BREAKING NEWS
Search

மார்ச் 9-ம் தேதி கோச்சடையான் இசை வெளியீடு! – அதிகாரப்பூர்வ அறிவிப்பு

மார்ச் 9-ம் தேதி கோச்சடையான் இசை வெளியீடு! – அதிகாரப்பூர்வ அறிவிப்பு

Rajinikanth Kochadaiyaan Song Recording Stills

சென்னை: சூப்பர் ஸ்டார் ரஜினியின் கோச்சடையான் படத்தின் இசை வெளியீட்டு விழா வரும் மார்ச் 9-ம் தேதி பிரமாண்டமாக வெளியாகிறது.

இதனை இன்று அதிகாரப்பூர்வமாக அறிவித்துள்ளனர்.

ரஜினிகாந்த்  தீபிகா படுகோனே, சரத்குமார், நாசர், ஆதி, ஜாக்கி ஷெராப், ருக்மிணி, ஷோபனா, உள்பட பலர் நடிப்பில் தயாராகி உள்ள படம் கோச்சடையான். பாடல்களை வைரமுத்து எழுத ஏ.ஆர் ரஹ்மான் இசை அமைத்துள்ளார்.

ஹாலிவுட் படங்களான அவதார், டின்டின் பாணியில் கோச்சடையான் தயாராகியுள்ளது. தந்தை, மகன் என இரு வேடங்களில் ரஜினி வருகிறார். ரஜினி மகள் சௌந்தர்யா ரஜினி இப்படத்தை இயக்கியுள்ளார்.

கோச்சடையான் படம் வருகிற ஏப்ரல் மாதம், 11-ந்தேதி வெளியாகிறது. உலகமெங்கும் 6 ஆயிரத்துக்கும் அதிகமான தியேட்டர்களில் இப்படத்தை ரிலீஸ் செய்ய திட்டமிடபட்டுள்ளனர்.

தமிழ், இந்தி, தெலுங்கு, போஜ்புரி, மராத்தி உள்பட 10 மொழிகளில் இப்படம் வெளியாகிறது. ஆங்கிலத்திலும் படத்தை வெளியிடுகின்றனர்.

பிப்ரவரி 28ந் தேதி பாடல் வெளியீட்டு விழா நடக்கும் என அறிவிக்கப்பட்டிருந்தது. தற்போது அவ்விழா தள்ளி வைக்கப்பட்டுள்ளது. அதன்படி கோச்சடையான் பட இசை மார்ச் 9-ந் தேதி சென்னையில் வெளியாகிறது. சத்யம் திரையரங்க வளாகத்தில் காலை 9 மணிக்கு இசை வெளியீடு நடக்கிறது. மற்ற விவரங்கள் விரைவில் வெளியாகும்.

மார்ச் 10-ந் தேதி ஹைதராபாத்தில் கோச்சடையான் படத்தின் தெலுங்குப் பதிப்பான  விக்ரம சிம்ஹா பாடல்களை வெளியிடுகின்றனர். இவ்விரு விழாக்களிலும் ரஜினியும், படத்தின் கதாநாயகியாக நடித்துள்ள தீபிகா படுகோனேயும் கலந்து கொள்கிறார்கள்.

-என்வழி




4 thoughts on “மார்ச் 9-ம் தேதி கோச்சடையான் இசை வெளியீடு! – அதிகாரப்பூர்வ அறிவிப்பு

  1. sakthi

    இது நாள் வரையில் திரு ரஜினி அவர்களின் எந்த படத்திற்கும் இல்லாத தேதி அறிவிப்பு தடுமாற்றம் இந்த படத்திற்கு உள்ளது . அதை நினைத்தால் படத்தின் வெற்றி பாதிக்கப்படுமோ என்றே தோன்றுகிறது .

  2. Sachin S

    And Rajini is not going to show up?
    Why we are not able to keep up any dates wrt to this movie!?
    I guess this is going to drain fan’s expectations…not good for anyone! 🙁

Leave a Reply

Your email address will not be published. Required fields are marked *