BREAKING NEWS
Search

கோச்சடையான் டிரைலர் எப்போது? – சௌந்தர்யா விளக்கம்

கோச்சடையான் டிரைலர் எப்போது? – சௌந்தர்யா விளக்கம்

rajini press meet-1

சூப்பர் ஸ்டார் ரஜினி நடித்துள்ள கோச்சடையான் பட ட்ரைலரை நாளை வெளியிடும் திட்டமில்லை என்றும், ஆனால் இந்த வாரத்துக்குள் ரஜினியின் புதிய ஸ்டில்கள் வெளியாகும் என்றும் சௌந்தர்யா ரஜினி தெரிவித்துள்ளார்.

சூப்பர் ஸ்டார் ரஜினி நடிக்கும் கோச்சடையான் படத்தின் ட்ரைலர் நாளை வெளியாகக் கூடும் என்று செய்திகள் வெளியாகியிருந்தன. ஆனால் அப்படி வர வாய்ப்பில்லை… ஸ்டில்கள் வேண்டுமானால் வரலாம் என நேற்று முன் தினமே என்வழியில் செய்தி வெளியிட்டிருந்தோம்.

நாம் சொன்னதை ட்விட்டரில் உறுதிப்படுத்தியுள்ளார் படத்தின் இயக்குநர் சௌந்தர்யா.

இதுகுறித்து ட்விட்டரில் விளக்கமளித்துள்ள இயக்குனர் சௌந்தர்யா, “கோச்சடையான் படத்தின் இறுதிக் கட்ட பணிகள் நடைபெற்றுக் கொண்டிருக்கின்றது. விரைவில் அதன் ட்ரெய்லர் காட்சிகளை வெளியிட இருக்கிறோம்.

ஆனால், 14 ஆம் தேதி ட்ரெய்லர் வெளியாகும் என்று வந்த செய்திகள் வெறும் வதந்திதான். அதே நேரம் இந்த வாரம் தலைவரின் அசத்தலான சில ஸ்டில்களை மட்டும் வெளியிடத் திட்டமிட்டுள்ளோம்,” என்று கூறியுள்ளார்.

அதே நேரம், கேன்ஸ் திரைப்பட விழாவில் இந்தப் படத்தின் ட்ரைலரை ரஜினியே வெளியிடுவார் என்பதை அவர் மறுக்கவில்லை.

-என்வழி சினிமா செய்திகள்




2 thoughts on “கோச்சடையான் டிரைலர் எப்போது? – சௌந்தர்யா விளக்கம்

  1. குமரன்

    அனைவருக்கும் எனது தமிழ்ப் புத்தாண்டு வாழ்த்துக்கள்.

  2. srikanth1974

    என் வழி நண்பர்கள் அனைவருக்கும் இனிய தமிழ் புத்தாண்டு நல்வாழ்த்துக்களை தெரிவித்துக்கொள்கிறேன்.
    என்றும் அன்புடன்
    ப.ஸ்ரீகாந்த்.

Leave a Reply

Your email address will not be published. Required fields are marked *