BREAKING NEWS
Search

‘லிங்காவில் சூப்பர் ஸ்டாருடன் நடிப்பது எனக்குப் பெருமையாக உள்ளது!’ – சந்தானம்

‘லிங்காவில் சூப்பர் ஸ்டாருடன் நடிப்பது எனக்குப் பெருமையாக உள்ளது!’ – சந்தானம்

rajini-kanth-at-ygm-drama-festival-still

சென்னை: லிங்கா படத்தில் சூப்பர் ஸ்டார் ரஜினியுடன் இணைகிறார் சந்தானம். இதனை அவரே ட்விட்டரில் உறுதிப்படுத்தியுள்ளார்.

ரஜினி இருவேடங்களில் நடிக்க, கேஎஸ் ரவிக்குமார் இயக்கும் படம் லிங்கா. ரஜினிக்கு ஜோடியாக சோனாக்ஷி சின்ஹா, அனுஷ்கா நடிக்கிறார்கள். நயன்தாரா ஒரு பாடலுக்கு ஆட்டம் போடுகிறார்.

இந்தப் படத்தில் காமெடிக்கும் முக்கியத்துவம் உள்ளது. படம் இருவேறு காலகட்டங்களில் நடக்கிறது. அதில் மூத்த ரஜினியுடன் காமெடி செய்ய வடிவேலு ஒப்பந்தம் செய்யப்பட உள்ளார் என தகவல் வெளியானது. வடிவேலும் இந்த தகவலை உறுதிப்படுத்தியிருந்தார்.

இன்னொரு பக்கம் இளவயது ரஜினியுடன் சந்தானம் நடிப்பார் என்று கூறப்பட்டது. இதனை இப்போது சந்தானமே உறுதிப்படுத்தியுள்ளார்.

ரஜினியின் லிங்கா படத்தில் நடிப்பது பெருமையாக உள்ளது என ட்விட்டரில் செய்தி வெளியிட்டுள்ளார்.

இதுபற்றி விசாரித்ததில், ரஜினி சார்பில் சந்தானத்திடம் பேசிய போது, ‘நிச்சயம் நடிக்கிறேன் சார். அவர் படத்தில் நடிக்க குடுத்து வெச்சிருக்கணுமே,” என்றாராம் சந்தானம்.

ஏற்கெனவே எந்திரன் படத்தில் ரஜினியுடன் நடித்திருந்தார் சந்தானம். அந்தப் படத்தில் அவர் நடித்து மூன்று வருடங்களாகிவிட்டன. அன்று வளரும் நடிகராக இருந்த சந்தானம், இன்று தமிழின் முன்னணி நடிகராகிவிட்டது குறிப்பிடத்தக்கது.

-என்வழி




One thought on “‘லிங்காவில் சூப்பர் ஸ்டாருடன் நடிப்பது எனக்குப் பெருமையாக உள்ளது!’ – சந்தானம்

Leave a Reply

Your email address will not be published. Required fields are marked *