பலத்தையும் கேரளாவுக்கு பயத்தையும் தரும்!

காங்கிரஸ் கூட்டணியின் மத்திய அரசைப்போல மோசடியான ஒரு அமைப்பை இதுவரை பார்த்ததில்லை. ஏதோ பக்கத்து நாட்டில் இரண்டு மாநிலங்கள் மோதிக் கொள்வதை வேடிக்கைப் பார்ப்பது போலவே இன்றுவரை மவுனமாக பார்த்துக் கொண்டுள்ளது மன்மோகன் அரசு. இந்த மவுனத்தை சாதகமாக்கி, புளுகு மூட்டையை அவிழ்த்த வண்ணம் உள்ளது உம்மன் சாண்டி கோஷ்டி.

நீதிமன்றங்கள், மத்திய அரசு என அனைத்து அமைப்புகளும் தமிழகத்துக்கு எதிரான அநியாயங்களைக் கண்டும் காணாமல் இருப்பது, இந்தியாவில் இறையாண்மை என்ற ஒன்று இருக்கிறதா என கேட்க வைத்துள்ளது!

-வினோ

இருட்டில் தமிழகம்: சென்னைக்கு வெளியே 7 மணிநேரம் மின்வெட்டு… உற்பத்தி பாதிப்பு, தொழிலாளர் பணியிழப்பு!

November 24, 2011 by  
Filed under General

இருட்டில் தமிழகம்: சென்னைக்கு வெளியே 7 மணிநேரம் மின்வெட்டு… உற்பத்தி பாதிப்பு, தொழிலாளர் பணியிழப்பு!

சென்னை: தமிழ்நாட்டில் உள்ள மின் உற்பத்தி நிலையங்களில் உற்பத்தி குறைந்துள்ளதால் ஏழு மணி நேரம் வரை மின் வெட்டு அமலாக்கப்படுகிறது. இந்த மின் வெட்டினால் மாநிலம் முழுவதும் தொழிற்சாலைகளில் உற்பத்தி பாதிக்கப்பட்டுள்ளது.

கடந்த காலங்களில் அதிகபட்சம் மூன்று முதல் நான்கு மணிநேரமாக இருந்தது மின்வெட்டு. அதுவும் கோடையில்தான் இந்த மின்வெட்டு இருக்கும். மழைக் காலங்களில் ஒருபோதும் மின்வெட்டு அமல்படுத்தப்பட்டதில்லை. மழை, காற்று, இடி போன்ற இயற்கை தடைகளால் சில மணிநேரம் அவ்வப்போது மின்சாரம் நிற்கும்.

கடந்த 2010-ம் ஆண்டில் கூட மின்வெட்டு என்பது செப்டம்பர் மாதம் வரை நீடித்தது. மீண்டும் பிப்ரவரி 2011-ல் அமலுக்கு வந்தது.

ஆனால் இப்போதோ கோடை, மழைக்காலம் என எந்த பேதமும் இன்றி ஒரே சீராக தொடர்கிறது, மின்வெட்டு!

எவ்வளவுதான் உற்பத்தி?

தமிழக மின் நிலையங்களின் மூலம் 3,560 மெகாவாட், தனியார் மின் நிலையங்களால் 940 மெகாவாட், மரபுசாரா எரிசக்தி மூலம் 100, காற்றாலைகளால் 1,150, மத்திய தொகுப்பால் 2,060 மெகாவாட் மின்சாரம் கிடைத்துள்ளது. 800 மெகாவாட் மின்சாரம், தனியாரிடமிருந்து வாங்கப்பட்டுள்ளது.

இதுபோக 3,700 மெகாவாட் மின்சாரம் பற்றாக்குறையாக உள்ளது. இதனால் கடும் மின்வெட்டு அமலாக்கப்பட்டு வருகிறது.

இதற்கு தமிழக மின்வாரியம் பல்வேறு காரணங்களை தெரிவித்து வருகிறது. நிலக்கரி இருப்பு குறைவு, பராமரிப்பு, நிலையங்களில் கோளாறு, தளவாட பொருட்களுக்கு பற்றாக்குறை என வரிசையாக காரணங்களை சொல்கிறார்கள்.

இதனால் சென்னை தவிர மாநிலத்தின் மற்ற பகுதிகள் பயங்கர மின் வெட்டை சந்தித்து வருகின்றன. கிட்டத்தட்ட 7 மணி நேரம் கரண்ட் இல்லை. மூன்று மணி நேரம் தொடர்ச்சியாகவும், பின்னர் 4 மணி நேரம் சுழற்சி முறையிலும் பவர் கட் ஆகிறது. குறிப்பாக வட தமிழகம் இதில் முடங்கிப் போயுள்ளது.

சென்னையில் தினமும் ஒரு மணி நேரமும் புறநகர்களில் 2 மணிநேரம் வரையிலும் மின்வெட்டு அமலாக்கப்படுகிறது.

தொழிற்சாலைகளில் பாதிப்பு:

இதனால் மிக அதிகமாக பாதிக்கப்பட்டுள்ளது கோவை, திருப்பூர், ஈரோடு, காஞ்சிபுரம், சென்னை, திருவள்ளூர் உள்ளிட்ட மாவட்டங்களில் உள்ள தொழிற்சாலைகள், தொழில் நிறுவனங்கள், வர்த்தக நிறுவனங்கள்தான்.

பெரும் பாதிப்பு ஏற்பட்டுள்ளது. இதனால், பண்டிகை காலத்தில் மேற்கொள்ளப்படும், நாள்காட்டி, ஆயத்த ஆடைகள், வீட்டு உபயோக பொருட்கள் உள்ளிட்டவற்றின் உற்பத்தி பணிகள், மிகுந்த பாதிப்பு அடைந்துள்ளன.

லாந்தருக்கு மாறிய கிராமங்கள்

இரவு நேரங்களில் நீண்ட நேரம் மின்சாரமே இல்லாமல் போவதால், வேறு வழியின்றி மீண்டும் கிராமப்புறங்களில் லாந்தர், சிம்னி விளக்குகள் புழக்கத்துக்கு வந்துள்ளன.

ஏற்கெனவே பாசன வசதியில்லாமல் விவாசயம் பட்டுப் போன நிலையில், மின்சாரமும் இல்லாமல் போனதால் விவசாய வேலைகளும் முடங்கியுள்ளன.

இதற்கிடையே, மின்வெட்டோடு, விரைவில் மின் கட்டணத்தையும் தமிழக அரசு உயர்த்தவுள்ளது.

மின் கட்டணத்தை உயர்த்தச் சொல்லி தமிழக மின் வாரியம் சார்பில் கடந்த 17ம் தேதி, தமிழ்நாடு மின்சார ஒழுங்குமுறை ஆணையத்திடம் மனு தாக்கல் செய்யப்பட்டது. இது வரும் 25ம் தேதி, ஆணைய சேர்மன் கபிலன் முன் விசாரணைக்கு வருகிறது. மின் வாரியம் சார்பில் அதன் தலைவர் ராஜிவ் ரஞ்சன் ஆஜராகி விளக்கம் சொல்கிறார்.

அதற்குப் பிறகு மின் கட்டணத்தை அதிகரிக்க ஆணையம் அனுமதி வழங்கும் என்று தெரிகிறது.

மின்கட்டண உயர்வு தவிர்க்க முடியாதது என முன்கூட்டியே முதல்வர் ஜெயலலிதா விளக்கம் அளித்திருப்பது குறிப்பிடத்தக்கது.

உள்ளாட்சி: உன் வாழ்க்கை உன் கையில்!

October 17, 2011 by  
Filed under election, election 2011

உள்ளாட்சி: உன் வாழ்க்கை உன் கையில்!

ன் வாழ்க்கை உன் கையில் என்ற தத்துவத்துக்கு சரியான விளக்கம் உள்ளாட்சித் தேர்தலில் வாக்களிப்பதுதான்.

இந்தத் தேர்தலில் யாருக்கு வாக்களிக்க வேண்டும்?

யாருக்கு வேண்டுமானாலும் வாக்களிக்கலாம். அதற்கு முன் இந்தக் கேள்விக்கான பதில் உங்களுக்குத் தெரிந்தாக வேண்டும்.

தேர்தலில் வென்ற பிறகு, அந்த நபரை உங்களால் பார்க்க முடியுமா? பிரச்சினைகளை சொல்லி உரிமையுடன் தீர்த்து வைக்கக் கோர முடியுமா? இந்தக் கேள்விக்கு உங்கள் மனது ‘ஆம் முடியும்’ என்று பதில் தந்தால்… அவருக்கு ஓட்டுப் போடுங்கள்.

ஒரே ஊரில் அண்ணன் தம்பி மாமன் அக்காள் என நான்கு உறவுகளும் முட்டிக் கொண்டு நிற்கிறார்கள்… கட்சிகளின் பெயரில். இவர்களை கட்சி சார்ந்து தேர்வு செய்வதா… உறவு சார்ந்து தேர்ந்தெடுப்பதா…?

எதற்குக் குழப்பம்… இவர்களில் எவரால் அனைவரிடமும் இணக்கமாகப் போக முடிகிறதோ, அவருக்குப் போடுங்கள் வாக்குகளை. மனைவியை தேர்தலில் நிறுத்தி ஜெயிக்க வைத்து பின் அதிகாரத்தைக் கையிலெடுக்கத் திட்டமிடும் கயவர்களை அடியோடு புறக்கணியுங்கள். ஒப்பந்தப் புள்ளி வர்த்தகர்களை, கிராம – நகரசபைகளைவிட்டு விரட்டுங்கள்!

உள்ளாட்சித் தேர்தல் என்பது கட்சிகளின் பலத்தைப் பரிசோதிப்பதற்கான தேர்தல் அல்ல. அந்தந்தப் பகுதி மக்களின் பிரச்சினைகளை உடனுக்குடன் தீர்த்து வைக்கும் அல்லது தீர்வுக்காக வாதாடும் நபரை தேர்வு செய்வதற்கான தேர்தல். இவற்றில் பதவியில் அமரும் நபர்கள் எப்போதும் மக்களால் அணுகப்படுபவராக இருக்க வேண்டும்.

சொல்லப் போனால் மாநிலத்தில் அதிக அதிகாரமும், தங்கள் பகுதியின் வளர்ச்சியைத் தீர்மானிக்கிற சக்தியும் இந்த உள்ளாட்சி அமைப்புகளின் பிரதிநிதிகளுக்கே உள்ளன.

மாநகராட்சிகள் தவிர்த்த ஏனைய உள்ளாட்சிகளில், எந்த கட்சியின் பிரதிநிதியாக இருந்தாலும், அவரது அடிப்படை குணநலனை கருத்தில் கொண்டே வாக்களியுங்கள்.

மாநகராட்சிகள் மட்டும் நேரடி அரசியலுடன் தொடர்புடையவையாக இருப்பதால், எந்தக் கட்சி வேட்பாளர் அரசியல் ரீதியாகப் போராடி வென்று மக்களின் தேவைகளைப் பூர்த்தி செய்வார் என நம்புகிறீர்களோ அவர்களுக்கே வாக்களியுங்கள்!

ஆனால் வாக்களிக்காமல் மட்டும் இருந்துவிட வேண்டாம். உங்கள் கையில் இருப்பது வாக்குச் சீட்டு மட்டுமல்ல… வாழ்விடத்தை வளமிக்கதாக்கும் துருப்புச் சீட்டு!

தமிழக உள்ளாட்சி தேர்தல் நாள் அக்டோபர் 17 மற்றும் 19-2011
-என்வழி

முதல்வர் ஜெயலலிதாவின் நூறு நாள் ஆட்சி… ஒரு பார்வை!

August 25, 2011 by  
Filed under election, election 2011

முதல்வர் ஜெயலலிதாவின் நூறு நாள் ஆட்சி… ஒரு பார்வை!

மூன்றாவது முறையாக முதல்வராகியுள்ள ஜெயலலிதா தலைமையிலான அதிமுக ஆட்சி தனது 100 நாட்களை நிறைவு செய்துள்ளது.

சட்டசபைத் தேர்தலில் அதிமுக பெற்றது அசாதாரண வெற்றி. கணிப்புகளுக்கு அப்பாற்பட்ட முடிவை மக்கள் தந்திருந்தனர்.

கடந்த 100 நாட்களில் ஜெயலலிதா அரசு மிகப் பெரிய அளவிலான சாதனை எதையும் புரியவில்லை. மூன்று மாதங்களில் எந்த மேஜிக்கும் நிகழ்ந்துவிட முடியாதுதான் என்ற போதிலும், தான் தேர்தலுக்கு முன்பு அளித்த வாக்குறுதிகளை நிறைவேற்றுவதிலும், அதற்கான நிதி ஆதாரங்களைத் திரட்டுவதிலும் ஜெயலலிதா காட்டி வரும் முனைப்பு, இனிவரும் 5 ஆண்டுகளும் தொடர்ந்தால் தமிழகத்தின் திட்டங்கள் நடைமுறைக்கு வருவதில் எந்த சிக்கலுமே இருக்காது என்பதில் மாற்றுக் கருத்தில்லை.

