BREAKING NEWS
Search

ரஜினி, அமிதாப் பங்கேற்க, கோவாவில் தொடங்கியது சர்வதேச திரைப்பட விழா

ரஜினி, அமிதாப் பங்கேற்க, கோவாவில் தொடங்கியது சர்வதேச திரைப்பட விழா

lingaa-1

ந்தியாவின் இரு பெரும் சாதனையாளர்கள் சூப்பர் ஸ்டார் ரஜினிகாந்த், அமிதாப் பச்சன் பங்கேற்க, கோவாவில் இன்று தொடங்கியது சர்வதேச திரைப்பட விழா.

பல ஆண்டுகள் இந்த விழாவில் பங்கேற்காமல் இருந்த அமிதாப் பச்சன் தலைமையில் மாலையில் விழா தொடங்கியது.

தலைவர் ரஜினிக்கு இந்திய சினிமாவின் சிறந்த பிரமுகருக்கான விருதினை இந்த விழாவில் மத்திய அரசு வழங்குகிறது.

மத்திய தகவல் ஒலிபரப்புத் துறை அமைச்சர் அருண் ஜெட்லி, இணைய அமைச்சர் ராஜ்யவர்தன் ரதோர், மத்திய பாதுகாப்பு அமைச்சர் மனோகர் பரிகார் ஆகியோர் பங்கேற்றுள்ள இந்த விழாவை, மத்திய அமைச்சர் அருண் ஜெட்லி முறைப்படி தொடங்கி வைத்தார்.

சிறப்பு விருந்தினரான அமிதாப் பச்சன் சிறப்புரை ஆற்றியபிறகு ரஜினிக்கு மத்திய அரசின் விருது வழங்கப்பட உள்ளது.

அடுத்த பத்து நாட்கள் இந்த திரைப்பட விழா தொடர்ந்து நடக்கிறது. 75 நாடுகளைச் சேர்ந்த 179 படங்கள் பங்கேற்கின்றன. இவற்றில் இந்தியன் பனோரமா பிரிவில் 41 படங்கள் பங்கேற்கின்றன.

விழாவின் துவக்க நாளான இன்று மக்மல்பஃப் இயக்கிய தி பிரசிடென்ட் படம் திரையிடப்படுகிறது.

அதற்கு முன் சர்வதேச திரையுலகப் பிரபலங்கள், இந்திய திரையுலக ஜாம்பவான்கள் மற்றும் அரசியல் தலைவர்கள் கூடிய மேடையில், அமிதாப் பச்சன் தலைமையில் ரஜினிக்கு இந்திய திரையுலகின் சிறந்த பிரமுகருக்கான விருது மத்திய அரசின் சார்பில் வழங்கப்படுகிறது.

-என்வழி




One thought on “ரஜினி, அமிதாப் பங்கேற்க, கோவாவில் தொடங்கியது சர்வதேச திரைப்பட விழா

Leave a Reply

Your email address will not be published. Required fields are marked *