BREAKING NEWS
Search

‘நான் பறக்கிற இலை இல்ல… மலை, அசைக்க முடியாது!’

‘நான் பறக்கிற இலை இல்ல… மலை, அசைக்க முடியாது!’  – இது சுல்தான் பஞ்ச்!

ரம்ப காலத்தில் நடை உடை பாவனை தவிர, குறிப்பாக ஏதாவது ஒரு மேனரிஸத்தை ஸ்டைல் என்று தனித்துக் காட்டி வந்தார் ரஜினி.

ஆனால் ஒரு கட்டத்தில் ரஜினியின் நடை, பேச்சு என எல்லாமே ஸ்டைல்தான் என்பதைப் புரிந்து கொண்ட ரசிகர்கள், ரஜினி என்ற அற்புத நடிகரை ‘ஸ்டைல் சாம்ராட்’டாக கொண்டாடி வருகின்றனர். அவர் பயன்படுத்தும் ஒவ்வொரு வார்த்தையும் இளைஞர்களின் உலகில் கம்ப்யூட்டர் மொழி மாதிரி படுவேகமாகப் பரவி வருகிறது.thumbcms

அதே போலத்தான், அவரது முத்திரை வசனங்களும். ‘நான் ஒரு தடவை சொன்னா…’ வசனத்துக்குள்ள ஈர்ப்பு என்னவென்பதை இப்போதும் உணர முடியும்.

ஆனால், விடலை ஹீரோக்களெல்லாம் அவர் பாணியில் விரல் சொடுக்கிப் பேசத் துவங்க, தன் படங்களில் பஞ்ச் வசனங்கள் பேசுவதைக் குறைத்துக் கொண்டவர், தன்னைப் பின்பற்றும் இளைய நடிகர்களை ஒருவித சந்தோஷத்துடன் உற்சாகப்படுத்த ஆரம்பித்தார். எந்தக் கலைஞனிடமும் காண முடியாத அரிய குணம் இது.

இன்று ரஜினி பேசுவதில் எது முத்திரை வசனம் (பஞ்ச் டயலாக்), எது சாதாரண வசனம் என்று பிரிக்க முடியாமல் போய்விட்டது. அவர் சாதாரணமாகப் பேசினாலே இப்போது பஞ்ச் வசனம்தான் என்பதால் ரசிகர்களும் தனியாக பஞ்ச் வசனம் கேட்பதில்லை!

ஆனாலும் சுல்தான் படத்தில் சில பஞ்ச் வசனங்களை தந்தைக்காக உருவாக்கச் சொல்லியுள்ளார் சௌந்தர்யா. இந்த வசனங்களை எழுதியிருப்பவர் எழுத்தாளர் எஸ்.ராமகிருஷ்ணன். இதைத் தவிர சௌந்தர்யாவே தந்தைக்காக எழுதியுள்ள ஒரு பஞ்ச் வசனமும் உண்டு.

அது:

‘அடிக்கிற காத்துல பறக்கிற இலை இல்லடா இந்த சுல்தான். மலை, அசைக்க முடியாது…!’

படம் எப்போது ரிலீஸ்?

ஆரம்பத்தில் மே, பிறகு ஜூன், ஜூலை என்று கூறப்பட்டது. ஆனால் இப்போது ‘எந்திரன்’ ரிலீஸ் 2010-ல் என்பது உறுதியாகிவிட்டதால், படத்தை தீபாவளிப் பரிசாக தரும் திட்டத்திலிருக்கிறாராம் சௌந்தர்யா.

soundarya3“எதையும் திட்டமிட்டு, சரியான தரத்துடன் தரவேண்டும் என்பதே என் விருப்பம். அப்பாவும் அதைத்தான் விரும்புவார். அனிமேஷன் வேலைகள் நடக்கின்றன. கடந்த வருடம் ஜுன் மாதம் படப்பிடிப்பு துவங்கியது. இப்போதைக்கு 70 சதவீதம் பணிகள் முடிந்துள்ளது. தீபாவளிக்கு படத்தை ரிலீஸ் செய்ய ஏற்பாடுகள் நடக்கின்றன. புத்தாண்டுக்கு முன் ரசிகர்களுக்கு தரப்படும் ஒரு வித்தியாசமான பரிசாக இந்தப் படம் இருக்கட்டுமே…” என்று புன்னகைக்கிறார் இந்த சூப்பர் ஸ்டார் வீட்டு இளவரசி.