விடாத மின்வெட்டு…

தேர்தலில் பெரிய பிரச்சினையாக முன் வைக்கப்பட்ட மின் பற்றாக்குறையைச் சீரமைக்கும் விஷயத்தில் இன்னும் ஜெயலலிதா அரசு பெரிதாக எதையும் சாதிக்கவில்லை. சொல்லப் போனால் சென்னை உள்ளிட்ட நகரங்களில் இப்போதுதான் மிக அதிகமாக மின்வெட்டு அமலில் உள்ளது.

மின்வெட்டு நேரம் போக, அவ்வப்போது சொல்லாமல் கொள்ளாமல் மின்சாரத்தை நிறுத்திவிடுகிறார்கள். இந்த நிலை சீராக எத்தனை நாட்கள் தேவைப்படும் என்றும் தெரியவில்லை.

இனி வரும் ஆண்டுகளில் செயல்படப்போகும் புதிய மின் உற்பத்தி நிலையங்கள்தான் இந்தப் பிரச்சினைக்கு தீர்வாக அமையும். 2012 இறுதிவரை இப்போதுள்ள நிலைதான் நீடிக்கும் என்கிறார் மின் துறை அமைச்சக அதிகாரியொருவர்.

சமச்சீர் கல்வி சறுக்கல்

இந்த நூறு நாட்களில் ஜெயலலிதா அரசு மீதான மிகப்பெரிய அதிருப்தி மாணவர்களின் கல்வி விஷயத்தில் அவர் காட்டிய அலட்சியப் போக்கு. தன் பிடிவாதத்தை மட்டுமே முக்கியமெனக் கருதிய அவர், இரண்டு மாதங்கள் மாணவர்களை வெறுமனே பள்ளிக்கு அனுப்பும் சூழலை ஏற்படுத்தினார். இதோ இன்று வரை பல தனியார் பள்ளிகளில் புத்தகங்கள் வழங்கப்படவில்லை. சில பள்ளிகள் மெட்ரிகுலேஷன் பாடத்திட்ட புத்தகங்களையே கொடுத்து பாடமும் நடத்திக் கொண்டிருக்கிறார்கள்.

சென்னை மற்றும் அதன் சுற்றுப்புறங்களில் 50-க்கும் மேற்பட்ட பள்ளிகள் உச்சநீதிமன்ற உத்தரவை இன்றுவரை சட்டை செய்யவே இல்லை. அரசுத் தரப்பில் இதுகுறித்த கடுமையான உத்தரவு இல்லை என்பதாலேயே இந்த நிலை.

புதிய தலைமைச் செயலக விவகாரம் தொடங்கி, தமிழ்ப் புத்தாண்டை தையிலிருந்து சித்திரைக்கு மாற்றியது என பல விஷயத்திலும் ஜெயலலிதாவின் நோக்கம் கருணாநிதி அறிவித்த திட்டங்களை மாற்றுவது, ரத்து செய்வது அல்லது வேறு பெயர் வைப்பது என்பதாகத்தான் உள்ளது. அதிமுகவுக்கு கிடைத்த அசாதாரண வெற்றி இந்த மாதிரி அற்ப காரியங்களைச் செய்வதற்கல்ல என்பதை முதல்வருக்கு யார்தான் எடுத்துச் சொல்லப் போகிறார்களோ…

இந்த விஷயத்தில் கோட்டை நிருபர்களில் பெரும்பாலானோர் ஓ பன்னீர் செல்வத்தின் உறவுக்காரர்கள் மாதிரியே நடந்து கொள்வதை எண்ணி சிரிப்பதா வேதனைப்படுவதா தெரியவில்லை (நமக்கு வாய்ப்பு வந்தபோது இரண்டு கேள்விகள் கேட்டேன். நீங்கள் எந்தப் பத்திரிகை என்று கேட்டுதான் அவர் பதிலே அளித்தார். சமச்சீர்கல்வி, புதிய தலைமைச் செயலகம் தொடர்பான அந்த இரண்டு கேள்விகளுக்குமே திமுக மீது பழியைப் போட்டுவிட்டார்).

ஜெயேந்திரரின் முகத்திரையை கிழித்தெறிந்த ஜெயலலிதா தலைமையிலான அரசு, நித்யானந்தா போன்ற கயவர்களுக்கு துணை நிற்பது போன்ற தோற்றம் ஏற்படுவது நல்லதல்ல.

ஜெ… ப்ளஸ்கள்!

இவற்றைத் தவிர்த்துவிட்டு ப்ளஸ்கள் என்று பார்த்தால்… பரவாயில்லை என்று திருப்திப்படும் அளவுக்கு இருப்பதையும் குறிப்பிட்டாக வேண்டும்.

முதல் ப்ளஸ்… வேளைக்கொரு மேடை என்று ஏறி, போலிப் புகழ்ச்சியில் மயங்கிக் கிடக்காமல் மக்கள் பணியில் கவனம் செலுத்துவது. இன்னும் 5 ஆண்டுகளுக்கு முதல்வர் இதே போக்கை கடைப்பிடித்தால் கூட தப்பில்லை.

ஜெயலலிதாவின் நம்ப முடியாத எளிமையும்,  உதவி நாடி வருபவர்களிடம் காட்டும் பரிவான அணுகுமுறையும் இன்னொரு ப்ளஸ்.

இலங்கையை நடுங்க வைத்த துணிச்சல்

இலங்கைத் தமிழர்களை கொன்றழித்த சிங்கள இனவாத அரசு மீ்து கடும் பொருளாதாரத் தடை விதிக்க வேண்டும் என்று கூறி ஜெயலலிதா சட்டசபையில் தீர்மானம் கொண்டு வந்து ஒருமனதாக நிறைவேற்றியது உண்மையிலேயே மிகப் பெரிய விஷயம்.  இந்த தீர்மானத்தால் இன்று இலங்கை அரசு பெரும் பீதிக்குள்ளாகியுள்ளது என்பதே உண்மை. அதற்காக ஒரு பக்கம் ஜெயலலிதாவை திட்டிக் கொண்டே, மறுபக்கம் கொழும்புக்கு வாங்க வாங்க என விழுந்து விழுந்து கூப்பிடுகிறது சிங்கள அரசு.

ஆனால் இலங்கைத் தமிழர் விவகாரத்தில் முன்பை விட இன்னும் வலுவாக குரல் கொடுத்து வரும் முதல்வர், சிங்கள இனவாதத்தின் உண்மையான முகத்தைப் புரிந்து கொண்டுவிட்டதாகவே தெரிகிறது.

தமிழகத்தின் அடிப்படைக் கட்டமைப்பு வசதிகள் மோசமாக உள்ளதாக ஜெயலலிதாவே கூறியுள்ளார். கடந்த திமுக ஆட்சியின்போது இவை சீர்குலைக்கப்பட்டதாக கூறியுள்ள அவர் அவற்றை மேம்படுத்தும் பணியில் ஈடுபட்டுள்ளதை பல இடங்களில் பார்க்க முடிந்தது. மழைக்காலம் தொடங்கும் முன் அவசரமாக செய்ய வேண்டிய மராமத்துகள், சாலை செப்பனிடல்களை முடித்தால் நன்றாக இருக்கும்.

புதிய தலைமைச் செயலகம்…

கடந்த 100 நாட்களில் ஜெயலலிதா வெளியிட்ட அதிரடி அறிவிப்புகளில் முக்கியமானது புதிய தலைமைச் செயலக கட்டடத்தை பிரமாண்ட அரசு மருத்துவமனையாக்கப் போவது என்பது. இந்த வளாகத்தில் ஒரு பகுதியை அரசு மருத்துவமனையாகவும், இன்னொரு பகுதியை மருத்துவக் கல்லூரியாகவும் மாற்றவுள்ளதாக ஜெயலலிதா அறிவித்துள்ளார். இதற்கு பெரும்பாலானோர் வரவேற்பு தெரிவித்துள்ளனர்.

சொல்லப் போனால், இப்படி வீணாக்கிட்டாங்களே மக்கள் பணத்தை என்று குற்றம்சாட்டியவர்கள், பரவாயில்லை மருத்துவக் கல்லூரி வருவதும் நல்லதுதான் என்கிறார்கள். ஒருவேளை மீண்டும் திமுக பதவிக்கு வந்தால் கூட இந்தக் கட்டிடம் உதவக்கூடாது என்பது ஜெயலலிதாவின் எண்ணம். நம்மைப் பொறுத்தவரை, உலகத் தரத்தில் இந்த மருத்துவமனையும் கல்லூரியும் செயல்பட்டால் நல்லதுதான்!

சினிமா துறையில் இப்போது யாருடைய தனிப்பட்ட ஆதிக்கமும் இல்லாததால், அவரவர் இஷ்டப்படி சுதந்திரமாக தங்கள் வேலையைப் பார்க்கிறார்கள். அதேநேரம் ஆளுங்கட்சிக்கு நான் நெருக்கமானவனாக்கும் என்ற பந்தா காட்டும் சிலரும் இருக்கத்தான் செய்கிறார்கள். இவர்கள் திருந்தாத ஜென்மங்கள். எல்லோருடைய ஆட்சிக்குமே இருக்கும் சாபக்கேடுகள்.

அதிருப்தி இல்லை…

முதல்வர் ஜெயலலிதாவின் முதல் 100 நாட்களில் மக்களிடமிருந்து பெரிய அளவில் குற்றச்சாட்டுக்கள் இல்லை என்பது மிக முக்கியமானது. சமச்சீர்கல்வித் திட்டம் தொடர்பான அதிருப்தியைத் தவிர முதல்வர் ஜெயலலிதாவும், அவரது அரசும் வேறு எந்த அதிருப்தியையும் இதுவரை சம்பாதிக்கவில்லை.

சட்டம் ஒழுங்கு நிலை பொதுவாக சீராகவே உள்ளது என்றபோதிலும், சங்கிலிப் பறிப்புச் சம்பவங்கள் பெருமளவில் அதிகரித்துள்ளன. குறிப்பாக சென்னையில் பட்டப் பகலிலேயே சங்கிலிப் பறிப்பில் ஈடுபடுவோர் அதிகரித்துள்ளனர். இதை அடியோடு ஒழிக்க முதல்வர் ஜெயலலிதாவின் அரசு கடும் நடவடிக்கை எடுக்க வேண்டும் என்பது மக்களின் எதிர்பார்ப்பு.

அதேபோல தனியார் பள்ளிகள் விவகாரத்தில் தற்போது முதல்வர் நீக்குப் போக்காக நடந்து கொள்வதாக ஒரு குமுறல் உள்ளது. இதையும் முதல்வர் சரி செய்ய வேண்டும். கட்டணக் கொள்ளை நடத்தும் பள்ளிகள் மீது இரும்புக் கரம் கொண்டு அதிமுக அரசு நடவடிக்கை எடுக்க வேண்டும் என்று பெற்றோர்கள் எதிர்பார்க்கிறார்கள்.

முதல் 100 நாட்களை பெரிய அளவில் பிரச்சினை இன்றி முதல்வர் ஜெயலலிதாவும், அதிமுக அரசும் கடந்துள்ளன. இனி வரும் நாட்களில் மக்களின் அத்தனை தேவைகளையும் பூர்த்தி செய்யும் வகையில் அதிமுக அரசு தொடர்ந்து ஆக்கப்பூர்வமாக செயல்படும் என்று எதிர்பார்ப்போம்… அதற்கு மத்திய அரசும் துணை நிற்க வேண்டும், அரசியல் மாச்சரியங்கள் கடந்து!

தமிழர்கள் யாரிடமும் கையேந்தாத நிலையை நான் உருவாக்குவேன் என்று நேற்று சட்டசபையில் முதல்வர் ஜெயலலிதா உறுதியாகக் கூறினார். அவரது இப்போதைய அணுகுமுறை தொடர்ந்தால் (ஒரு சில தவிர்த்து), அது ஓரளவு சாத்தியமாகும் வாய்ப்புள்ளது.  பார்க்கலாம்!

-வினோ

தமிழகத்தைப் பிரிக்க வேண்டும் என்ற பேச்சுக்கே இடமில்லை! – கருணாநிதி

December 14, 2009 by  
Filed under General

பிரிவினைக்கெல்லாம் இங்கே இடமில்லை! – கருணாநிதி

சென்னை: தமிழகத்தை இரண்டாகப் பிரிக்க வேண்டும் என்ற CM-Libraryபேச்சுக்கே இடமில்லை என்றும், இங்கே அப்படி பிரிவினைக் கேட்பவர் யாருமில்லை என்றும் முதல்வர் கருணாநிதி கூறியுள்ளார்.

மேலும் தனி தெலுங்கான அறிவிக்கப்பட்டது மற்றும் அதைத் தொடர்ந்து எழுந்துள்ள வன்முறைப் போராட்டம் குறித்துப் பேசுகையில், மத்திய அரசு தாமதமாக அறிவித்து, அவசரமாக ஒரு முடிவை எடுத்துள்ளது என்றார்.

சென்னை கோட்டூர்புரத்தில் தமிழக அரசு பிரமாண்டமாக ரூ.165.76 கோடி மதிப்பில் 8 ஏக்கர் நிலப்பரப்பில் உருவாக்கி வரும் இந்த நூலகம் 8 மாடிகளை கொண்டது. பல நவீன வசதிகள் கொண்ட இந்த நூலகப் பணிகளை முதல்வர் கருணாநிதி நேற்று நேரில் சென்று பார்வையிட்டார்.

