BREAKING NEWS
Search

அம்மா உணவகத்தைத் தொடர்ந்து… மலிவு விலை காய்கறி கடை!

அம்மா உணவகத்தைத் தொடர்ந்து… மலிவு விலை காய்கறி கடை!

tucs rationசென்னை: காய் கறிகளின் விலைகள் மிகக் கடுமையாக உயர்ந்துவிட்டதைத் தொடர்ந்து மலிவு விலை காய்கறிக் கடைகளை அறிமுகப்படுத்துகிறார் முதல்வர் ஜெயலலிதா.

இவற்றுக்கு பண்ணை – பசுமை நுகர்வோர் காய்கறி கடைகள் என்று பெயரிட்டுள்ளார்.

தமிழகத்தில் கடந்த இரு ஆண்டுகளாக பருவமழை பொய்த்ததால் காய்கறிகள் விளைச்சல் குறைந்தது. சந்தைக்கு காய்கறி வரத்து குறைந்ததால் அனைத்து காய்கறிகளின் விலையும் தாறுமாறாக உயர்ந்துவிட்டது.

தக்காளி விலை சில்லறைக் கடைகளில் ரூ 65-70 என விற்கப்படுகிறது. வெங்காயம் உள்ளிட்ட இதர காய்கறிகள் விலை உயர்வினால் ஏழை, எளிய, நடுத்தர மக்கள் பெரும் பாதிப்புக்குள்ளாகியுள்ளனர்.

இதைத் தடுக்க முதல்வர் ஜெயலலிதா பண்ணை பசுமை நுகர்வோர் கடைகளை திறக்க முடிவு செய்தார்.

வெளி மார்க்கெட்டுகளில் காய்கறிகள் விலையேற்றத்தை கட்டுப்படுத்த வேண்டும் என்ற நோக்கத்தில் இத்திட்டத்தை அவர் அறிமுகம் செய்கிறார். நியாயமான விலையில் தரமான காற்கறிகளை விற்க பண்ணை பசுமை நுகர்வோர் கடைகள் 31 இடங்களில் திறக்கப்படுகின்றன.

சென்னை மற்றும் புறநகர் பகுதி மக்கள் பயன்பெறும் வகையில் இந்த காய்கறி கடைகள் திறப்பு விழா ஜூன் 20-ந்தேதி வியாழக்கிழமை 12 மணிக்கு நடக்கிறது.

தேனாம்பேட்டையில் உள்ள டி.யு.சி.எஸ் காமதேனு சிறப்பங்காடியில் உள்ள பண்ணை-பசுமை காய்கறி கடையை தலைமை செயலகத்தில் வீடியோ கான்பரன்ஸ் மூலம் திறந்து வைக்கிறார் முதல்வர். இங்கு பொதுமக்கள் நியாயமான விலையில் தரமான அனைத்து காய்கறிகளையும் வாங்கி செல்லலாம்.

சென்னையில் திருவல்லிக்கேணி பெரிய தெருவில் உள்ள டி.யு.சி.எஸ். சிறப்பங்காடியிலும், கீழ்பாக்கம் உள்ளிட்ட 5 இடங்களிலும், சிந்தாமணி கூட்டுறவு சங்கம் மூலம் அண்ணா நகர், திருமங்கலத்திலும், இப்புதிய காய்கறி கடைகள் திறக்கப்படுகிறது. காஞ்சிபுரம் கூட்டுறவு பண்டக சாலை மூலம் தாம்பரம் உள்ளிட்ட புறநகர் பகுதியிலும், பார்க்டவு்ன், ரெயின்போ கூட்டுறவு சங்கங்கள் மூலமும் இக்கடைகள் திறக்கப்படுகின்றன.

இது தவிர 2 மொபைல் வாகனங்களிலும் காய்கறிகள் குறைந்த விலையில் விற்க திட்டமிடப்பட்டுள்ளது. நகரின் முக்கியமான இடங்களில் இந்த வாகனம் செல்லும்போது பொதுமக்கள் காய்கறிகள் வாங்கி பயன்பெறலாம். முன்னதாக நேப்பியார் பாலம் அருகே அமைக்கப்பட்டுள்ள சட்டசபை வைர விழா நினைவு வளைவை முதல்-அமைச்சர் ஜெயலலிதா திறந்து வைக்கிறார்.

கருணாநிதி காலத்தில்…

கருணாநிதி முதல்வராக இருந்த 2009-லிலும் மலிவு விலை காய்கறி கடைகள் ரேஷன் கடைகளில் திறக்கப்பட்டன. அந்த ஒரு ஆண்டு மட்டும் 117 ரேஷன் கடைகளில் இத்தகைய கடைகள் திறக்கப்பட்டன. ஆனால் அதற்கடுத்த ஆண்டுகளில் இவை தொடரவில்லை என்பது குறிப்பிடத்தக்கது.




Leave a Reply

Your email address will not be published. Required fields are marked *