முதல் பக்கம் / election / தமிழக அமைச்சரவையை மீண்டும் மாற்றினார் ஜெ.. 2 அமைச்சர்கள் நீக்கம்; இலாகாக்கள் மாற்றம்!!

தமிழக அமைச்சரவையை மீண்டும் மாற்றினார் ஜெ.. 2 அமைச்சர்கள் நீக்கம்; இலாகாக்கள் மாற்றம்!!

தமிழக அமைச்சரவை மீண்டும் மாற்றம்.. 2 அமைச்சர்கள் நீக்கம்; இலாகாக்கள் மாற்றம் – நாளை பதவி ஏற்பு

சென்னை: தமிழக அமைச்சரவையை மீண்டும் மாற்றி அமைத்தார் முதல்வர் ஜெயலலிதா. அமைச்சர்களின் இலாகாக்களையும் மாற்றி அமைத்துள்ளார்.

இந்த முறை, தமிழக அமைச்சர்கள் அக்ரி கிருஷ்ணமூர்த்தி, வேலுமணி ஆகியோரை பொறுப்பில் இருந்து நீக்கம் செய்துள்ளார் ஜெயலலிதா. இவர்கள் இருவரின் பொறுப்புக்களையும் கடந்த ஜனவரி 19-ம் தேதிதான் மாற்றி அமைத்தார் ஜெயலலிதா. இப்போது முற்றாகவே நீக்கியுள்ளார்.

என் ஆர் சிவபதியை பள்ளிக்கல்வி, விளையாட்டு, இளைஞர் நல அமைச்சராக்கியுள்ளார். முசிறி தொகுதி எம்எல்ஏ இவர்.

முக்கூர் சுப்பிரமணியத்துக்கு தகவல் தொழில் நுட்பத்துறை ஒதுக்கப்பட்டுள்ளது.   செய்யாறு சட்டப்பேரவை தொகுதியில் வெற்றி பெற்றவர் முக்கூர் சுப்பிரமணியம்.

அமைச்சர் செங்கோட்டையன் வருவாய்த்துறை அமைச்சராகியுள்ளார்.

ஜெயலலிதாவின் இந்த ‘ஆலோசனையை’ ஆளுநர் ரோசைய்யா ஏற்றுக் கொண்டதாகவும், புதிய அமைச்சர்களின் பதவியேற்பு விழா நாளை கவர்னர் மாளிகையில் நடைபெறும் என்றும் அறிவிக்கப்பட்டுள்ளது.

பதவிக்கு வந்த 7 மாதங்களில் 7 வது முறையாக அமைச்சரவையை மாற்றியும் அமைச்சர்களை நீக்கியும் உத்தரவிட்டுள்ளார் ஜெயலலிதா என்பது குறிப்பிடத்தக்கது.  7 மாற்றங்களில் 5 முறை அமைச்சர்கள் நீக்கப்பட்டு சேர்க்கப்பட்டுள்ளனர். இரண்டு முறை இலாகாக்கள் மாற்றப்பட்டுள்ளன.

கடந்த நவம்பரில் நீக்கப்பட்ட சிவபதிக்கு இந்த முறை மீண்டும் பதவி அளித்துள்ளார் ஜெயலலிதா என்பது கவனிக்கத்தக்கது.

-என்வழி செய்திகள்