பின்னர் அவரிடம் நிருபர்கள் கேட்ட கேள்விகள், அதற்கு அவர் அளித்த பதில்கள் விவரம்:

கேள்வி: தனி தெலுங்கானா பிரச்சினையில் ஆந்திராவில் ஒரே வன்முறை தலைவிரித்தாடுகிறதே? மத்திய அரசு இந்த பிரச்சினையை சரியாக கையாள வில்லை என்று நினைக்கிறீர்களா?

பதில்: தாமதமான அறிவிப்பும், அதைத்தொடர்ந்து அவசரமான முடிவும் எடுக்கக்கூடாது என்பதை இதிலிருந்து புரிந்து கொள்ள முடிகிறது.

கேள்வி: தமிழகத்தையும் இது போல பிரிக்க வேண்டும் என்று சிலர் சொல்வதைப் பற்றி?

பதில்: அதற்கெல்லாம் இங்கே இடம் இல்லை. அப்படிப்பட்ட ஒரு கருத்து திராவிட முன்னேற்ற கழகத்திலும் இல்லை. தமிழ்நாட்டு மக்களுக்கும் இல்லை…, என்றார் கருணாநிதி.

ராமதாஸ் மீண்டும் கோரிக்கை…

முதல்வர் இப்படி அறிவிப்பதற்கு முன்பே பாமக நிறுவன தலைவர் மருத்துவர் ராமதாஸ், தமிழகத்தைப் பிரிக்க வேண்டும் என கோரிக்கை விடுத்திருந்தார்.

தனது கோரிக்கையில், “தமிழ்நாட்டை இரு தனித்தனி தமிழ் மாநிலங்களாகப் பிரிக்க வேண்டும் என நான் பல முறை கோரிக்கை விடுத்துள்ளேன். ஆனால் அதற்கு யாரும் செவி சாய்க்கவில்லை. இப்போது உண்மையிலேயே மாநிலம் பிரிக்கப்பட வேண்டிய கட்டாயத்தில் உள்ளது. தென் தமிழகம் அனைத்துத் துறைகளிலும் ஓரளவுக்காவது முன்னேற இந்தப் பிரிவினை தேவை” என்றார்.

ஓய்வுக்கே ஓய்வு கொடுப்பவர் கருணாநிதி! – முக ஸ்டாலின்

December 8, 2009 by  
Filed under General

அரசியலிலிருந்து கருணாநிதி ஓய்வு பெறக் கூடாது!- முக ஸ்டாலின்

சென்னை: முதல்வர் கருணாநிதி அரசியலிலிருந்து ஓய்வு ind2பெறக்கூடாது. ஓய்வுக்கே ஓய்வு கொடுப்பவர் அவர்” என்று துணை முதல்வர் மு க ஸ்டாலின் கூறியுள்ளார்.

சமீபத்தில் ஒரு விழாவில் பேசிய முதல்வர் கருணாநிதி, கோவை உலகத் தமிழ் செம்மொழி மாநாடு முடிந்த பிறகு ‘அரசியலில் இருந்து ஓய்வு பெற்று பொதுமக்களில் ஒருவராக இருப்பேன்’ என்று கூறினார்.

இதுபற்றி மீடியா பரபரப்பாகப் பேசினாலும், திமுக வட்டாரத்தில் பெரிதாக அலட்டிக் கொள்ளவில்லை.

திமுக ஆதரவு கட்சிக்காரர்களில் ஆர்எம் வீரப்பன் மட்டும் கருணாநிதி ஓய்வு பெறக்கூடாது என்று பேசினார்.

இந்த நிலையில் கூவம் ஆற்றை தூய்மைப்படுத்தும் பணி குறித்து நேரில் ஆய்வு செய்வதற்காக, துணை முதல்வர் மு.க. ஸ்டாலின் இன்று (செவ்வாய்க்கிழமை) எழும்பூரில் உள்ள கூவம் ஆற்றில் நடைபெறும் சீரமைப்பு பணியை நேரில் பார்த்தார்.

அப்போது பத்திரிகையாளர்கள் ஸ்டாலிடம், “முதல்வர் கருணாநிதி உலகத் தமிழ் செம்மொழி மாநாடு முடிந்த பிறகு, அரசியலில் இருந்து ஓய்வு பெறப்போவதாக அறிவித்து இருக்கிறாரே.. இதுபற்றி உங்கள் கருத்து என்ன?” என்று கேட்டனர்.

உடனே சட்டென்று பதிலளித்த மு.க.ஸ்டாலின், “ஓய்வுக்கே ஓய்வு கொடுப்பவர் அவர். அவரால் ஓய்வு பெற முடியாது. அரசியலில் இருந்து அவர் ஓய்வு பெறக்கூடாது என்பதுதான் எங்கள் விருப்பம்” என்றார்.

கருணாநிதி ஓய்வு பெற்றால் அடுத்த முதல்வர் நீங்கள்தானே? என்ற இன்னொரு கேள்விக்கு மட்டும் அவர் நேரடியாக பதில் சொல்லவில்லை. ‘ஊகங்கள் அடிப்படையில் எதையும் பேசக்கூடாது’ என்றார்.

தமிழரை விடுவிக்கக் கோரி லயோலா கல்லூரி மாணவர்கள் ஆர்ப்பாட்டம்!

September 15, 2009 by  
Filed under General

தமிழரை விடுவிக்கக் கோரி லயோலா கல்லூரி மாணவர்கள் ஆர்ப்பாட்டம்!

சென்னை: வன்னி தடுப்பு முகாம்களில் அடைத்து வைக்கப்பட்டுள்ள சுமார் மூன்று லட்சம் தமிழ் மக்களையும் உடனடியாக விடுவிக்க வேண்டும் என்றும் அவர்களுக்கான முழு உரிமைகளும் வழங்கப்பட வேண்டும் என்றும் கோரி சென்னை லயோலா கல்லூரி மாணவர்கள் போராட்டம் நடத்தினர்.

chennai_20090914004

‘இலங்கைத் தமிழர் உரிமைகளுக்குக் குரல் கொடுப்போம், உதவிக் கரம் நீட்டுவோம்’ என்ற முழக்கத்துடன் அம்மாணவர்கள் இந்த போராட்டத்தில் திங்கள்கிழமை ஈடுபட்டனர்.

லயோலாக் கல்லூரி மாணவர் ஒன்றியம் இதற்கு ஏற்பாடு செய்திருந்தது. ஒரு மணி நேரம் நடந்த இந்த ஆர்ப்பாட்டத்தில் ஆயிரக்கணக்கான மாணவர்கள் கலந்துகொண்டனர்.

ஆர்ப்பாட்டத்தின் தொடக்கத்தில் அருட்தந்தை ஜெகத் கஸ்பார் இலங்கையின் வடபகுதியில் முகாம்களில் அடைக்கப்பட்டுள்ள மக்களின் நிலை தொடர்பாக மாணவர்களுக்கு விரிவாக எடுத்துக் கூறியதுடன், ஈழத் தமிழர்களின் விடிவுக்காக தமிழ் மாணவர்கள் மற்றும் தாயகத் தமிழர்கள் மேற்கொள்ள வேண்டிய நடவடிக்கைகள் தொடர்பாகவும் விளக்கினார்.

அதன் பின்னர் கல்லூரி முன்றலில் மாணவர்கள் மற்றும் ஆசிரியர்கள் ஒருரோடு ஒருவர் கைகோர்த்து நின்று மனிதச் சங்கிலிப் போராட்டத்திலும் ஈடுபட்டனர்.

“உடைமை இழந்து வந்தவர்களின் உயிரையும் வதைப்பதா”

“தமிழர் உரிமையை நிலைநாட்டு”

“புத்தம் பேசும் சிங்களரே யுத்தம் புத்தம் சொன்னதா”

“ஐ.நா. சபையே தலையீடு செய்”

“இந்திய அரசே, ஈழத் தமிழர்களுக்கு நிவாரணம் கொடு”

“தமிழக அரசே, தமிழனை இழிவுபடுத்தாதே”

போன்ற முழக்கங்கள் அடங்கிய பதாகைகளை மாணவர்கள் தாங்கியிருந்தார்கள்.

ஈழத் தமிழர்களின் அவல நிலை தொடர்பாக மக்களுக்கு விழிப்புணர்வு ஏற்படுத்தும் நோக்குடன், வீதியில் சென்ற மக்களுக்கு “எங்களைக் காத்திடுங்கள்” என்ற தலைப்பில் அமைந்த துண்டுப் பிரசுரங்களையும் விநியோகித்தார்கள்.

அதில் இலங்கைத் தமிழர்களின் பூர்வீக வரலாறு, இலங்கைத் தமிழரின் இன்றைய நிலை, உள்நாட்டிலேயே அகதிகளான (முகாம்) மக்களின் நிலை, உடனடி நடவடிக்கைகளுக்கான கோரிக்கைகள் என்பன விளக்கப்பட்டிருந்தன.

மேலும் ஈழத் தமிழர்களுக்கு உதவி செய்யவேண்டி நிதி சேகரிக்கும் பணியை இந்திய ஏசு சபையினர் தொடங்கியுள்ளனர்.

“மனித மாண்பும் நியாயமான உரிமைகளும் இழந்து, உடல் மன ரீதியாகப் பாதிக்கப்பட்டு அவதியுறும் நம் தமிழ்ச் சொந்தங்களுக்கு உதவிக் கரம் நீட்டுவோம். தாராள நிதி உதவி செய்திடுவோம்” என ஏசு சபையினர் கோரிக்கை விடுத்துள்ளனர்.

உதவிகளை பொருளாளர், நிவாரண சீரமைப்பு பணி, லயோலா கல்லூரி, சென்னை – 600034 என்ற முகவரிக்கு அனுப்பி வைக்கலாம்.

லயோலா கல்லூரியை ஏசு சபையினர்தான் நடத்தி வருகின்றனர் என்பது குறிப்பிடத்தக்கது.

ஸ்ரீவைகுண்டத்தில் காங். 31,379 ஓட்டு வித்தியாசத்தில் வெற்றி

August 21, 2009 by  
Filed under election

ஸ்ரீவைகுண்டத்தில் காங். 31,379 ஓட்டு வித்தியாசத்தில் வெற்றி

ஸ்ரீவைகுண்டம் சட்டமன்றத் தொகுதியில் திமுக கூட்டணியின் காங்கிரஸ் வேட்பாளர் சுடலையாண்டி அமோக வெற்றி பெற்றுள்ளார்.

31,379 வாக்குகள் வித்தியாசத்தில் அவர் தன்னை எதிர்த்துப் போட்டியிட்ட தேமுதிக வேட்பாளர்  சவுந்திர பாண்டியைத் தோற்கடித்தார். அவர் பெற்ற வாக்குகள் 53827.

தேமுதிகவுக்கு 22468 வாக்குகள் கிடைத்தன.

இந்தத் தொகுதியில் போட்டியிட்ட இ கம்யூனிஸ்ட்  3407 வாக்குகள் மட்டும் பெற்றது.

பிஜேபி 1797 வாக்குகள் பெற்றது.

மொத்தம் பதிவான வாக்குகள்: 84,501 வாக்குகள்.

மற்ற தொகுதிகள் நிலவரம்:

கம்பம் – திமுக-53,229, தேமுதிக-16,784

தொண்டாமுத்தூர் – காங்.-51488, தேமுதிக-17,944, கொமுக – 7793

பர்கூர் – திமுக -50,234, தேமுதிக -16,281

இளையாங்குடி – திமுக-19,856, தேமுதிக – 5716


அந்தமானில் 7.7 ரிக்டர் நிலநடுக்கம்; சென்னை உள்ளிட்ட தமிழகப் பகுதிகளிலும் பாதிப்பு!

August 11, 2009 by  
Filed under General

அந்தமானில் 7.7 ரிக்டர் நிலநடுக்கம்; சென்னை உள்ளிட்ட தமிழகப் பகுதிகளிலும் பாதிப்பு!

சென்னை: அந்தமான் கடல் பகுதியில் கடும் நிலநடுக்கம் ஏற்பட்டது. earthquakeஇதனால் அங்கு பெருத்த சேதம் ஏற்பட்டுள்ளது. சென்னை உள்ளிட்ட தமிழக கடலோர மாவட்டங்களிலும் நிலநடுக்கம் ஏற்பட்டது. இதனால் நாகை, கடலூர் மாவட்டங்களில் சுனாமி எச்சரிக்கை விடப்பட்டு பின்னர் திரும்பப் பெறப்பட்டது.

நேற்று நள்ளிரவுக்கு மேல் 1.26 மணியளவில் போர்ட் பிளேருக்கு வடக்கே கடும் நிலநடுக்கம் ஏற்பட்டது. ரிக்டர் அளவுகோலில் இது 7.7 ஆக பதிவாகியிருந்தது.

அதிகபட்ச நிலநடுக்கம் இது.

