BREAKING NEWS
Search

‘போர்க் குற்றவாளி ராஜபக்சே’வுக்கு எதிராக கறுப்புக் கொடி ஆர்ப்பாட்டம்! – பழ நெடுமாறன்

‘போர்க் குற்றவாளி ராஜபக்சே’வுக்கு எதிராக கறுப்புக் கொடி ஆர்ப்பாட்டம்! – பழ நெடுமாறன் அறிவிப்பு

சென்னை: வரும் ஜூன் 8ம் தேதி இந்தியாவுக்கு வரும் ராஜபக்சவுக்கு எதிராக சென்னையில் கறுப்புக்கொடி ஆர்ப்பாட்டம் நடத்தப்படும் என்று இலங்கைத் தமிழர் பாதுகாப்பு இயக்க ஒருங்கிணைப்பாளர் பழ. நெடுமாறன் தெரிவித்துள்ளார்.

இதுகுறித்து அவர் வெளிட்ட அறிக்கை:

இலங்கையில் கடந்த ஆண்டு ஒரு இலட்சத்திற்கும் மேற்பட்ட தமிழ் மக்களை ஈவு இரக்கமின்றி படுகொலை செய்த இலங்கை ஜனாதிபதி ராஜபக்சே ஜூன் 8ஆம் நாள் இந்திய அரசின் அழைப்பின் பேரில் வர இருக்கிறார்.

அயர்லாந்தின் தலைநகரமான டப்ளினில் கூடிய சர்வதேச மக்கள் தீர்ப்பாயம் ராஜபக்சேவை போர்க்குற்றவாளி என முடிவு செய்து, சர்வதேச நீதிமன்றத்திற்கு முன் அவர் நிறுத்தப்பட வேண்டும் என கூறியுள்ளது.

ஐ.நா. பேரவையின் பொதுச் செயலாளர் பான் கீ மூன் இலங்கையில் நடந்த போர் அத்துமீறல்கள் குறித்து ஐ.நா. விசாரணை மன்றம் ஒன்றை அமைக்கப் போவதாக அறிவித்திருக்கிறார். பல்வேறு நாடுகளும் ராஜபக்சேவின் போர்க்குற்றம் குறித்து விசாரனை நடத்தப்பட வேண்டும் என வற்புறுத்தி வருகின்றன.

உலக சமுதாயத்தினால் போர்க் குற்றம் புரிந்தவர் என சுட்டிக் காட்டப்பட்டுள்ள ராஜபக்சேவுக்கு இரத்தினக் கம்பள வரவேற்பை இந்திய அரசு அளிக்க இருப்பதை இலங்கைத் தமிழர் பாதுகாப்பு இயக்கம் மிக வன்மையாகக் கண்டிக்கிறது. இந்திய அரசின் இந்த செயல் தமிழக மக்களை பெரும் வேதனைக்குள்ளாக்கியுள்ளது.

தமிழர்களின் ஒட்டுமொத்த எதிர்ப்பை ராஜபக்சேவுக்கு தெரிவிக்கும் வகையில் ஜூன் 8ஆம் நாள் காலை 10மணிக்கு சென்னையில் இலங்கைத் தூதுவர் அலுவலகம் முன்பாக மாபெரும் கறுப்புக்கொடி ஆர்ப்பாட்டம் நடைபெறும்.

அதே நாளில் அதே நேரத்தில் தமிழகமெங்கும் அனைத்து மாவட்டத் தலைநகரங்களிலும் கறுப்புக்கொடி ஆர்ப்பாட்டங்கள் நடத்தப்படும். இலங்கைத் தமிழர் பாதுகாப்பு இயக்கத்தில் அங்கம் வகிக்கும் அனைத்துக் கட்சிகள், அனைத்துத் தமிழ் அமைப்புகள் ஆகியவற்றைச் சேர்ந்த தோழர்கள் இந்த ஆர்ப்பாட்டங்களில் திரளாகக் கலந்துகொண்டு நமது எதிர்ப்புணர்வை வெளிப்படுத்த வேண்டும்” என்று அந்த அறிக்கையில் பழ நெடுமாறன் கூறியுள்ளார்.




3 thoughts on “‘போர்க் குற்றவாளி ராஜபக்சே’வுக்கு எதிராக கறுப்புக் கொடி ஆர்ப்பாட்டம்! – பழ நெடுமாறன்

  1. Manoharan

    அந்த நாளில் நாமும் கருப்பு சட்டை அணிவோம.

  2. sambath

    ராஜபக்சே எனும் அரக்கனை வரவேற்க இரத்தின கம்பலமா? மிக மிக கேவலமான ஓர் அரசு இது … பல்லாயிரகணக்கான உயிரை குடித்தவனுக்கு உற்சாக வரவேற்பா?

Leave a Reply

Your email address will not be published. Required fields are marked *