ஏ.ஆர்.ரகுமான் இசையில் இன்னும் ஒரு பாடல் மட்டுமே பாக்கி. பின்னணி இசையை அவரே கொஞ்சம் அவகாசமெடுத்து செய்து தருவதாகக் கூறியுள்ளாராம்.

ரஜினியின் அறிமுக பாடல் இதுவரை எந்தப் படத்திலும் இடம்பெறாத அளவு ஸ்டைலாகவும் பிரம்மாண்டமாகவும் எடுக்கப்பட்டுள்ளதாம்.

படத்தில் இடம்பெறுவது முழுக்க முழுக்க ரஜினியின் சொந்தகுரல்தான். அனிமேஷன் ரஜினிக்கு ஜோடி விஜயலட்சுமி. காமெடிக்கு மயில்சாமி, வில்லத்தனத்துக்கு ராகுல்தேவ் என புத்தம் புதிய கூட்டணி.

இதில் ரஜினியின் அனிமேஷன் உருவம் “சிக்ஸ் பேக்”சில் கட்டுமஸ்தான தேகத்தோடு உருவாக்கப்பட்டுள்ளதாம். (படையப்பாவிலேயே அவர் சிக்ஸ் பேக் ஸ்டைலில் தோன்றிவிட்டார்!).

படம் வெளியாகும்போதே, சுல்தான் படத்தை உருவாக்கிய விதம் குறித்த, ‘மேக்கிங் ஆப் சுல்தான்’ படமும் திரையரங்குகளில் வெளியிடப்படும்.

தமிழ், தெலுங்கு, இந்தியில் நேரடியாக வெளியாகும் சுல்தான், ஆங்கிலம், ஸ்பானிஷ் மற்றும் ஜப்பானிய மொழிகளிலும் வெளியாகிறது.

-வினோ




3 thoughts on “‘நான் பறக்கிற இலை இல்ல… மலை, அசைக்க முடியாது!’

  1. Neruppu

    Ellam Nallathan irukku… muthalla ivarai publica arasiyalukku vara sollungappa…

    Aana oru vishayam…

    paravalla.. intha site-layavathu, Rajini vanthaaru, ninnaru, ukkaanthaarunnu ezhuthaama konjam maturda ezguthiyirukkanga…

    To all Rajini fans,

    Eppa kannungala… Rajini mela engalukku irukkira nalla abippirayam thodaranumna, neengala ethuvum puthusu puthusa kandu pidichi ezhutha venam. Naangalae therinchukkuvom. Nalla Sandhana vaasathai ethai pottu moodinalum thadukka mudiyathu…!

  2. Srinivas

    //Eppa kannungala… Rajini mela engalukku irukkira nalla abippirayam thodaranumna, neengala ethuvum puthusu puthusa kandu pidichi ezhutha venam. Naangalae therinchukkuvom. Nalla Sandhana vaasathai ethai pottu moodinalum thadukka mudiyathu…!//

    Thankz…Dis thankz s only fr these words “Rajini mela engalukku irukkira nalla abippirayam ”

    நீங்க தெரிஞ்சுக்கனும்னு யாரும் எழுதறதில்ல…அப்படி நெனைசீங்கன்னா அந்த எண்ணத்தை மாத்திக்கோங்க ….நீங்க கூட தான் நெருப்பு னு வெச்சுருக்கீங்க.அந்த பெற உங்கள தவிர வேற யாரவது உங்களுக்கு வெசுருந்தாங்கன்னா நாங்க நிறுத்தறோம்…நாங்க அப்டிதான் எழுதுவோம்… v knw wat v r doing…..

Leave a Reply

Your email address will not be published. Required fields are marked *