இதனால் அந்தமான் முழுவதும் மக்கள் பீதியடைந்து வீடுகளை விட்டு வெளியே ஓடி வந்தனர். வீடுகளில் உள்ள பொருட்கள் கீழே விழுந்து உடைந்தன. கட்டடங்களும் ஆடியதால் மக்கள் பெரும் பீதியடைந்தனர். இருப்பினும் அந்தமான் நிர்வாகம் சுனாமி எச்சரிக்கை எதையும் பிறப்பிக்கவில்லை. விடிய விடிய மக்கள் தெருக்களிலேயே குழுமியிருந்தனர். சேத விவரம் இன்னும் முழுமையாகத் தெரியவில்லை. இருப்பினும் உயிரிழப்பு எதுவும் இல்லை என்று தெரிகிறது.

தமிழக கடலோர மாவட்டங்களில்…

தமிழகத்தில் கடலோர மாவட்டங்களில் நிலநடுக்கம் உணரப்பட்டது. கன்னியாகுமரி, தூத்துக்குடி, நாகப்பட்டனம், கடலூர், காஞ்சிபுரம், சென்னை உள்பட அனைத்துப் பகுதிகளிலும் நிலநடுக்கம் உணரப்பட்டது.

சென்னை நகரில் மயிலாப்பூர், அண்ணா நகர், பெசன்ட் நகர், நுங்கம்பாக்கம், தி.நகர், மடிப்பாக்கம், திருவான்மியூர், கொட்டிவாக்கம், திரு.வி.க.நகர், திருவொற்றியூர் உள்பட பல பகுதிகளிலும் நிலநடுக்கம் உணரப்பட்டது.

வீடுகள் மற்றும் பொருட்கள் ஆடின. இதனால் மக்கள் பீதியடைந்து வீடுகளை விட்டு வெளியேறினர். பீதி காரணமாக, அடுக்குமாடிக் குடியிருப்புகளில் வசித்து வருவோர் வீடுகளை விட்டு வெளியே வந்தனர்.

ஆனால் வெளியில் வந்தால் கன மழை பெய்து கொண்டிருந்தது. இதனால் வெளியிலும் இருக்க முடியாமல், வீட்டுக்குள்ளும் இருக்க பயமாக இருந்ததால் மக்கள் பெரும் அவதியடைந்தனர்.

நாகையில் சுனாமி எச்சரிக்கை விடப்பட்டு பின்னர் திரும்பப் பெறப்பட்டது.

ஹைதராபாத்திலும் இந்த நிலநடுக்கம் உணரப்பட்டுள்ளது.

ப்ளாஷ்பேக்: ‘அரசியலுக்கு நல்லவங்கதான் வேணும்; வல்லவங்க அவசியல்லை!’

July 30, 2009 by  
Filed under Fans Activities

ஏன் அரசியலுக்கு வரவேண்டும்? – பிரபல தொழிலதிபர் சொன்ன விளக்கம்!

எம்வி என்று அழைக்கப்பட்ட காலம் சென்ற தொழிலதிபர் எம் வி fasting-for-cauvery-water-32அருணாச்சலம் முருகப்பா குழுமத்தின் தலைவராக இருந்தவர். அனைத்து அரசியல்வாதிகளையும் நன்கு அறிந்தவர்.

ஒருமுறை திரைப்பட தயாரிப்பாளர் ஏவிஎம் சரவணனிடம் அவர் இப்படிக் கூறியுள்ளார்:

“சரவணன், நீங்க சொன்னா ரஜினி கேப்பார்… அவரை தயவு செய்து அரசியலுக்கு வரச் சொல்லுங்கள்..”, என்றாராம்.

அதற்கு சரவணன், “ரஜினி நல்ல மனிதர். ஆனா அவருக்கு பாலிடிக்ஸ் தெரியாது. அவரது மனப்போக்குக்கு பாலிடிக்ஸ் ஒத்து வராது!”, என்று பதில் கூறியுள்ளார்.

உடனே, “பாலிடிக்ஸ் தெரியாவிட்டாலும் தப்பில்லை. இன்னிக்கு நம்ம நாட்டு அரசியலுக்கு நல்லவங்க வரணும். அவங்க வல்லவங்களா இருக்க வேண்டிய அவசியமில்லை. வல்லவங்க ஆலோசனைக் கேட்டு நல்லவங்களால சிறப்பாக ஆள முடியும்” என்றாராம் எம் அருணாச்சலம்.

குமுதம் இதழின் தீபாவளி சிறப்பிதழில் (14.11.1996) வெளியான தனது அனுபவ கட்டுரையில் இதைக் குறிப்பிட்டிருந்தார் ஏவிஎம் சரவணன்.

ரசிகர்களான நாம், ரஜினி அரசியலுக்கு வரவேண்டும் என்று எதிர்பார்ப்பது போல,  எப்படிப்பட்ட பெரிய மனிதர்களெல்லாம் ரஜினி அரசியலுக்கு வரவேண்டும் என விரும்பியிருக்கிறார்கள் / விரும்புகிறார்கள் என்பதை நினைக்கையில் ரஜினி மீதான நம் மரியாதை பல மடங்கு கூடுகிறது. ரஜினி ரசிகனாக பெருமையாகவும் உள்ளது.

இதனை ‘என்வழி ‘ நண்பர்களுடன் பகிர்ந்து கொள்வதில் மிகுந்த மகிழ்ச்சி அடைகிறேன்.

அந்தக் கட்டுரை வெளியான குமுதம் பக்கம் (14.11.1996):

rajini
-ஆர் வி சரவணன்

kmrvsaravanan@hotmail.com

30 நதிகளை இணைப்பது சாத்தியமே: ஆய்வறிக்கை தாக்கல்

July 20, 2009 by  
Filed under General

நதி நீர் இணைப்பு: முதல் கட்ட ஆய்வறிக்கையை சமர்பித்தது நதிநீர் மேம்பாட்டு அமைப்பு!

டெல்லி: இந்தியாவின் பல பிரச்சினைகளுக்கு தீர்வாக அமையக்கூடிய நதிநீர் இணைப்பு பற்றிய பூர்வாங்க வேலையின் முதல் படிக்கு இப்போதுதான் வந்துள்ளது இந்திய அரசு.

கோப்புப் படம்

கோப்புப் படம்

மத்திய அரசு கேட்டுக் கொண்டதற்கிணங்க, நதி நீர் இணைப்பு குறித்த ஒரு ஆரம்பகட்ட ஆய்வறிக்கையை தயார் செய்து அளித்துள்ளது தேசிய நீர் மேம்பாட்டு அமைப்பு.

இந்தியாவில் 30 முக்கிய நதிகளை இணைப்பதற்கான சாத்தியக் கூறுகள் இருப்பதாக இந்த அமைப்பு தனது அறிக்கையில் தெரிவித்துள்ளது. இதனை மத்திய நீர்வளத் துறை அமைச்சகத்திடம் தாக்கல் செய்துள்ளது.

கடந்த பாஜக ஆட்சியின்போது நதிகள் இணைப்பு தொடர்பான ஆய்வுகள் தொடங்கின. சென்னையில் காவிரி நதி நீர் பிரச்சினை தொடர்பாக சூப்பர் ஸ்டார் ரஜினிகாந்த் உண்ணாவிரதமிருந்தார். அப்போது நதி நீர் இணைப்புதான் அனைத்துப் பிரச்சினைகளுக்கு பெரிய தீர்வு என வலியுறுத்தியவர், அந்த முக்கியத்துவத்தை நச்சென்று புரிய வைக்கும் விதத்தில், நதிநீர் இணைப்புத் திட்டம் நடைமுறைக்கு வந்தால், முதல் ஆளாக தானே ரூ.1 கோடி நிதி தருவேன் என்றும், மேலும் அதற்கான பல முயற்சிகளின் பங்கேற்க முன்வருவதாகவும் கூறினார்.

அதைத் தொடர்ந்து, அன்றைய பிரதமர் வாஜ்பாயை அவரது இல்லத்தில் சந்தித்து நதி நீர் இணைப்பின் முக்கியத்துவத்தை வலியுறுத்தினார்.

இதற்கு பல ஆண்டுகள் முன்பே நதி நீர் இணைப்பு குறித்து மத்தியில் அமைந்த பல்வேறு அரசுகள் பேசி வந்தாலும், இந்த சந்திப்புக்குப் பிறகு, நதி நீர் இணைப்பு குறித்த பேச்சுகள் தீவிரமடைந்தன.

இதற்காக தேசிய நீர் மேம்பாட்டு அமைப்பு (National Water Development Agency-NWDA) உருவாக்கப்பட்டு நாட்டின் நதிகளை இணைப்பதற்கான சாத்தியக்கூறுகள் குறித்து ஆராய உத்தரவிடப்பட்டது. இதற்கென அப்போது ரூ.5 லட்சம் கோடிகள் செலவாகும் என மத்திய அரசு மதிப்பிட்டது.  இதுகுறித்த முறையான அறிவிப்பினையும் வாஜ்பாய் அரசு வெளியிட்டது.

river-link-map

ஆனால் உடனடியாக இந்த பூர்வாங்க ஆய்வு முடிந்தபாடில்லை.

இந்த ஆய்வை முடிக்க தேசிய நீர் மேம்பாட்டு அமைப்பு 7 ஆண்டுகளை எடுத்துக் கொண்டது. அதற்குள் மூன்று அரசுகள் மாறிவிட்டன. திட்டமதிப்பும் எக்கச்சக்கமாக உயர்ந்துள்ளது.

நாட்டின் 30 முக்கிய நதிகளை இணைக்க சாத்தியக்கூறுகள் இருப்பது இதன் ஆய்வில் தெரியவந்துள்ளது நீர் மேம்பாட்டு அமைப்பு.

இந்த ஆய்வறிக்கையின்படி, இமயமலையை சேர்ந்த 14 ஆறுகளையும், தென்னிந்தியாவில் உள்ள 16 ஆறுகளையும் இணைக்கலாம் என்று தெரிவிக்கப்பட்டுள்ளது.

குறிப்பாக கேன்-பேட்வா நதிகளை இணைப்பது குறித்த விரிவான திட்ட அறிக்கையை சமர்ப்பித்துள்ளது.Cauvery

இமயமலையை சேர்ந்த 14 நதிகளில் கோசி-மெச்சி, கோசி-காக்ரா, காக்ரா-யமுனா, கங்கை-கண்டாக், யமுனா-சாரதா, யமுனா-ராஜதான், மானஸ்-சந்தோஸ்-தீஸ்தா-கங்கா ஆகியவை முக்கியமானவை.

காவிரியும் வைகையும்

அதுபோல தென்னிந்தியாவை பொறுத்தவரை மகாநதி-கோதாவரி நதிகளும், கோதாவரி-கிருஷ்ணா நதிகளை இணைக்க முடியும் என்றும் அதில் கோதாவரி-கிருஷ்ணா ஆகிய இரண்டு ஆறுகளும் மூன்று இடங்களில் இணைக்கப்படலாம் என்றும் அறிக்கையில் கூறப்பட்டுள்ளது.

ஸ்ரீ சைலத்தில் கிருஷ்ணா நதியுடன் பெண்ணாறு நதியை இணைக்கலாம். சோமசீலம் மற்றும் கிராண்டு அனிகட் ஆகிய இடங்களில் பெண்ணாறு, காவிரி ஆறு ஆகியவற்றை இணைக்கலாம்.

கட்டளை மற்றும் குண்டாறு ஆகியவற்றுடன் காவிரி-வைகை ஆறுகளை இணைக்கலாம்.

பம்பா-அச்சன்கோவில்-வைப்பாறு, நேத்ராவதி-ஹேமாவதி, பேட்தி-வாரதா ஆகியவையும் இணைப்புக்கு சாத்தியமான ஆறுகளே என இந்த திட்ட அறிக்கையில் கூறப்பட்டுள்ளது.

அதிக கல்விக் கட்டணம்: தமிழக அரசு புதிய சட்டம்!

June 23, 2009 by  
Filed under General

பள்ளிகளில் அதிக கல்விக் கட்டணம்: தடுக்க அரசு புதிய சட்டம்!

சென்னை: தனியார் பள்ளிகளில் கூடுதல் கட்டணம் வசூலிப்பதைத் தடுக்க வகை செய்யும் புதிய சட்டம் இந்த சட்டசபைக் கூட்டத் தொடரிலேயே கொண்டு வரப்படும் என்று பள்ளிக் கல்வித்துறை அமைச்சர் தங்கம் தென்னரசு கூறினார்.0204

சட்டசபையில் இன்று கேள்வி நேரம் முடிந்ததும் தனியார் பள்ளிகளில் அதிக கட்டணங்கள் வசூலிக்கப்படுவது குறித்த சிறப்பு கவன ஈர்ப்பு தீர்மானம் விவாதத்திற்கு எடுத்துக் கொள்ளப்பட்டது.

தீர்மானத்தின் மீது அதிமுக அதிருப்தி எம்எல்ஏ எஸ்.வி.சேகர், காங்கிரஸ் எம்எல்ஏ ஞானசேகரன், பாமக எம்எல்ஏ ஜி.கே.மணி, மார்க்சிஸ்ட் எம்எல்ஏ மகேந்திரன், இந்திய கம்யூனிஸ்ட் எம்எல்ஏ சிவபுண்ணியம் ஆகியோர் பேசினர்.

