BREAKING NEWS
Search

இந்தியாவின் ஒரே, நிஜ சூப்பர் ஸ்டார் ரஜினிதான்… அவருடன் நடிக்கும் வாய்ப்புக்குக் காத்திருக்கிறேன் – கஜோல்

இந்தியாவின் ஒரே, நிஜ சூப்பர் ஸ்டார் ரஜினிதான்… அவருடன் நடிக்கும் வாய்ப்புக்குக் காத்திருக்கிறேன்! – கஜோல்

kajol_ko

ந்திய சினிமாவின் ஒரே, நிஜ சூப்பர் ஸ்டார் என்றால் அவர் ரஜினிகாந்த் மட்டும்தான். அவருடன் நடிக்கும் பெருமை எனக்குக் கிடைத்தால் மறுபேச்சின்றி சென்னை சென்றுவிடுவேன், என்று நடிகை கஜோல் தெரிவித்தார்.

ரஜினி மூன்று வேடங்களில் நடித்துள்ள கோச்சடையான் படத்தின் இந்திப் பதிப்பு இசை – ட்ரைலர் வெளியீட்டு விழா நேற்று முன்தினம் மும்பையில் நடந்தது.

இந்த நிகழ்ச்சியில் கலந்து கொண்ட நடிகை கஜோல், தான் ரஜினியின் மிகப் பெரிய ரசிகை என்றார்.

செய்தியாளர்களிடம் மேலும் அவர் பேசுகையில், “இந்த நிகழ்ச்சியில் பங்கேற்றது எனக்கு அளவில்லாத மகிழ்ச்சியைத் தருகிறது. உண்மையில் நான் வாயடைத்துப் போயிருக்கிறேன். ரஜினி சாரின் அத்தனை தீவிர ரசிகை நான்.

நான் பார்த்த ஒரே, நிஜ சூப்பர் ஸ்டார் ரஜினி சார். அவரைப் பார்த்து வளர்ந்தவள் நான். அவருடன் நடிக்க எனக்கொரு வாய்ப்பு கிடைத்தால், மறுபேச்சின்றி சென்னைக்குக் கிளம்பிவிடுவேன்.

ரஜினி என்ற சகாப்தத்துடன் வாழ்கிறோம்.. அவரது நிகழ்ச்சியில் கலந்து கொள்கிறோம் என்பதே மிகப் பெரிய பெருமை,” என்றார்.

என்வழி




One thought on “இந்தியாவின் ஒரே, நிஜ சூப்பர் ஸ்டார் ரஜினிதான்… அவருடன் நடிக்கும் வாய்ப்புக்குக் காத்திருக்கிறேன் – கஜோல்

  1. srikanth1974

    இந்த நல்ல விஷயத்தை எங்க ஊருக்கு வரும்போது சொல்லாமல்
    உங்க ஊரிலேயே உங்க ஊரு கதாநாயர்களுக்கு மத்தியிலேயே சொன்னதற்கு
    ரொம்ப நன்றி மேடம்.

Leave a Reply

Your email address will not be published. Required fields are marked *