BREAKING NEWS
Search

கபாலி இன்று சென்சார்… எல்லா மொழிகளிலும் ‘சோலோ’ ரிலீஸ்!

கபாலி எல்லா மொழிகளிலும் ‘சோலோ’ ரிலீஸ்!

13332945_1137026239671941_109816969600645002_n

சென்னை: கபாலி படத்தின் மீதான எதிர்ப்பார்ப்பு நாளுக்கு நாள் எகிறிக் கொண்டே போகிறது. இந்திய திரைப்பட வரலாற்றில் வேறு எந்தப் படத்துக்கும் இல்லாத எதிர்ப்பார்ப்பு இது.

சர்வதேச அளவில் எந்த ஒரு இந்தியப் படமும் இப்படி ஒரு பரபரப்பைக் கிளப்பியதில்லை.

படத்தின் ரிலீஸ் தேதி என்ன? என்பதுதான் பலர் மனதிலும் உள்ள கேள்வி. ரசிகர்கள் சமூக வலைத் தளங்களிலும் வாட்ஸ்ஆப் குழுக்களிலும் இதைப் பற்றியே மாய்ந்து மாய்ந்து பேசிக் கொண்டிருக்கிறார்கள்.

தயாரிப்பாளர் கலைப்புலி தாணு இதுவரை எந்த இடத்திலும் ரிலீஸ் தேதி பற்றி மூச்சு விடவில்லை. சென்சார் முடியும் வரை நான் தேதி சொல்ல மாட்டேன் என்று கூறிவிட்டார்.

இந்த சூழலில் கபாலி இன்று மாலை தணிக்கை செய்யப்படுகிறது. மாலை 7 மணிக்குப் பிறகு தணிக்கைச் சான்றிதழ் பெற்றதும் கபாலி ரிலீஸ் தேதியை தாணு அறிவிப்பார் என்று எதிர்ப்பார்க்கப்படுகிறது.

கபாலி வரும் ஜூலை 22-ல் வெளியாகும் என்றுதான் பலரும் கூறி வருகின்றனர். அந்தத் தேதியில் வெளியானால், எந்த மொழியிலும் கபாலிக்கு போட்டியாக படங்களே இல்லை. ஹாலிவுட் படங்களான ஐஸ் ஏஜ், ஸ்டீபன் ஸ்பீல்பெர் படங்களெல்லாம் கபாலிக்காக ஒரு வாரம் முன் அல்லது பின் தள்ளி வைக்கப்பட்டுள்ளன.

உலகளவில் 5000 அரங்குகளில் தமிழ், தெலுங்கு, இந்தி மொழிகளில் கபாலி வெளியாகிறது. வட இந்தியாவில் இந்தி மொழியில் 1000 அரங்குகளில் கபாலி வெளியாகிறது.

தமிழகத்துக்கு இணையாக இந்தப் படத்தை மலேசியா, சிங்கப்பூர், தாய்லாந்து உள்ளிட்ட நாடுகளில் வெளியிடுவதில் தீவிரமாக உள்ளனர் அந்த நாடுகளின் விநியோக உரிமை பெற்றவர்கள். குறிப்பாக மலேசியாவில் எங்கே பார்த்தாலும் கபாலி மயம்தான்.

-என்வழி




6 thoughts on “கபாலி இன்று சென்சார்… எல்லா மொழிகளிலும் ‘சோலோ’ ரிலீஸ்!

  1. VELMURUGAN

    it is really true.. i came for my job to malaysia recently ( july 2016 only). Here i can here kabali tunes songs and many posters ……. GREAT…….

Leave a Reply

Your email address will not be published. Required fields are marked *