இதற்கு பதிலளித்த அமைச்சர் தங்கம் தென்னரசு கூறியதாவது:

பள்ளிகளில் அதிக கட்டணங்கள் வசூலிக்கப்படுவதாக புகார்கள் வந்தவுடனேயே அவற்றின் மீது உரிய நடவடிக்கை எடுக்க முதல்வர் கருணாநிதி உத்தரவிட்டார். அரசு மற்றும் அரசு உதவி பெறும் பள்ளிகளில் கல்விக் கட்டணத்தை முழுமையாக ரத்து செய்து இலவச சைக்கிள், இலவச பஸ் பாஸ், இலவச சீருடை போன்றவற்றை வழங்கி இந்த அரசு கல்வியின் தரத்தை உயர்த்த பாடுபட்டு வருகிறது.

இந் நிலையில் கூடுதல் கட்டணம் வசூலிக்கப்படுவதாக புகார் வருவது கவலை அளிப்பதாக தெரிவித்த முதல்வர் கருணாநிதி அதன் மீது நடவடிக்கை எடுக்குமாறு உத்தரவிட்டார்.

கல்விக் கட்டணங்களில் எல்லா மாநிலங்களிலும் ஏற்றத்தாழ்வுகள் உள்ளன. தனியார் பள்ளிகளில் மாணவர்களை சேர்ப்பது ஒரு மோகமாக உருவாகிவிட்டது.

அரசு பள்ளிகளிலும் தரமான கல்வி வழங்கப்படுகிறது. உதாரணத்திற்கு திண்டுக்கல் மாவட்டம் வேடசந்தூர் அரசு பள்ளி மாணவி மாநில அளவில் மூன்றாம் இடத்தை பெற்றதை குறிப்பிடலாம்.

சுய நிதி கல்வி நிறுவனங்கள் அவர்களே தங்கள் கல்வி கட்டணத்தை நிர்ணயித்துக் கொள்ளலாம் என்று ஒரு வழக்கில் உச்சநீதிமன்றம் தீர்ப்பளித்து இருப்பதால் இந்த விஷயத்தில் மாநில அரசு ஆலோசனை மட்டுமே வழங்க முடியும்.

இப்போதும் கூட மாவட்ட முதன்மை கல்வி அலுவலர் தலைமையில் ஒரு குழு அமைத்து பள்ளிகளில் வசூலிக்கப்படும் கல்வி கட்டணம் குறித்து கண்காணித்து வருகிறோம்.

116 அரசு, அரசு உதவிபெறும் மற்றும் தனியார் பள்ளிகளில் கூடுதல் கட்டணம் வசூலிப்பதாக புகார்கள் வந்துள்ளன. அவற்றின் மீது விளக்கம் கேட்டு நோட்டீஸ் அனுப்பியிருக்கிறோம். நிச்சயமாக பள்ளியின் அங்கீகாரம் ரத்து என்பது உள்ளிட்ட நடவடிக்கைகளை எடுக்கவுள்ளோம்.

பள்ளிகளில் அதிக கட்டணங்கள் வசூலித்தால் சம்பந்தப்பட்டவர்கள் மீது நடவடிக்கை எடுக்க வகை செய்யும் சட்டத்தை இந்தக் கூட்டத் தொடரிலேயே கொண்டு வர வேண்டும் என்று முதல்வர் கருணாநிதி கூறியுள்ளார்.

தனியார் பள்ளிகளில் கட்டணத்தை முறைப்படுத்த ஒரு குழு அமைப்பது, மீறினால் நடவடிக்கை எடுப்பது என்பது உள்ளிட்ட ஷரத்துக்கள் இந்த சட்ட மசோதாவில் சேர்க்கப்படும்.

தவறு செய்பவர்கள் யாராக இருந்தாலும் இந்த அரசு கைகட்டி வேடிக்கை பார்க்காது என்றார் தென்னரசு.

பேருந்து கட்டண விவகாரம்: மூக்குடைபட்ட தமிழக அரசு!

May 4, 2009 by  
Filed under General

பேருந்து கட்டண விவகாரம்: மூக்குடைபட்ட தமிழக அரசு!


சென்னை:
தேர்தல் ஆதாயத்துக்காக தமிழக அரசு பேருந்து கimages-govt-of-tamil-nadu-logoட்டணத்தைக் குறைத்தை அம்பலப்படுத்திவிட்டது இந்திய தேர்தல் ஆணையம். இதனால் இன்று முதல் மீண்டும் பழைய கட்டணத்தையே வசூலிக்க ஆரம்பித்துள்ளது அரசு.

தமிழகத்தில் சமீபத்தில் எம் சர்வீஸ், மஞ்சள் போர்டு பஸ் உள்ளிட்ட சிறப்புப் பேருந்துகளில் பஸ் கட்டணம் குறைக்கப்பட்டது. கடந்த சில நாட்களுக்கு முன்பு வரை ரூ.10 வசூலிக்கப்பட்ட சிறப்புப் பேருந்துகளில் நான்கு நாட்களாக ரூ. 5 மட்டுமே வசூலிக்கப்பட்டது. 3 ரூபாய் கட்டணம் 2 ரூபாயாக குறைக்கப்பட்டது.

இதை தேர்தல் ஸ்டன்ட் என எதிர்க்கட்சிகள் வர்ணித்தன. மேலும், தமிழக தலைமைத் தேர்தல் அதிகாரி நரேஷ்குப்தாவும் இதை தேர்தல் நடத்தை விதி மீறல் என கூறியிருந்தார்.

இதையடுத்து தமிழக அரசின் தலைமைச் செயலாளர் ஸ்ரீபதி நேரில் வந்து விளக்கம் அளிக்குமாறு தேர்தல் ஆணையம் உத்தரவிட்டது.

இதையடுத்து நேற்று டெல்லி விரைந்தார் ஸ்ரீபதி. தேர்தல் ஆணையத்திடம், தற்போதைய அரசு இதுவரை பஸ் கட்டணத்தை உயர்த்தவும் இல்லை, குறைக்கவும் இல்லை. கடந்த ஆட்சிக் காலத்தில்தான் பஸ் கட்டணங்கள் உயர்த்தப்பட்டன என்று முதல்வர் முரசொலியில் அளித்த விளக்கத்தையே அங்கும் சொன்னார்.

ஆனால் அதை தேர்தல் ஆணையம் ஏற்கவில்லை. பஸ் கட்டணம் தொடர்பாக என்ன முடிவெடுத்திருந்தாலும் அதை ரத்து செய்ய வேண்டும் என ஆணையம் உத்தரவிட்டது.

இதையடுத்து இன்று முதல் பஸ் கட்டண விகித மாற்றம் திரும்பப் பெறப்படுவதாகவும், பழைய பஸ் கட்டணமே மீண்டும் வசூலிக்கப்படும் என்றும் அறிவித்துள்ளது தமிழக அரசு.

குடகில் காப்பி எஸ்டேட்: ப.சிதம்பரத்தின் சொத்து விவரம்!

April 24, 2009 by  
Filed under election

குடகில் காப்பி எஸ்டேட்: ப.சிதம்பரத்தின் சொத்து விவரம்!


சிவகங்கை:
மத்திய உள்துறை அமைச்சர் ப.சிதம்பரம் மற்றும் அவரது மனைவி பெயரில் ரூ. 20 கோடி சொத்து இருப்பதாக தேர்தல் ஆணையத்துக்கு கணக்கு தெரிவித்துள்ளார்.

சிவகங்கை தொகுதியில் வேட்பு மனு தாக்கல் செய்துள்ள ப.சிதம்பரத்தின் சொத்து மதிப்பு:p-chidambaram6

ப.சிதம்பர் பெயரில் ரூ. 10 கோடிக்கு மேலும், அவரது மனைவி நளினி சிதம்பரத்தின் பெயரில் ரூ. 11.40 கோடி அளவிலும் சொத்துக்கள் உள்ளன.

கர்நாடகத்தில் காபி எஸ்டேட்!

கர்நாடக மாநிலம் குடகு மாவட்டத்தில் ரூ. 85.18 லட்சம் மதிப்பிலான காபி எஸ்டேட் ப.சிதம்பரம் பெயரில் உள்ளது. இந்த மதிப்பீடு அரசின் வழிகாட்டு மதிப்பின் அடிப்படியில் போடப்பட்டதல்ல. சொத்துக் கணக்கு சமர்ப்பிக்கும் பெரும்பாலானவர்கள் நிலத்துக்கு அடிப்படை விலையை மட்டுமே நிர்ணயிக்கிறார்கள்.

சிதம்பரத்தின் ரொக்கக் கையிருப்பு ரூ. 2.5 லட்சம். வங்கி முதலீடுகள் ரூ. 3.33 கோடி.

பிற சொத்துக்களின் மதிப்பு ரூ. 5.3 கோடி.

ரூ. 5.74 லட்சம் மதிப்பிலான பான்ட், ஷேர்கள் உள்ளன. நிதி நிறுவன முதலீடுகள் ரூ. 4.32 லட்சம்.

ரூ. 4.73 லட்சம் மதிப்பில் ஒரு போர்ட் பியஸ்டாவும், ரூ. 6.57 லட்சத்தில் ஒரு ஸ்கோடா காரும் உள்ளன. ரூ. 89 ஆயிரம் மதிப்பிலான தங்கம் மற்றும் வைர நகைகள் அவரது பெயரில் உள்ளன.

தனக்கு எதிராக எந்த வழக்கும் நிலுவையில் இல்லை என சிதம்பரம் குறிப்பிட்டுள்ளார்.

சிதம்பரத்தின் மனைவி நளினி பெயரில் ரூ. 11.40 கோடி மதிப்பிலான சொத்துக்கள் உள்ளன.

வங்கியில், ரூ. 3.26 கோடி இருப்பு உள்ளது. ரூ. 52 லட்சம் மதிப்பிலான பான்ட், ஷேர்கள் உள்ளிட்டவை உள்ளன.

ரூ. 7.62 கோடி மதிப்பிலான நிலங்கள், வர்த்தக கட்டடங்கள் உள்ளன.

இல கணேசன்… அரசியலில் மிச்சமிருக்கும் நல்லவர்களில் ஒருவர்!

April 23, 2009 by  
Filed under election

இல கணேசன்… அரசியலில் மிச்சமிருக்கும் நல்லவர்களில் ஒருவர்!

சென்னை: ஆரம்பத்திலிருந்தே பிடிவாதமாக நல்லவராகவே இருந்துவரும், ‘பிழைக்கத் தெரியாத’ தலைவர்களில் ஒருவர் தமிழக பாஜகவின் தலைவர் இல.கணேசன்.ila_ganeshan_20080721001

ஒரு மனிதன் அளவுக்கதிகமாக நல்லவராக இருந்தால்கூட மக்களுக்கு பிடிக்காமல் போகிறது. அல்லது அவரை ஒரு பொருட்டாக மதிக்காமலே போகிறார்கள். அப்படித்தான் ஆகிவிட்டது இல கணேசன் நிலையும்.

அவர் சார்ந்துள்ள கட்சி குறித்து பலருக்கும் பெரிய அபிப்பிராயமில்லை என்பது நமக்கும் தெரியும். ஆனால் கட்சியின் இமேஜையும் மீறி பெயரெடுத்த வெகு சில ‘பக்கா ஜென்டில்மேன்’ அரசியல்வாதிகளில் ஒருவர் கணேசன்.

தான் சார்ந்த கட்சிக்கு காட்டும் விசுவாசத்தில் இம்மியும் குறையாத அளவுக்கு மக்களிடமும் விசுவாசம் கொண்டவர் கணேசன். அவரிடம் முறையிட ஸ்கார்ப்பியோவில் செல்ல வேண்டிய அவசியமில்லை. கால் நடையாகவே செல்லலாம். அவரால் முடிந்த உதவியை தள்ளிப் போடாமல் செய்வார்.

இதை ஒரு பத்திரிகையாளனாக நேரில் கண்ட அனுபவம் நமக்குண்டு.

இந்தத் தேர்தலில் தனது சொத்துக்கள் என்று கணேசன் குறிப்பிட்டுள்ளவற்றைப் பார்த்தாலே தெரியும் அவர் எப்படிப்பட்டவரென்று!

திமுக, அதிமுக, தேமுதிக என பிராந்திய கட்சிகளின் வேட்பாளர்களில் பலரும் பெரும் கோடீஸ்வரர்களாக உள்ள நிலையில் தேசிய கட்சியான பாஜகவின் தமிழக தலைவர் இல.கணேசன் சில ஆயிரங்களில் மட்டுமே சொத்து வைத்துள்ளார்.

தென் சென்னை லோக்சபா தொகுதியில் போட்டியிடுகிறார் இல.கணேசன். இவர் தனது வேட்பு மனுவை நேற்று தாக்கல் செய்தார். அப்போது சொத்து விவரத்தையும் வெளியிட்டார்.

இனி அவரது சொத்து மதிப்பைப் பாருங்கள்!

இல கணேசன் கைவசம் உள்ள ரொக்கம் வெறும் ரூ. 9,950 மட்டுமே.

