BREAKING NEWS
Search

100வது டெஸ்ட்… ஏமாற்றினார் ஷேவாக்… 30 ரன்களில் அவுட்!

100வது டெஸ்ட்… ஏமாற்றினார் ஷேவாக்… 30 ரன்களில் அவுட்!

மும்பை: தனது 100வது டெஸ்டில் ஷேவாக் சதமடிப்பாரா என்று அனைவரும் ஆவலுடன் காத்துக் கொண்டிருக்க, அவர் 30 ரன்களில் அவுட்டாகி வெளியேறினார்.

இந்திய- இங்கிலாந்து அணிகளுக்கிடையில் இரண்டாவது டெஸ்ட் இன்று மும்பையில் தொடங்கியது.

டாஸ் வென்ற இந்தியா, பேட்டிங்கை தேர்வு செய்தது.

கம்பீரும் ஷேவாகும் தொடக்க வீரர்களாக களமிறங்கினர். ஆனால் வந்த வேகத்திலேயே இருவரும் பெவிலியன் திரும்பினர்.

ஜேம்ஸ் ஆன்டர்ஸனின் இரண்டாவது பந்திலேயே கம்பீர் அவுட்டானார். அவர் எடுத்தது நான்கு ரன்கள்.

30 ரன்கள் எடுத்திருந்த நிலையில் மான்டி பனேசர் பந்தில் அவுட்டானார் ஷேவாக். இன்று அவருக்கு 100வது டெஸ்ட் என்பதால் சதம் காணுவார் என பெரிதும் எதிர்ப்பார்த்தனர் ரசிகர்கள்.

அடுத்து வந்த டெண்டுகர் 8 ரன்களில், மான்டி பனேசர் பந்தில் வீழ்ந்தார். இப்போது புஜாராவும் கோஹ்லியும் களத்தில் உள்ளனர்.




Leave a Reply

Your email address will not be published. Required fields are marked *