BREAKING NEWS
Search

நாங்கள் சிறப்பாக விளையாடவில்லை! – டோணி

ரசிகர்களிடம் மன்னிப்புக் கேட்டார் டோணி!

லண்டன்: டுவென்டி-20 உலக கோப்பை தொடரை கைப்பற்றும் வாய்ப்பை இழந்தது வருத்தம் அளிக்கிறது. இதற்காக ரசிகர்கள் என்னை மன்னிக்க வேண்டும் என கேப்டன் டோணி தெரிவித்துள்ளார்.dhoni

டுவென்டி-20 உலக கோப்பை தொடரில் நேற்று நடந்து சூப்பர்-8 போட்டியில் இந்திய அணி 3 ரன்கள் வித்தியாசத்தில் இங்கிலாந்திடம் தோல்வியடைந்து அரையிறுதி வாய்ப்பை இழந்தது. இதை கோப்பை வெல்ல வேண்டும் என்ற இந்தியர்களின் கனவு தகர்ந்து போனது.

இது குறித்து பத்திரிகையாளர் சந்திப்பின் போது டோணி கூறியதாவது:

எங்களால் முடிந்தவரை சிறப்பாக விளையாட முயன்றோம். எங்களிடம் அனுபவம் நிறைந்த வீரர்கள் சிலர் இருந்தாலும், நேற்று எதுவும் செய்ய முடியாமல் போய்விட்டது. இதற்காக இந்திய ரசிகர்களிடம் மன்னிப்பு கேட்டு கொள்கிறேன்.

இந்திய ரசிகர்கள் எளிதில் உணர்ச்சிவசப்பட கூடியவர்கள். அவர்களை விட இந்த தோல்வி எங்களுக்கு அதிக ஏமாற்றத்தை கொடுத்துள்ளது.

ஐபிஎல் தொடரில் விளையாடியதன் காரணமாக வீரர்கள் களைத்து போய்விட்டார்கள் என்று கூற முடியாது. அதை கூறி யாரும் தப்பிக்க முடியாது.

இந்த தொடரில் நாங்கள் ஒரு அணியாக சிறப்பாக விளையாடவில்லை என்று தான் கூற வேண்டும். எனது பேட்டிங்கும் அதிரடியாக இல்லை. என்னால் பவுண்டரிகள் மட்டுமே அடிக்க முடிந்தது. அடுத்து வரும் போட்டிகளில் சிக்சர்கள் விளாசுவேன்.

இந்தியாவின் பேட்டிங் சுத்தமாக எடுபடவில்லை. எளிய இலக்கை எட்டாதது ஏமாற்றம். பேட்ஸ்மேன்கள் தான் தோல்விக்கு காரணம்.

இங்கிலாந்தின் சிறப்பான பந்துவீச்சு

இங்கிலாந்து பவுலர்கள் சிறப்பாக பந்துவீசினார்கள். பவுன்சர்களை வேகம் கூட்டியும், குறைத்துமாக வீசியதால் அவர் வீசிய 22 பவுன்சர்களில் அதிக ரன்கள் சேர்க்க முடியவில்லை. இதிலிருந்து நல்ல பாடம் பெற்றோம். பவுன்சர்களை சிக்சராக மாற்றுவது எப்படி என்பதை விரைவில் கற்றுக்கொள்வோம்.

2007ல் நடந்த ஒரு நாள் உலக கோப்பை தொடரில் லீக் சுற்றில் வெளியேறியது தான் எனது கிரிக்கெட் வாழ்க்கையில் மோசமான நாள். இது அதற்கடுத்து சோகமானது.

அடுத்த டுவென்டி-20 உலக கோப்பை வரும் ஏப்ரலில் வெஸ்ட் இண்டீசில் துவங்குகிறது. இதில் சிறப்பாக விளையாடி கோப்பை வெல்வோம்.

ஷேவாக் இல்லாதது பெரும் இழப்பு. அவரது இடத்தை வேறு யாரும் நிரப்ப முடியாது. அவர் அணியில் இருந்தாலே எதிரணி பவுலர்களின் மன தைரியம் குறைந்துவிடும் என்றார் டோணி.

முன்னாள் வீரர்கள் விமர்சனம்!

இந்திய அணியின் இந்தத் தோல்விக்குக் காரணம் தோணியின் மோசமான அணுகுமுறை மற்றும் திட்டமிடலே என முன்னாள் கிரிக்கட் வீரர்கள் சையத் கிர்மானி, இஏஎஸ் பிரசன்னா, அருண்லால், விபி சந்திரசேகர், மதன்லால் ஆகியோர் கருத்து தெரிவித்துள்ளனர்.

ஆனால் இந்தத் தோல்வி குறித்து தான் எதுவும் கருத்து கூற முடியாது என இந்தியாவுக்கு உலகக் கோப்பை பெற்றுத் தந்த முன்னாள் கேப்டன் கபில்தேவ் கூறியுள்ளார்.

தன் தாயார் மரணமடைந்ததிலிருந்து தான் கிரிக்கெட் பற்றிய சிந்தனையே இல்லாமல் இருப்பதாகவும், இப்போதைய நிலைமை குறித்து தெரியாமல் கருத்து கூற விரும்பவில்லை என்றும் கபில் கூறியுள்ளார்.

20 ஓவர் கிரிக்கெட் என்ற வடிவத்தை இந்தியாவுக்கு அறிமுகப்படுத்தியவர் கபில்தேவ்தான். இவர்தான் ஐசிஎல் எனும் அமைப்பை முதல்லி உருவாக்கி, 20 ஓவர் போட்டிகளை நடத்தினார். அதைப் பார்த்துதான் ஐபிஎல் உருவாக்கப்பட்டது நினைவிருக்கும்.

கிரிக்கெட் வாரியம் ஆதரவு!

இதற்கிடையே 20 ஓவர் உலகக் கோப்பைப் போட்டியில் தோற்தற்காக இந்திய அணியை  குறைசொல்லத் தேவையில்லை என இந்திய கிரிக்கெட் வாரியம் அறிவித்துள்ளது.

‘இந்தத் தோல்வி மோசமானதுதான். ஆனாலும் இந்தத் தோல்வி என்பது கிரிக்கெட்டின் முடிவாகிவிட முடியாது. அடுத்து வரும் மேட்ச்களில் கவனம் செலுத்துவோம்’, என அறிவித்துள்ளது வாரியம்.




3 thoughts on “நாங்கள் சிறப்பாக விளையாடவில்லை! – டோணி

  1. thinnu

    at last its over, let the people away form this and encourage other games. this criket is only money making, let all hate , come to new one

  2. manithan

    Dhoni form illama irruntha ishant sharmavai neenga teamla sethdu romba thapu….ithuthan india loss aga mukkiya karanam…..

  3. Manoharan

    Its all in the game. Our people are emotional idiots. Too much of cricket will spoil the game itself. Cricketers are not exceptions. Take it easy.

Leave a Reply

Your email address will not be published. Required fields are marked *