வங்கி கணக்கில் இருப்பு – ரூ. 47,920.83

தங்க மோதிரம் – ரூ. 5 ஆயிரம் மதிப்பில் 4 கிராம் தங்க மோதிரம்.

வாகனங்கள் – கட்சி பொறுப்பின் அடிப்படையில் தனது பெயரில் 2 கார்கள். இவற்றைத் தவிர வேறு சொத்துக்கள் எதுவும் அவருக்கில்லை.

ஒரு வார்டு கவுன்சிலரின் ஒரு நாள் பாக்கெட் செலவு போலத் தோன்றுகிறதா இல.கணேசனின் சொத்து மதிப்பு..?

பொய்யான தகவல்களைத் தந்திருந்தால் அத்தனை சுலபத்தில் அவரை எதிரணியினர் விட்டுவிடமாட்டார்கள் என்பது தெரியுமல்லவா…

கூடுதல் தகவல்: இல கணேசனுக்கு மனைவி, வாரிசுகள் என்று யாரும் கிடையாது.  கட்சி, மக்கள் என்றே வாழ்க்கையைக் கழித்துவிட்டவர். திருமணமே செய்து கொள்ளாத பிரம்மச்சாரி!

குறிப்பு: ‘இல கணேசன் நல்லவர், அவருக்கு ஓட்டு போடுங்கள்’ என்ற பிரச்சாரமாக இதை எடுத்துக் கொள்ள வேண்டாம். அது அவரவர் தனிப்பட்ட முடிவு. ஆனால் அரசியலில் இப்படியும் மனிதர்கள் இருக்கிறார்களா என்ற கேள்விக்கு விடையாக இதை எடுத்துக் கொள்ளுங்கள்.

கார்த்திக் போன்ற காமெடி பீஸ்களுக்கே பல பக்கங்களை மீடியா வேஸ்ட் செய்து கொண்டிருக்கையில், இப்படி ஒரு நல்ல மனிதரைப் பற்றி ஒரு பக்கம் எழுதுவது நிஜமாகவே நிறைவாக உள்ளது!

திமுக அரசுக்கு ஆதரவு வாபஸ்! – ராமதாஸ்

April 15, 2009 by  
Filed under General

திமுக அரசுக்கு ஆதரவு வாபஸ்! – ராமதாஸ் அறிவிப்பு

ஆத்தூர்: மக்களவைத் தேர்தல் முடிந்த கையோடு, சட்டசபையில் திமுகவுக்கு அளித்து வரும் ஆதரவை வாபஸ் பெறுவோம் என்று பாமக நிறுவனர் டாக்டர் ராமதாஸ் கூறியுள்ளார்.

சேலம் மாவட்டம் ஆத்தூரில், கள்ளக்குறிச்சி லோக்சபா தொகுதியின் அ.தி.மு.க., கூட்டணி கட்சியினர் செயல்வீரர் கூட்டத்தில் பங்கேற்ற பா.ம.க. நிறுவனர் ராமதாஸ் நிருபர்களைச் சந்தித்தார். அப்போது அவர் கூறியதாவது:

தி.மு.க.,வின் மூன்றாண்டு ஆட்சிக்காலத்தில், எவ்விதமான வளர்ச்சியும் இல்லை. அனைத்து துறைகளும் பின்நோக்கி போய் கொண்டிருக்கும் நிலை உள்ளது. இலவசங்களைக் கொடுத்து மக்களை ஏமாற்றி வருகிறார் கருணாநிதி. இளைஞர்களுக்கு அறவே வேலை வாய்ப்பு இல்லாத சூழல் காணப்படுகிறது.

ஒவ்வொரு கட்சியிலும் இருப்பது போன்று தி.மு.க.,வில் இளைஞர் அணி, மகளிர் அணி, சட்டபாதுகாப்பு அணி உள்ளது போன்று ‘காவல்துறை அணி’ என்று இருப்பது போன்ற தோற்றத்தை தி.மு.க., அமைச்சர்கள் உண்டாக்கி கொண்டு இருக்கின்றனர்.

‘தமிழின துரோகி’!

இலங்கை தமிழர் பிரச்னையால் உலெகங்கும் வசிக்கும் தமிழர்கள் முதல்வர் கருணாநிதியை, தமிழின துரோகியாக பார்த்து வருகின்றனர்.

முதல்வர் கருணாநிதி தற்போது பத்திரிக்கை துறையினரை மிரட்ட ஆரம்பித்துள்ளார். அ.தி.மு.க., தலைமையிலான கூட்டணிக்கு ஆதரவு நாளுக்கு நாள் பெருகி வருகிறது. கள்ளக்குறிச்சி லோக்சபா தொகுதியில் வேட்பாளர் தன்ராஜ் நான்கு லட்சம் ஓட்டுகள் வித்தியாசத்தில் வெற்றிபெறுவார்.

பின்னர் நிருபர்களின் கேள்விகளுக்கு பதில் அளித்ததாவது:

தமிழக அரசின் இலவச திட்டங்கள் குறித்து இத்தனை நாள் கழித்து நீங்கள் விமர்சிப்பது ஏன்?

நான் ஆரம்பத்திலிருந்தே இந்த மாதிரி இலவசங்களை எதிர்த்து வந்துள்ளேன். தவிர அறிவிக்கப்படும் சலுகைகள் உரிய மக்களையும் போய்ச் சேர்வதில்லை.

கடந்த 2004ல் தி.மு.க., கூட்டணியில் இருந்த பா.ம.க.- ம.தி.மு.க.- கம்யூனிஸ்ட்கள் என நான்கு கட்சிகள் வெளியேறி, அ.தி.மு.க., கூட்டணியில் உள்ளோம். வயதானவர், ஆதரவற்றோருக்கு உதவி செய்யலாம். மீன் கொடுப்பதற்கு பதிலாக மீன் பிடிக்க கற்றுக்கொடுக்க வேண்டும்.

இந்தத் தேர்தலில் காங்கிரஸ் கட்சியின் நிலை எப்படி உள்ளது?

கடந்த 1967க்கு பிறகு ராஜாஜி, கம்யூனிஸ்ட் ராமமூர்த்தி, அண்ணாதுரை ஆகியோர் தலைமையில், காங்கிரஸ் கட்சியை வீழ்த்தினர். அதன்பிறகு காங்., கட்சி தி.மு.க.,- அ.தி.மு.க., ஆகிய இரு கட்சிகளின் தோள் மேல் ஏறிக்கொண்டு ஒவ்வொரு 5 ஆண்டு இடைவெளியிலும் தேர்தல் திருவிழா நடத்தி வருகின்றனர்.

பா.ம.க., ஏழு தொகுதிகளிலும் தோற்கும் என தி.மு.க., அமைச்சர் வீரபாண்டி ஆறுமுகம் தெரிவித்துள்ளாரே?

முதலில் அந்தக் கூட்டணிக்கே ஏழு தொகுதி தேறுமா என்று பார்க்கச் சொல்லுங்கள்.

அரசியல் மேடையில் ஜமுக்காளத்தில் வடிக்கும் பொய் போன்று வசனம் பேசி வருகின்றனர். தமிழகம், புதுச்சேரி உட்பட 40 தொகுதிகளிலும் தி.மு.க., மண்ணை கவ்வும், எங்குமே வெற்றி பெறபோவதில்லை.

இலங்கை பிரச்னை இத்தேர்தலில், எதிரொலிக்குமா?

இலங்கை தமிழர் பிரச்னை அலை இந்தத் தேர்தலில் வீச ஆரம்பித்துள்ளது. ஈழத்தில் தமிழ் இனத்தையே அழிக்கின்றனர். 2002-05-ல் இலங்கையில் போர் நிறுத்தம் செய்யப்பட்டது. கடந்த 1989ல் இருந்து இலங்கை தமிழர்களுக்கு ‘தனி ஈழம்’ வழங்குவதே ஒரே தீர்வு என குரல் கொடுத்து வருகின்றேன்.

தமிழக சட்டசபையில் தி.மு.க.,விற்கு அளித்து வந்த ஆதரவு எப்போது வாபஸ் பெறப்படும்?

தி.மு.க., கூட்டணியிலிருந்து வெளி வந்த பின்னரும் எப்படி ஆதரவைத் தொடர முடியும்? தமிழக சட்டசபையில் தி.மு.க.வுக்கு கொடுத்த ஆதரவு வாபஸ் பெறப்படும். தேர்தலுக்கு பின் அ.தி.மு.க.,வின் முடிவுக்கு கட்டுப்படுவோம், என்றார் ராமதாஸ்.

குறிப்பு: இந்த முடிவில் டாக்டர் ராமதாஸ் எந்த அளவு உறுதியாக இருப்பார் என்பது, மக்களவைத் தேர்தலுக்குப் பின்னர்தான் தெரியவரும்!

‘பிரபாகரன் மீது துரும்பு விழுந்தாலும், இந்தியா ஒரு தேசமாக இருக்காது!’ – வைகோ

April 9, 2009 by  
Filed under General

‘பிரபாகரன் மீது சிறு துரும்பு விழுந்தாலும்…’ சீறிய வைகோ!

சென்னை: பிரபாகரன் மீது சிறு துரும்பு விழுந்தாலும் தமிழகத்தில் ரத்த ஆறு ஓடும், இந்தியா என்ற தேசம், ஒரு தேசமாகவே இருக்கப் போவதில்லை என்று மதிமுக பொதுச் செயலாளர் வைகோ எச்சரித்துள்ளார். இது பெரும் சர்ச்சையை இப்போது ஏற்படுத்தியுள்ளது.

இலங்கையில் போர் நிறுத்தத்தை வலியுறுத்தி இலங்கைத் தமிழர் பாதுகாப்பு இயக்கம் சென்னையில் நேற்று நடத்திய கண்டன ஆர்ப்பாட்டம் நடத்தியது. இதில் பங்கேற்ற வைகோ, உணர்ச்சிகரமாகப் பேசினார்.

வைகோ பேசியாவது:

இந்திரா காந்தி உயிரோடு இருந்திருந்தால் வங்கதேசம் போல தமிழீழமும் மலர்ந்திருக்கும். இந்திரா காந்தியை ஒரு சீக்கியன் சுட்டுக் கொன்றான். அது கண்டிக்கத்தக்கது என்றாலும், அதன் பிறகு நடந்த கலவரத்தில் கிட்டத்தட்ட 7,000 ஆயிரம் சீக்கியர்கள் படுகொலை செய்யப்பட்டனர். அந்த வழக்கில் தொடர்புடைய ஜெகதீஷ் டைட்லர் குற்றமற்றவர் என்று சிபிஐயால் அறிவிக்கப்பட்டுள்ளார்.

அது தொடர்பாக உள்துறை அமைச்சர் ப.சிதம்பரத்திடம் ஒரு சீக்கிய செய்தியாளர் வினா எழுப்பியபோது, கிண்டலாக விடையளித்துள்ளார். அதனால் அவர் மீது அந்த சீக்கிய செய்தியாளர் செருப்பை வீசியிருக்கிறார். ஆனால் அந்த செருப்பு அவர் மீது படவில்லை. அதற்காக அகாலிதளம் அந்தச் செய்தியாளருக்கு 2 லட்சம் ரூபாய் பரிசு அறிவித்திருக்கிறது. அந்த செய்தியாளர் தேர்தலிலும் நிற்கப் போகிறார்.

தமிழர்களின் வீரம் அதற்கு சற்றும் குறைந்ததல்ல. முத்துக்குமார் போன்ற வீர இளைஞர்கள் இலங்கைத் தமிழர்களுக்காக தங்களது உயிரைத் தியாகம் செய்திருக்கின்றனர். அதையும் கொச்சைப்படுத்தியது கலைஞர் அரசு.

நண்பர்களே… இன்று ஈழத் தமிழர்களுக்குப் பேராபத்து வந்திருக்கிறது. 3.5 லட்சம் மக்களையும், விடுதலைப் புலிகளையும் நான்கு பக்கமும் சுற்றி வளைத்து ஒழித்துக்கட்ட முயற்சிக்கிறது ராணுவம். இதை உலக நாடுகள் கண்டித்தும், தமிழர் பிரச்சனை குறித்து சோனியா வாய் திறக்க மறுக்கிறார்.

காங்கிரஸ் தலைவர் சோனியா காந்தி அண்மையில் கருணாநிதிக்கு நீண்ட கடிதம் எழுதியிருப்பதாகக் கூறப்படுகிறது. போரை நிறுத்த முயற்சித்து வருகிறோம் என்ற வரி அதில் பதிவு செய்யப்பட்டுள்ளது. அது கருணாநிதி அனுப்பிய கடிதம் தான், சோனியாவிடமிருந்து ஆங்கில வடிவமாக திரும்பி வந்துள்ளது.

கருணாநிதிக்கு கடிதம் எழுதிய சோனியா, ஏன் ராஜபக்ஷேவுக்கு எழுதவில்லை?

கருணாநிதிக்கு விடுதலைப் புலிகள் முத்திரை பதித்த கடிதம் மூலம் கொலை மிரட்டல் வந்தது என்கின்றனர். மரண பூமியில் போராடிக் கொண்டிருப்பவர்கள் கொலை மிரட்டல் விடுத்தார்களா?. இதை விட துரோகம் வேறு ஏதும் இருக்க முடியாது.

