BREAKING NEWS
Search

தயாரிப்பாளர்கள் சங்கத் தலைவராக மீண்டும் ராம.நாராயணன்!

தயாரிப்பாளர்கள் சங்கத் தலைவராக மீண்டும் ராம.நாராயணன்!

மிழ் சினிமாவின் வலுவான அமைப்பான திரைப்பட தயாரிப்பாளர் சங்கத் தலைவர் பதவிக்கு நடந்த தேர்தலில் ராம நாராயணன் மீண்டும் வெற்றி பெற்றார்.

மிகவும் பரபரப்பாக எதிர்ப்பார்க்கப்பட்ட இந்தத் தேர்தல், இன்று ஞாயிற்றுக் கிழமை காலை துவங்கியது.

இந்த தேர்தலில் ராமநாராயணன் தலைமையில் ஒரு அணியும், கே.ஆர்.ஜி. தலைமையில் இன்னொரு அணியும் போட்டியிட்டன.

இந்தத் தேர்தல் இன்று மாலை 4.30 மணி வரை நடந்தது.

பின்னர் ஓட்டுக்கள் எண்ணப்பட்டன. இதில் தலைவர் பதவிக்கான தேர்தலில் ஏற்கெனவே தலைவராக உள்ள ராம நாராயணன் அதிக ஓட்டுக்கள் பெற்று வெற்றி பெற்றார்.

இந்த தேர்தலில் ராம.நாராயணன் தலைமையில் போட்டியிட்ட அணியினர் அத்தனை பேரும் வெற்றிபெற்றார்கள். அவர்களுக்கு கிடைத்த ஓட்டு விவரம் வருமாறு:

அன்பாலயா பிரபாகரன் (துணை தலைவர்) – 441

எஸ்.ஏ.சந்திரசேகரன் (துணை தலைவர்) – 391

சிவசக்தி பாண்டியன் (செயலாளர்) – 359

கே.முரளிதரன் (செயலாளர்) – 334

காஜாமைதீன் (பொருளாளர்) – 389

கே.ஆர்.ஜி.க்கு 147 ஓட்டுகள்

எதிர் அணியில் தலைவர் பதவிக்கு போட்டியிட்ட கே.ஆர்.ஜி. 147 ஓட்டுகள் பெற்று தோல்வி அடைந்தார். அவருடைய அணியில் துணைத்தலைவர் பதவிக்கு போட்டியிட்ட கோட்டை குமார் 191 ஓட்டுகளும், செயலாளர் பதவிக்கு போட்டியிட்ட பி.எல்.தேனப்பன் 264 ஓட்டுகளும், மாரியப்ப பாபு 14 ஓட்டுகளும், ராதாகிருஷ்ணன் 113 ஓட்டுகளும் பொருளாளர் பதவிக்கு போட்டியிட்ட பாபுகணேஷ் 180 ஓட்டுகளும் பெற்று தோல்வி அடைந்தார்கள்.

தமிழ்த் திரைப்பட தயாரிப்பாளர்கள் சங்கத் தேர்தலில் 3-வது முறையாக வெற்றிபெற்ற ராம.நாராயணன் நிருபர்களுக்கு பேட்டி அளித்தார். அவர் கூறியதாவது:

“இந்த வெற்றியை கடந்த 2 வருடங்களாக நாங்கள் செய்த சேவைக்கு கிடைத்த அங்கீகாரமாக கருதுகிறோம். இந்த வெற்றிக்கு காரணம் முதல்வர் கலைஞர்தான். தமிழ்த் திரைபட உலகுக்கு அவர் வழங்கிய சலுகைகள்தான் எங்களை வெற்றி பெற வைத்திருக்கிறது. தொடர்ந்து தமிழ்த் திரைப்பட தயாரிப்பாளர்களின் நலனுக்கு பாடுபடுவோம்…,” என்றார்.

தமிழ் திரைப்பட தயாரிப்பாளர் சங்க தேர்தலில் 21 பேர்களைக் கொண்ட செயற்குழுவுக்கு மொத்தம் 40 பேர் போட்டியிட்டார்கள். இவர்களுக்கான ஓட்டு எண்ணிக்கை இன்று (திங்கட்கிழமை) காலை நடைபெறும். மாலை 6 மணிக்குள் முடிவுகள் அறிவிக்கப்படும் என்று தேர்தல் அதிகாரி நீதிபதி சிவசுப்பிரமணியம் தெரிவித்தார்.

வெற்றி பெற்ற நிர்வாகிகளுக்கான பதவியேற்புவிழா இன்று (திங்கட்கிழமை) மாலை 6.30 மணிக்கு பிலிம் சேம்பர் திரையரங்கில் நடைபெறுகிறது.




Leave a Reply

Your email address will not be published. Required fields are marked *