BREAKING NEWS
Search

லிங்கா படத்துக்கு எதிரான மனுவை தள்ளுபடி செய்தது உயர் நீதிமன்றம்!

லிங்கா படத்துக்கு எதிரான மனுவை தள்ளுபடி செய்தது உயர் நீதிமன்றம்!

lingaa4

மதுரை: கே.எஸ்.ரவிக்குமார் இயக்கத்தில் சூப்பர் ஸ்டார் ரஜினி நடித்துள்ள லிங்கா படத்திற்கு எதிராக தொடரப் பட்ட வழக்கை சென்னை உயர் நீதிமன்றத்தின் மதுரை கிளை தள்ளுபடி செய்து உத்தரவிட்டுள்ளது.

கோச்சடையான் படத்தைத் தொடர்ந்து ரஜினி நடித்துள்ள படம் லிங்கா. கே.எஸ்.ரவிக்குமார் இயக்கியுள்ள இப்படத்தில் அனுஷ்கா, சோனாக்‌ஷி சின்கா நாயகிகளாக நடித்துள்ளனர். இப்படம் ரஜினியின் பிறந்த தினமான டிசம்பர் 12ம் தேதி ரிலீசாக உள்ளது.

இந்நிலையில், லிங்கா படத்தின் கதை தன்னுடைய முல்லைவனம் 999 படத்தின் கதை என இயக்குநர் ரவிரத்தினம் என்பவர் சென்னை உயர்நீதிமன்ற மதுரை கிளையில் மனு தாக்கல் செய்தார்.

இந்த மனுவுக்கு தலைவர் ரஜினிகாந்த், லிங்கா இயக்குநர் கே.எஸ்.ரவிக்குமார், தயாரிப்பாளர் ராக்லைன் வெங்கடேஷ், கதாசிரியர் பொன்குமரன் ஆகியோர் தனித்தனியாக பதில் மனு தாக்கல் செய்தனர்.

இவர்கள் தங்களது மனுவில், மனுதாரர் ரவிரத்தினத்தின் குற்றச்சாட்டுகளை மறுத்திருந்தனர். இந்த வழக்கு விசாரணை கடந்த வாரம் நீதிபதி எம்.வேணுகோபால் முன்னிலையில் விசாரணைக்கு வந்தது.

அனைத்து தரப்பு வாதங்களும் முடிந்த நிலையில் வழக்கில் தீர்ப்பு கூறுவதை தேதி குறிப்பிடாமல் நீதிபதி ஒத்திவைத்தார். அதன் தொடர்ச்சியாக, இன்று லிங்கா பட வழக்கை தள்ளுபடி செய்து நீதிபதி உத்தரவிட்டுள்ளார்.




5 thoughts on “லிங்கா படத்துக்கு எதிரான மனுவை தள்ளுபடி செய்தது உயர் நீதிமன்றம்!

  1. srikanth1974

    பொய்கள் புயல்போல் வீசும் ஆனால்
    உண்மை மெதுவாய் பேசும் அன்று
    நீயே வாழ்வில் வெல்வாய் கலங்காதே கலங்காதே

    இன்றைய சூழ்நிலையில் உங்களுக்கு மிகப்பொருத்தமான பாடல்
    வரிகள் தலைவா!

  2. RAVI

    வாய்மையே வெல்லும். உண்மையே ஜெயிக்கும். வாழ்க சூப்பர் ஸ்டார் ரஜினி அவர்கள். தலைவரின் லிங்கா படத்தை ஆவலுடன் எதிர்ப்பார்த்து காத்துகொண்டு இருக்கிறோம்.

  3. மிஸ்டர் பாவலன்

    நமது வெற்றியை நாளை சரித்திரம் சொல்லும்..
    இப்படை தோற்கின் எப்படை வெல்லும்..

    நீதிக்கு இது ஒரு போராட்டம்..
    இதை நிச்சயம் உலகம் பாராட்டும்..

    -== மிஸ்டர் பாவலன் ==-

Leave a Reply

Your email address will not be published. Required fields are marked *