இலங்கையில் விடுதலைப் புலிகள் தலைவர் பிரபாகரன் மீது சிறு துரும்பு விழுந்தாலும் நாங்கள் துடித்துப் போவோம். அவர் மீது சிறு துரும்பு விழுந்தாலும் தமிழகத்தில் ரத்த ஆறு ஓடும்.

போலீஸ், துப்பாக்கிகளுக்கெல்லாம் நம் இளைஞர்கள் பயப்பட மாட்டார்கள். தொப்புள் கொடி உறவுக்காக கடல் தாண்டுவதில் என்ன தவறு?. அவ்வாறு செல்லும் போது வைகோ முதல் ஆளாக இருப்பான். அப்படி ஒரு நிலை வந்தால் இந்தியா என்ற தேசம், ஒரு தேசமாகவே இருக்கப் போவதில்லை.

புலிகளை அழிக்க முடியாது. சில பேர் கணக்குப் போடுகின்றனர். சிலர் கவிதை எழுதியும் வைத்திருக்கின்றனர். ஆனால் இறுதியில் விடுதலைப் புலிகளே வெல்வார்கள் என்றார் வைகோ.

விடுதலைப்புலிகள் மீதான தடையை நீக்க வேண்டும்!

இந்த நிலையில் ம.தி.மு.க. பொதுக்குழு கூட்டம் அண்ணாநகர் நியூ ஆவடி ரோடு சந்திப்பில் உள்ள விஜய்ஸ்ரீ மகாலில் இன்று நடந்தது.

ம.தி.மு.க. பொதுச்செயலாளர் வைகோ கூட்டத்துக்கு தலைமை தாங்கினார். பொருளாளர் மாசிலாமணி, துணைப் பொதுச்செயலாளர்கள் நாசரேத் துரை, மல்லை சத்யா, துரை பால கிருஷ்ணன், மாவட்ட செயலாளர்கள் ஜீவன், மணி மாறன், தாமரைக்கண்ணன் மற்றும் ஆட்சிமன்ற உறுப்பி னர்கள், உயர்மட்டக்குழு உறுப்பினர்கள், பொதுக்குழு உறுப்பினர்கள் கூட்டத்தில் பங்கேற்றனர்.

பொதுக்குழுவில் நிறை வேற்றப்பட்ட தீர்மானங்கள் வருமாறு:

தற்போது, மூன்றரை லட்சம் தமிழர்கள் முல்லைத் தீவில், மரண பயங்கரத்தில் சிக்கி உள்ளனர். நினைத் தாலே நெஞ்சம் நடுங்கும் பேரழிவு, ஈழத்தமிழ் மக்களை முற்றுகை இட்டு உள்ளது. உடனடியாக இலங்கை அரசு தமிழர்கள் மீதான ராணுவத் தாக்குதலை நிறுத்தி, போர் நிறுத்தம் அறிவிக்க வேண்டும் என்று, இந்திய அரசு முழுமையான அரசியல் அழுத்தத்தைத் தந்து வற்புறுத்த வேண்டும் என்று இப்பொதுக்குழு கேட்டுக் கொள்கிறது.

இலங்கைத் தீவில் தமிழ்த் தேசிய இனப் பிரச்சினைக்கு, சுதந்திர இறையாண்மையுள்ள தனித்தமிழ் ஈழ தேசம் மலர்வது ஒன்றுதான் நிரந்தரத் தீர்வு ஆகும் என்று, 1995 ஆம் ஆண்டு, ஜூலை 1 ஆம் தேதி, திருச்சியில் நடைபெற்ற மறுமலர்ச்சி தி.மு.கழகத்தின் மாநில மாநாட்டில் தீர்மானம் நிறைவேறியது. அந்தத் தீர்மானத்தையே இப்பொதுக் குழு மீண்டும் வலியுறுத்துவ தோடு, தனித்தமிழ் ஈழம் மலர, தொடர்ந்து குரல் கொடுப்போம்.

இலங்கைத் தீவில், ஈழத்தமிழ் மக்களின் உரிமை வாழ்வுக்காக, மகத்தான தியாகங்களைச் செய்து யுத்த களத்தில் போராடி வருவதோடு, ஈழத்தமிழ் மக்களின் ஒட்டுமொத்த ஆதரவைப் பெற்று இருக்கின்ற தமிழீழ விடுதலைப்புலிகள் இயக்கத் தின் மீதான தடையை, இந்திய அரசு நீக்க வேண்டும்.

அண்ணா திராவிட முன்னேற்றக்கழகத் தலைமையிலான கூட்டணியை, நாற்பது தொகுதிகளிலும் வெற்றி பெறச் செய்வதற்கு அரும்பணி ஆற்றுவது.

ம.தி.மு.க. கொள்கை விளக்க அணிச்செயலாளர் நாஞ்சில் சம்பத்தை ‘தேசப் பாதுகாப்புச் சட்டத்தில்’ கைது செய்து சிறையில் அடைத்த கொடுமைக்கும், இதே அடக்குமுறைச் சட்டத் திற்கு ஆளாகி இருக்கின்ற பெரியார் திராவிடர் கழகத் தலைவர் கொளத்தூர் மணி, திரைப்பட இயக்குநர் சீமான் ஆகியோரின் கைதுக்கும் பலத்த கண்டனத்தை இப்பொதுக்குழு தெரிவிக்கிறது , போன்ற தீர்மானங்கள் நிறைவேற்றப்பட்டன.

ம.தி.மு.க. வேட்பாளர்கள் இன்று மாலை அறிவிக்கப்படலாம் என எதிர்பார்க்கப்படுகிறது.

எந்நேரமும் கைதாகலாம்!

இதற்கிடையே, இலங்கைத் தமிழர் பாதுகாப்பு பேரவைக் கூட்டத்தில் வைகோவின் இந்த ஆவேசப் பேச்சை மேற்கோள் காட்டி அவரைக் கைது செய்ய வேண்டும் என்று சென்னையிலிருந்து வெளியாகும் சிங்கள ஆதரவு நாளிதழான இந்து பத்திரிகையின் ஆசிரியர் என்.ராம் கூறியுள்ளார்.

சோ போன்றவர்கள், வைகோ நிதானமிழந்து பேசுவதாகக் குற்றம் சாட்ட ஆரம்பித்துள்ளன. வட இந்திய மீடியாக்கள், வைகோவை உடனடியாக கைது செய்ய வேண்டும் என்ரு, தொடர்ந்து பிரச்சாரம் செய்து வருகின்றன.

ஏற்கெனவே, மதிமுகவைக் கரைப்பதில் குறியாக இருக்கும் கலைஞரும் இந்த வாய்ப்பை சரியாக பயன்படுத்திக் கொள்ள முயற்சிகக் கூடும் என்றே தமிழ் உணர்வாளர்கள் கருத்து தெரிவித்துள்ளனர்.

காங்கிரசுக்காக இலங்கைத் தமிழர்களை கருணாநிதி கைவிட்டது உண்மை, உண்மை, உண்மை!

March 26, 2009 by  
Filed under General

விரக்தியின் விளிம்பில் கருணாநிதி!- டாக்டர் ராமதாஸ்

சென்னை: கருணாநிதி இன்று விரக்தியின் விளிம்பில் இருக்கிறார். அதன் விளைவுதான் அவர் நேற்று விடுத்த அறிக்கை என பாமக நிறுவனர் டாக்டர் ராமதாஸ் கூறியுள்ளார்.

மேலும் தனது அரசியல் லாபத்துக்காக இலங்கைத் தமிழர்களைக் கருணாநிதி கைவிட்டது உண்மை, உண்மை, உண்மை. காங்கிரஸ் கட்சியும் போய் விடக் கூடாதே என்பதற்காக இலங்கைத் தமிழர்களைக் கைவிட்டு விட்டார் கருணாநிதி என்றும் தனது அறிக்கையில் அவர் கூறியுள்ளார்.

கருணாநிதியின் அறிக்கைக்கு ராமதாஸ் விடுத்துள்ள பதிலறிக்கை:

விரக்தியின் விளிம்பிற்கும், கோபத்தின் உச்சிக்கும் சென்றுவிட்டால், ஒருவர் எப்படியெல்லாம் பேசுவார், எழுதுவார் என்பதற்கு முதல்-அமைச்சர் கருணாநிதியின் கள்ளத் தோணி கருத்து சிறந்த எடுத்துக்காட்டாக அமைந்திருக்கிறது.

ஏன் இந்த ஆத்திரம்?

நாளைக்கே தோணிகளைத் தயார் செய்யட்டும்; அவை கள்ளத் தோணிகளாக இருந்தாலும் பரவாயில்லை; அவற்றில் படைகளை ஏற்றிச்செல்லட்டும், ராணுவ அணிவகுப்பு நடத்தட்டும்; யார் குறுக்கே நிற்கிறார்கள்; நாங்கள் கண்கொட்டாமல் அவற்றைப் பார்த்துக் களிக்கிறோம், கைதட்டி ஜெயகோஷம் போடுகிறோம் என்றெல்லாம் முதல்-அமைச்சர் கோபம் கொப்பளிக்க கூறியிருக்கிறார்.

முதல்-அமைச்சர் போன்ற பொறுப்பான பதவியில் உள்ள ஒருவர், கள்ளத் தோணியில் படையெடுத்துப் போங்கள், குறுக்கே நிற்கமாட்டோம் என்று சொல்லியிருப்பது எந்த அளவிற்கு அவர் பதவி பிரமாணம் எடுத்துக் கொண்ட அரசியல் சட்டத்திற்கு உட்பட்டது என்பதை சட்ட வல்லுநர்கள்தான் விளக்க வேண்டும்.

முதல்-அமைச்சரின் இத்தகைய தூண்டுதலை, யாரேனும் நீதிமன்றத்திற்கு எடுத்துச் சென்றால், அப்போது முதல்-அமைச்சர் என்ன பதிலளிப்பார். முன்பு ஒரு முறை சொன்னதைப் போல, வெறும் நகைச்சுவைக்காகச் சொன்னது என்றும், வழக்கமாக என் எழுத்துகளைப் படிப்பவர்களுக்கு இப்படிச் சொல்லியிருப்பது புரியும் என்றும் சொல்லித் தப்பிவிட முடியாது.

இந்தியாவைப் போன்று இலங்கையும் ஓர் இறையாண்மை மிக்க நாடு. எனவே, ஓரளவுக்குத் தான் நாம் தலையிட முடியும், ஓரளவுக்குத்தான் அழுத்தம் கொடுக்க முடியும் என்று இதுவரையில் சொல்லாத ஒரு கருத்தை இப்போது திடீரென்று முதல்-அமைச்சர் சொல்லுகிறார்.

முதல்-அமைச்சரின் இந்தப் புதிய நிலைப்பாடு, இனப் படுகொலையிலிருந்து ஈழத்தமிழர்களைக் காக்க வேண்டும் என்ற உறுதிப்பாட்டிலிருந்து நழுவிச் சென்றுவிட்டதற்கு ஒப்பானது என்று அடையாளம் காட்டியதுதான் முதல்-அமைச்சரின் ஆத்திரத்திற்கெல்லாம் காரணம்.

இலங்கையில் போரை நிறுத்தி அமைதியை ஏற்படுத்த முறையானதொரு அரசியல் தீர்வு எட்டப்படுவதற்குப் பயனுள்ள பேச்சு வார்த்தைக்கு மத்திய அரசு உதவ வேண்டும் என்று 2008-ம் ஆண்டு ஏப்ரல் மாதம் 23-ந் தேதி சட்டப்பேரவையில் தீர்மானம் முன்மொழிந்த போதும்;

இலங்கையில் தமிழர்களுக்கு எதிராக முழுமூச்சாக நடத்தப்பட்டு வரும் இனப்படுகொலையிலிருந்து எங்களையெல்லாம் காப்பாற்ற வேண்டும் என்று தனக்கு வந்த ஒரு கடிதத்தைப் படித்துவிட்டு, இதற்கு இந்திய அரசு ஒத்துழைக்க வேண்டும் என்றும், அப்படி ஒத்துழைக்கா விட்டால், இலங்கைத் தமிழர்கள் மட்டுமல்ல, இங்குள்ள தமிழர்களும் அடியோடு சாவோம் என்று 2008-ம் ஆண்டு அக்டோபர் மாதம் 6-ந் தேதி மயிலை மாங்கொல்லை பொதுக் கூட்டத்தில், மத்திய அரசுக்கு எதிராகக் கனல் கக்கிய போதும்;

கண்ணீர் கடலில் மிதக்கும் இலங்கை தமிழர்கள் எங்களுக்கு அபயமளித்துக் காப்பாற்ற நாதியே கிடையாதா? என்று வாடி, வதங்கி இதற்கோர் விடிவு எப்போது ஏற்படும் என்று விழி கலங்கி, வழி பார்த்து நிற்கின்றனர்; போர் நிறுத்தப்பட்டு, ஈழத்தில் அமைதியும், சகவாழ்வும் திரும்புவதற்கு ஏற்ற நடவடிக்கைகளை இந்தியப் பேரரசு உடனடியாக எடுத்து, அதை நிறைவேற்றிட வேண்டும் என்று 2008-ம் ஆண்டு அக்டோபர் மாதம் 14-ந் தேதி அனைத்துக் கட்சித் தலைவர்கள் கூட்டத்தைக் கூட்டி, தீர்மானம் நிறைவேற்றிய போதும்;

இந்தியப் பேரரசு தனது செல்வாக்கைப் பயன்படுத்தி, இலங்கை அரசைப் போர் நிறுத்தத்திற்கு இணங்க வைத்து, தமிழர் பகுதிகளில் நிலையான அமைதியும், சகவாழ்வும் ஏற்பட நடவடிக்கை எடுக்க வேண்டும் என மீண்டும் 2008-ம் ஆண்டு நவம்பர் 12-ந் தேதி சட்டப்பேரவையில் தீர்மானம் நிறைவேற்றி வலியுறுத்திய போதும், இந்த வரிசையில் இறுதியாக 2009-ம் ஆண்டு ஜனவரி மாதம் 23-ந் தேதி, `அய்யகோ, இலங்கையில் தமிழ் இனமே அழிகிறது; இந்தியப் பேரரசுக்கு இறுதி வேண்டுகோள்’ என்று தீர்மானம் கொண்டு வந்து முழங்கிய போதும்;

வெளிநாட்டிலே வாழ்கின்ற, தமிழர்கள் உட்பட இந்தியர்களைப் பாதுகாக்க இந்தியாவின் பாதுகாப்புக் கரம் நீளும் என்றும், அந்த வலிமையினால் அவர்களுக்கு நீதிகிடைக்கும் என்றும், 1939-ம் ஆண்டு ஆசியாவின் ஜோதி, பண்டித நேரு, தேசிய காங்கிரஸ் கூட்டத்திற்கு அனுப்பிய செய்தியில் இடம்பெற்றிருந்த அழுத்தம் திருத்தமான, உறுதிமிக்க வாசகங்களைச் சட்டப்பேரவையில் நினைவுபடுத்திப் பேசிய போதும், இலங்கையில் மனிதநேயமற்ற, மா பாவிகளின் சேட்டையால், உலகை ஆண்ட ஓர் இனம் அழிந்து கொண்டிருக்கிறது; அங்குள்ள தமிழ் சாதியைக் காப்பாற்றுக என்று மத்திய அரசை நோக்கி சாடியபோதும்.

உலகில் எங்கு இனப்படுகொலை நடந்தாலும், அதனைத் தட்டிக் கேட்கும் உணர்வும், உரிமையும் கொண்ட பெரிய ஜனநாயக நாடாம் இந்தியாவின் கரங்களைப் பிடித்துக் கொண்டு இலங்கையில் சீரழியும், செத்துமடியும், எங்கள் தமிழ் சாதியைக் காப்பாற்றுக என்று கண்ணீர் மல்க கேட்கிறோம்.

மத்திய அரசைப் பார்த்து கேட்டுக் கேட்டு பயனற்றுப் போனதால், இறுதி வேண்டுகோளாக முறையிடுகிறோம். இன்றே போர் நிறுத்தம், அடுத்து அரசியல் தீர்வு, தொடர்ந்து அமைதி என்ற நிலையை ஏற்படுத்த வேண்டும் என்று தில்லியிலே உள்ளவர்களுடைய செவிகளில் விழ ஓங்கி ஒலித்துதீர்மானத்தை முன்மொழிகிறேன் என கனல் கக்கிய போதும், அப்படி நடவடிக்கை எடுக்காவிட்டால், அடுத்தது என்ன என்பது குறித்து, பொதுக்குழு, செயற்குழுவில் முடிவெடுத்துச் செயல்படுவோம் என மத்திய அரசை நோக்கி மிரட்டல் விடுத்த போதும்;

- இலங்கை ஒரு இறையாண்மை மிக்க நாடு என்றும், ஓரளவுக்குத்தான் இந்தியா அழுத்தம் கொடுக்க முடியும் என்றும் தெரியாமல் போனது எப்படி?

தமிழர் வேண்டாம்; காங்கிரஸ் போதும் கருணாநிதிக்கு!

தலையிடு, இல்லையேல் நாங்களும் செத்துமடிவோம் என்று அன்றைக்கு போர் முரசம் கொட்டியது உண்மையா? அல்லது இந்தியாவால் ஓரளவுக்குத்தான் தலையிட முடியும், ஓரளவுக்குத்தான் அழுத்தம் கொடுக்க முடியும் என்று இப்போது சமரசமாகப் போவது உண்மையா? சமரசமாகப் போவது என்ற நிலைப்பாட்டை கலைஞர் மேற்கொண்டிருப்பதுதான் உண்மை.

எஞ்சியிருக்கும் காங்கிரசும், கையைவிட்டுப் போய்விடக் கூடாது. அப்படிப் போவதால் அரசுக்கு ஆபத்து வந்துவிடக் கூடாது என்பதற்காக இலங்கைத் தமிழர் பிரச்சினையில், சமரசமான நிலையை மேற்கொண்டு இலங்கைத் தமிழர்களைக் காக்க நடவடிக்கை எடுங்கள் இல்லையேல் அவர்களோடு சேர்ந்து நாங்களும் செத்து மடிவோம் என்ற உறுதிமிக்க நிலைப்பாட்டை கைவிட்டதும், அதன் மூலம் இலங்கைத் தமிழர்கள் நலனை கைகழுவிவிட்டதும் உண்மை, உண்மை, உண்மை என்று கூறியுள்ளார் ராமதாஸ்.

அமாவாசையில் புதுக்கணக்கு துவங்கும் அரசியல் வியாபாரிகள்!

March 26, 2009 by  
Filed under கட்டுரைகள்

இன்று… ‘வியாபாரிகள்’ புதுக்கணக்கு துவங்கும் நாள்!

பொதுவாக அமாவாசை, விஜயதசமி போன்ற நாட்களில் புதுக் கணக்கு துவங்குவது வழக்கம். அரசியலும் பக்கா கமர்ஷியல்தானே.

அதனால் சற்றே புது வியாபாரியான விஜய்காந்தும், பழம் தின்று கொட்டை போட்ட பழைய வியாபாரியான டாக்டர் ராமதாசும் தங்கள் புதிய கணக்கை இந்த அமாவாசையில் துவங்குகிறார்கள்.

பாமகவைப் பொறுத்தவரை இந்த சீசனுக்கான கூட்டு வியாபார ஒப்பந்தங்கள் அனைத்தும் சுபமாக முடிந்துவிட்டன.

தங்களிடம் கடைசியாய் கெஞ்சிப் பார்த்த காங்கிரசிடம், ‘கலைஞர் மீது எங்களுக்கு நம்பிக்கை இல்லை. 8 சீட் கொடுத்தாலும் ஜெயிக்க விடுவாரா என்ற சந்தேகம் இருக்கிறது. போன தேர்தலிலேயே உடன் பிறப்புகள் காலை வாரிவிட்டார்கள். அதனால் எதற்கு ரிஸ்க். அதிமுக கூட்டணியில் ஜெயித்து, கணிசமான எம்பிக்களோடு காங்கிரசுக்கு வருகிறோம். கவலை வேண்டாம்’ என்ற உறுதிமொழியைக் கொடுத்துவிட்டார் டாக்டர் ராமதாஸ்.

எனவே பூச்செண்டுகளுடன் போயஸ் தோட்டத்துக்கோ, லாயிட்ஸ் சாலைக்கோ கிளம்பத் தயாராக நிற்கிறார் அவர்.

என்ன ஒரு ‘தெளிவான’ அரசியல் பார்வை பாருங்கள்!

விஜய்காந்த் புதிய வியாபாரியாக இருந்தாலும் பெருத்த லாபத்துக்கு அடிபோடுகிறார். பாமக மாதிரி அவ்வப்போது கிடைக்கிற லாபங்கள் போதாது என்பது அவர் கருத்து.

இந்த தேர்தலில் தனித்துப் போட்டி என்ற சுய அடையாளத்ததை அடகு வைத்தால் 7 சீட்டும் ரூ. 100 ப்ளஸ் கோடிகளும்தான் கிடைக்கும். ஆனால் சட்டமன்றத் தேர்தல் வரை இதைக் காப்பாற்றி வந்தால் இன்னும் கூட ‘லம்பா’ கிடைக்கும் என அவர் எதிர்பார்க்கிறார்.

தனால் அவரும் நேரடியாகக் கூட்டணி வைக்காமல் உள்குத்து அரசியலில் இறங்கிவிடலாம் என முடிவெடுத்துள்ளார். காங்கிரஸ் தயவு இருப்பதால், மக்கள் ஓட்டுகளும் சீட்டுகளும் கிடைக்காவிட்டாலும் இந்த தேர்தலில் அவருக்கு எதிர்பார்க்கிற அளவு நோட்டுக்கள் கிடைத்துவிடும். எப்படியும் இன்னும் இரு ஆண்டுகள் உள்ளன. மக்கள் அதுவரை இதையெல்லாம் நினைவில் வைத்திருக்கப் போகிறார்களா என்ன?

‘திருமங்கலம் தேர்தலில் துட்டு வாங்கிக் கொண்டு எனக்கு ஓட்டுப் போடுங்கள் என்று நாம் சொன்ன அபத்தத்தையே மறந்து விட்டார்கள். இன்று பணத்தை வாங்கி வீசியெறியுங்கள் என்கிறோம். அதையும் வேறு ஆட்டுமந்தைகள் மாதிரி நம்புதுகள். அதனால் சட்டமன்றத் தேர்தலில் நம்மை அசைச்சுக்க முடியாது…’ என்ற தெளிவு விஜய்காந்துக்கும் அவரது கிச்சன் கேபினட்டுக்கும் ஏற்கெனவே வந்துவிட்டது.

‘அதனால் இந்தத் தேர்தலில் திமுக கூட்டணியோடு உறவில்லை. ஆனால் காங்கிரஸ் நிற்கும் தொகுதிகளில் போட்டியில்லை அல்லது அடக்கி வாசிப்போம்’ என்ற நிலைப்பாட்டை அவர் எடுக்கக் கூடும்.

பாம்பும் சாகாது… கம்பும் உடையாது… எப்படி?

திமுக தோற்கும்! – டிஎன்ஏ

March 24, 2009 by  
Filed under election

திமுக தோற்கும்! – டிஎன்ஏ கருத்துக் கணிப்பு

மும்பை: வரும் மக்களவைத் தேர்தலில் திமுக – காங்கிரஸ் கூட்டணிதோல்வியைத் தழுவும் என்று ஹிந்துஸ்தான் டைம்ஸ் குழுமத்தின் பிரபல நாளிதழான டிஎன்ஏ கருத்துக் கணிப்பு முடிவுகள் தெரிவிக்கின்றன.

இந்த நாளிதழின் கருத்துக் கணிப்பின்படி தேசிய அளவில் காங்கிரஸ் தலைமையிலான ஐக்கிய முற்போக்குக் கூட்டணியே முன்னணியில் உள்ளது. ஆனால் நாளுக்கு நாள் தேசிய ஜனநாயகக் கூட்டணிக்கும், 3வது அணிக்கும் நிலைமை மேம்பட்டு வருவதாக டிஎன்ஏ தெரிவித்துள்ளது.

டி.என்.ஏவின் கடந்த வார கணிப்புப்படி காங்கிரஸுக்கு 149 சீட்களும், பாஜகவுக்கு 134 சீட்களும், மற்றவர்களுக்கு 257 சீட்களும் கிடைக்கும் எனத் தெரிவிக்கப்பட்டிருந்தது.

ஆனால் இந்த வாரம் நிலைமை சற்று  மாறுபட்டுள்ளது.

இந்தப் புதிய கணிப்புப்படி ஐக்கிய முற்போக்குக் கூட்டணிக்கு 201 சீட்களும், தேசிய ஜனநாயகக் கூட்டணிக்கு 170 சீட்களும், 3வது அணி மற்றும் பிறருக்கு 170 சீட் கிடைக்கும் என தெரிவிக்கப்பட்டுள்ளது.

ஏறுமுகத்தில் அதிமுக

கடந்த வாரம் நடத்தப்பட்ட கருத்துக் கணிப்பின்படி அதிமுகவுக்கு 16 சீட்களும், திமுகவுக்கு 7, பாமகவுக்கு 6, காங்கிரஸுக்கு 4, மதிமுக, இந்திய கம்யூனிஸ்ட், மார்க்சிஸ்ட் கம்யூனிஸ்ட் ஆகியோருக்கு தலா 2 சீட்களும் கிடைக்கும் என தெரிவிக்கப்பட்டுள்ளது.

இந்த வார கணக்கில், அதிமுக கூட்டணிக்கு தமிழகம் மற்றும் புதுச்சேரியில் 25 சீட்களும், திமுக கூட்டணிக்கு 15 சீட்களும் கிடைக்கும் என தெரிவிக்கப்பட்டுள்ளது.

ஏற்கெனவே டைம்ஸ் ஆப் இந்தியா நடத்திய கருத்துக் கணிப்பில் தமிழகத்தில் அதிமுக கூட்டணிக்கே பெரும்பான்மை இடங்கள் கிடைக்கும் என தெரிவிக்கப்பட்டுள்ளது.

-என்வழி

Related Posts with Thumbnails